20 Maýsym, 2019

Densaýlyq saqtaý salasyna 362,5 mlrd teńge jetispeıdi

219 ret kórsetildi

Bul týraly Almatyda medısına salasyndaǵy reformalardy talqylaýǵa arnalǵan jıynda «Áleýmettik medısınalyq saqtandyrý qory» KEAQ basqarma tóraǵasy Aıbatyr Jumaǵulov málimdedi.

«2017 jyly elimizde medısınalyq kómekke jan basyna shaqqanda 91 myń teńge nemese 280 AQSh dollary jumsalǵan. Álbette, 2013 jylmen salystyrǵanda bul kórsetkishten 35 myń teńgege kóp. Alaıda, Ekonomıkalyq yntymaqtastyq jáne damý uıymy elderinde bul kórsetkish 3000 dollardan asyp-jyǵylady», - dedi Qor tóraǵasy.

Aıtýynsha, qarjy tapshylyǵyna – tehnologııa baǵasynyń qymbattaýy, adamdardyń ómir jasynyń uzarýy jáne medısınalyq qyzmetterdi tutyný kóleminiń, medqyzmetti jıi paıdalanatyn – balalar men qart kisiler sanynyń artýy, sondaı-aq, juqpaly emes sozylmaly aýrýlardyń kóbeıýi sebep.

2020-2022 jyldarǵa arnalǵan bıýdjet jobasynda 2020 jyly medısınalyq kómekke jumsalatyn qarjy 1 trln 620 mlrd teńge dep belgilengen. Bul bıylǵy shyǵyndardan 67 prosent kóp. Atalǵan qarjynyń 967,7 mlrd. teńgesi tegin medısınalyq kómekke, 652,8 mlrd teńgesi – saqtandyrý paketi boıynsha kórsetiletin qyzmetterge jumsalady.

«Biraq bul mindetti medısınalyq saqtandyrý engizilgennen keıin saladaǵy qarjy tapshylyǵy máselesi birden sheshimin tabady degen sóz emes. Shyn máninde, saqtandyrý halyqtyń qaltasynan shyǵatyn shyǵyndardy qysqartýǵa emes, onyń ósý qarqynyn tómendetýge múmkindik beredi. Olaı deıtin sebebimiz, halyq sany aldaǵy ýaqytta da artady, sonyń ishinde medısınalyq qyzmetterdi kóp paıdalanatyn balalar úlesi 2,4%, qarttar úlesi 4% kóbeıedi. Oǵan únemi qymbattap otyratyn tehnologııalardyń baǵasyn qosyńyz. Sonymen qatar, medısına toqtaýsyz damyǵandyqtan aldaǵy ýaqytta medısınalyq saqtandyrý/kepildendirilgen tegin medısınalyq kómek paketterine enbegen qyzmet túrleri paıda bolady. Osynyń bári jurtshylyqtyń densaýlyq saqtaýǵa jumsaıtyn jeke shyǵyndarynyń ósýine yqpal eteri sózsiz», - dedi A.Jumaǵulov.

Sonymen qatar, prezıdenttiń densaýlyq saqtaý salasyna bólinetin qarjyny IJО́-niń 5 prosentine jetkizý týraly tapsyrmasy  tapshylyqty edáýir azaıtýǵa septigin tıgizeri anyq, dep qorytty MSQ basshysy.

Sońǵy jańalyqtar

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Ipoteka týraly zańǵa ózgerister engizildi

Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

Aımaqtar • 04 Shilde, 2020

Uqsas jańalyqtar