Halyqaralyq qoǵamdastyq moıyndaǵan lıder

Vladımır PÝTIN,

Reseı Federasııa­synyń

Prezı­den­ti:

– Nursultan Ábishuly – saıa­satta kópten, Keńes dáýirinen kele jatqan tulǵa. Meni qatty tań­ǵaldyratyny – onyń zaman ty­nysyn tap basyp tanıtyny. Bul qasıet – búgingi álemdi dóp basyp sezine alatyn qasıet oǵan qaıdan daryǵan?.. Ol – adal da ádil. Bir máselelerdi tal­qy­la­ǵanda, árdaıym qatardaǵy adam­dar­ǵa bul qalaı áser etedi dep oılap turady.

Sı SZINPIN,

Qytaı Halyq Respýblıkasynyń Tóraǵasy:

– Prezıdent Nursultan Nazar­­baevtyń arqasynda biz­diń elderimizdiń arasynda árip­tes­­tiktiń myqty irgetasy qa­lan­­ǵan. Prezıdent Nazarbaev el­­derimizdiń dostyǵyn nyǵaı­tý úshin qanshama jyl aıanbaı eń­bek etti. Qazaqstan men Qy­taı arasyndaǵy qarym-qa­ty­nas­ty damytýǵa zor úles qos­qan Nur­sultan Nazarbaevty Qy­taı eli jaqsy biledi jáne asa qur­metteıdi.

Hý SZINTAO,

Qytaı Halyq Respýblıkasynyń Tóraǵasy (2003-2013 jj.):

– Táýelsizdik jyldary Sizdiń basshylyǵyńyzben eńbeksúıgish te aqylman Qazaqstan halqy ózi­niń qajyrly da jasampaz eń­begimen damýdyń durys jolyn taba bildi. Búginde Qazaqstanda eko­­nomıka turaqty damý ús­tin­­de, halyqtyń ál-aýqaty ar­typ, qoǵamnyń áleýmettik-saıa­sı turaqtylyǵy saqtalyp otyr. Soń­­ǵy jyldary Qytaı-Qazaq­stan qaty­nastary belsendi damýda.

Donald TRAMP,

AQSh Prezı­den­ti:

– Men Prezıdent myrzaǵa EKSPO-2017 arqyly energetı­kalyq qaýipsizdik máseleleri boıynsha jahandyq únqatysýdy ilgeriletýdegi kóregendigi men kósh­­basshylyǵy úshin rızashy­lyǵymdy bildiremin. О́zara qur­met pen ortaq múddelerge negiz­delgen AQSh pen Qazaqstan ara­syndaǵy strategııalyq árip­tes­tiktiń ári qaraı nyǵaıa túse­tinine úmit­tenemin.

Barak OBAMA,

AQSh Prezıdenti

(2009-2017 jj.):

– Prezıdent Nazarbaev ıadro­lyq qarýlardy taratpaý máse­lelerinde álemdegi úlgili kósh­bas­shylardyń biri bolyp tabylady. Qazaqstan ıadrolyq qarý­dan bas tartyp, qaýipsizdik pen eko­nomıkalyq órkendeýge qol jetkizýde úlgi bola alady. Bul qadam Qazaqstandy óńirde­gi tu­raqty elderdiń birine aınaldy­rýǵa múmkindik berdi.

Djordj Ýoker BÝSh,

AQSh Prezıdenti

(2001-2009 jj.):

– Qurmetti Prezıdent myrza! Sizdiń basshylyǵyńyzben Qazaq­stan jappaı qyryp-joıatyn qarýdy taratpaý isinde álemniń jetekshi elderiniń birine aınaldy. Qurama Shtattar, sonymen qatar Qazaqstanǵa terrorızmge qarsy jahan­dyq kú­reste kórsetken dos­tyǵy men yn­tymaqtastyǵy úshin, sonyń ishin­de «Qazbattyń» Irak­taǵy úz­dik qyzmeti úshin rıza­shylyǵyn bil­diredi.

Rejep Taııp ERDOǴAN,

Túrkııa Respýblıkasynyń Prezıdenti:

– Qazaqstan Prezıdenti Nur­sul­tan Nazarbaev – óz zama­ny­nyń asa kórnekti tulǵasy já­ne túrki jurtynyń aqsaqaly. Biz Nursultan Nazarbaevtyń ha­lyq­aralyq bastamalaryna ár­qashanda ashyqpyz ári zor qur­met­pen qabyldaımyz. Qazaq­stan Prezıdentiniń túrki álemin­degi bedeli bıik, Nursultan Nazar­baevtyń barsha túrki halyq­tary­nyń basyn biriktirip, baýyr­las túrik elimen qarym-qatynasty ny­ǵaıtýǵa sińirgen eren eńbegin atap ótpeýge bolmaıdy.

Abdýlla GÚL,

Túrkııa Respýblıkasynyń Prezıdenti (2007-2014 jj.):

– Ár kelgenimde gúldene tús­kenine kýá bolyp júrgen As­ta­na qalasy – Qazaqstannyń dına­mızmi men Prezıdent Nazar­baev­ myrzanyń kóregendigin beı­­­­ne­leıtin eń úlken týyndy. As­ta­na­nyń qurylys ju­mys­­tary­na tú­rik fırmalary men jumys­shy­larynyń da úles qosýyn túrik-qa­zaq yn­ty­maq­tastyǵynyń eń ásem nyshan­darynyń biri dep bi­le­miz.

Ilham ÁLIEV,

Ázerbaıjan Respýblıkasynyń Prezıdenti:

– Aımaqtaǵy beıbitshilikke baǵyttalǵan Qazaqstan basshyly­ǵy­nyń júıeli de dana saıasaty kó­bi­ne qaýipsizdikti nyǵaıtýdy kóz­­­deıdi. Qazaqstan tuǵyry bıik, tegeýrini myqty memleket­ke aınaldy. Sondyqtan da aı­maq­­­­tyq máselelerdi sheshýde Qa­zaq­­stannyń róli men mańy­zy arta túsýde, al biz bul mem­le­ket­­tiń jetistigine árqa­shan da qýanyshtymyz. Men Qazaq­stan­nyń jańa elordasyn kórip, qarqyndy qurylyspen salynyp jatqan jańa qalanyń kórkine tánti boldym.

Shavkat Mırzııoev,

О́zbekstan Prezıdenti:

– Ýaqyt pen taǵdyr maǵan álemdik deńgeıdegi memlekettik ári saıası qaıratker – Qazaqstan Res­pýblıkasynyń Prezıdenti Nursultan Nazarbaevpen birge jumys isteý múmkindigin syılady. Ol – ozyq oıly adam. Qa­shanda tyń reformalarǵa um­tylady. Ol – reformator. Táýelsizdik jyl­­­da­ry Qazaq­stan­nyń qandaı je­­tis­tikterge jetkenin kórýge bo­la­dy. Eń bas­tysy, Qazaqstanda beıbitshilik pen tynyshtyq or­nap tur. Re­formalar júrip ja­­tyr. Qa­zaq­stannyń búgingi jetis­tik­terine búkil álem kýá.

Nazarbaevpen sóılesken kezde ózimdi jaıly sezinemin. Árbir kezdesýden sabaq alamyn.

Kofı ANNAN,

BUU Bas hatshysy

(1997-2006 jj.):

– Qazaqstan – ózge de TMD elderimen salystyrǵanda erekshe memleket. Onda turaqtylyq, beıbitshilik jáne ekonomıkalyq ósim bar. 1991 jyly Prezıdent Nazarbaevtyń bastamasymen Qazaqstan óz erkimen ıadrolyq qarýdan bas tartqanda, biz Na­zar­baevtyń osy bir bastamasy­na qaıran qalǵan bolatynbyz. О́ıtkeni BUU álem elderin ıadro­­lyq qarýdan bas tartýǵa úndep kele jat­qanyna 60 jyldan asty. Biraq ná­tıje joq edi. Keıingi tabystar – Prezıdent Nazarbaevtyń eńbegi.

Pan Gı MÝN,

BUU Bas hatshysy

(2007-2016 jj.):

– Qazaqstan Prezıdentiniń kóregen saıasaty bolmaǵanda, bul óńirdegi halyq áli kúnge deıin synaqtardan zardap shegip otyrýy múmkin edi. Sizdiń Ortalyq Azııada ıadrolyq qarýdan ada aı­maq qurý bastamańyzben Sol­tústik jarty sharda ondaı aýmaq tuńǵysh ret qurylǵanyn zor rızashylyqpen aıta alamyn.

Margaret TETChER,

Ulybrıtanııa Premer-mınıstri (1979-1990 jj.):

– Qazir jahandyq saıasatta 5-6 iri jáne yqpaldy saıasatker bar. Solardyń biri – Nursultan Nazar­baev. Men oǵan senemin jáne onyń barlyq bastamalaryn qoldaımyn.

Lı Kýan Iý,

Sıngapýr Respýblıkasynyń birinshi Premer-mınıstri (1959-1990 jj.):

– Prezıdent Nazarbaev – keńes­­­­tik saıasattaǵy jaryq jul­­dyz, túrli respýblıkalar ara­syn­­­daǵy iri tulǵa. Qazaqstan lı­­deri – belgili deńgeıde qatal, tá­ji­rı­beli, jedel sheshim qabyl­daı ala­tyn adam. Odaqtyń bas­qa res­pýblıkalarynyń ózi mo­ıyndaǵan jyly shyraı­ly, ta­lantty jáne tabandy bas­shy. Nazarbaev res­pýblıka­ny basqaryp turǵanda, Qazaq­­stannyń tabystarǵa jetý múm­kin­digi anaǵurlym mol bolady.

Mahathır Mohammad, Malaızııanyń 1981-2003 jj. jáne qazirgi Premer-mınıstri: 

– Biz elde turaqtylyq bol­ǵanda ǵana onyń damı alatynyna senemiz. Al Qazaqstan óńirdegi eń turaqty el bolyp tabylady. Prezıdent Qazaqstannyń álem­degi básekege barynsha qabiletti 50 eldiń qataryna kirýin maqsat etip qoıdy. Men Prezıdent myr­zany talaı jyldan beri jeke biletindikten, onyń osy maq­satqa qol jetkizý úshin bar kúsh-jigerin jumsaıtynyna jáne oǵan qol jetkizetinine se­nimdimin. Malaızııalyqtarǵa Qa­zaqstan týraly kóp bilý kerek. Men Qazaqstan men Malaızııa ara­syndaǵy qarym-qatynastardy damytýǵa Prezıdent aıryqsha úles qosty dep sanaımyn.

Angela MERKEL,

GFR Kansleri:

– Jaýapty mindetterdi odan ári atqarýyńyzda Sizge zor ta­bys­tar men sáttilik tileımin. Eko­­no­mıkalyq, qoǵamdyq jáne saıası reformalardy júrgizýde Qazaqstan budan bylaı da Ger­manııa tarapynan bolatyn qol­daýǵa senim arta alatyn bolady.

Jak ShIRAK,

Fransııa Prezıdenti

(1995-2007 jj.):

– Men ózińizben kezdesýlerimdi ár­daıym úlken iltıpatpen eske alamyn.

Men 1991 jyly Qazaqstanda bolǵan ózgeristerdi Fransııanyń mańyzdy ári sheshýshi ózgerister re­tinde baǵalaıtynyn aıtqym ke­ler edi. Almaǵaıyp ári asa kúr­­­deli jaǵdaıda Sizdiń elińiz ózi­­niń ulttyq qundylyqtary men uzaq tarıhyna adaldyǵyn saq­taı otyryp, sonymen qatar demo­kratııanyń adamzat balasyna or­taq qaǵıdattary men quqyqtyq mem­leketke beıildigin pash etetin mem­leket ornatýdyń aınymas jolyna tústi. 15 jyldyń ishinde Qazaqstan turaqty ınstıtýttary men serpindi ekonomıkasy bar elge aınaldy.

Sılvıo BERLÝSKONI,

Italııa Premer-mınıstri (1994-1995, 2001-2006,

2008-2011 jj.):

– Sizdi Qazaqstan Pre­zıdenti qyzmetine qaıta saı­la­nýyńyzben shyn júrekten quttyqtaımyn. Saılaýdyń ná­tıjesi – Qazaqstan halqynyń Sizge degen joǵary se­ni­mi men súıispenshiliginiń kó­rinisi. Sizge qazaqstandyqtardyń ıgi­ligi jolynda tabysty eńbek jáne halyqaralyq arenada Sizdiń elińiz­diń bedeli men róli odan ári arta berýin tileımin.

Hýan KARLOS I,

Ispanııa Koroli

(1975-2014 jj.):

– Sizdiń elińiz osy jyldar ishinde aıtarlyqtaı nátıjelerge jetti. Bizdiń birlesken jumysy­myzdyń arqasynda bizdiń mem­le­ketterimiz arasyndaǵy qarym-qatynas dostyq pen ynty­maq­tastyq rýhynda damyp otyr­ǵany meni erekshe qýantady. Men Sizdiń kúsh-qýatyńyzdyń arqasynda Qazaqstan ómirindegi jańa kezeń taǵy úlken progrespen jáne ha­lyq­tyń ál-aýqatynyń artýymen belgili bolady dep senemin.

Kan NAOTO,

Japonııa Premer-mınıstri (2010-2011 jj.)

– Elińiz Sizdiń basshyly­ǵy­ńyz­ben ári qaraı damı túsedi jáne ortaazııalyq aımaqtyń turaq­ty­lyǵyna, gúldenýine úlken úles qo­sady degen senimdemin. Ja­po­nııanyń shyǵysynda bolǵan zul­mat zilzalaǵa baılanys­ty shyn júrekten bildirgen kóńil aıtý­laryńyz úshin jáne Qazaqstan Respýblıkasynyń gý­manıtarlyq kómek kórsetý týraly usynysy úshin alǵysymdy bildiremin.