Damýǵa bastaǵan ındıkator
Bul saılaý Qazaqstannyń demokratııalyq damý ındıkatoryna aınaldy. Táýelsiz Qazaqstannyń Tuńǵysh Prezıdenti Nursultan Nazarbaevtyń júrgizgen salıqaly saıasaty bul tutastaı el týraly oń kózqarastyń qalyptasýyna áser etti. Al prezıdenttik saılaýdy ótkizý arqyly Qazaqstan halqymen sanasatyn erkin el ekendigin dáleldedi. Muny óte mańyzdy dep esepteımin.
Sarapshy retinde Qazaqstan týraly aıtarym, Japonııada Qazaqstan jaıly buqaralyq aqparat quraldarynyń arqasynda jaǵymdy ımıdj qalyptasqan. Tokıo men Nur-Sultandy jalǵaıtyn tikeleı reıstiń ashylýy eki el arasyndaǵy ózara yntymaqtastyqty bekitip, týrızm salasynyń damýyna jol ashady dep oılaımyn. Jańa Prezıdenttiń ekonomıkany myqtap qolǵa alyp, eldegi áleýmettik tepe-teńdikti retteýge kúsh salatynyna da esh kúmánim joq.
Mıchıo TOMI,
Halyqaralyq valıýtalyq qatynastar ınstıtýtynyń qurmetti professory (Japonııa)
Halyq óz basshysyn durys tańdady
Qazaqstan halqyn jańa Prezıdenttiń resmı qyzmetin bastaǵanyna oraı shyn júrekten quttyqtaımyn. Qasym-Jomart Toqaev – álemdik deńgeıdegi tanymal saıasatkerlerdiń biri. Onyń Prezıdent bolýy – aldaǵy ýaqytta Qazaqstannyń halyqaralyq daýlar men shıelenisterdi sheshýdegi araaǵaıyndyq róliniń arta túsýine kepil.
Q.Toqaev halyqaralyq beıbitshilik pen qaýipsizdikke úlken úles qosatyny sózsiz. Qazaqstan halqyn el basshysy durys tańdaǵany úshin taǵy da quttyqtaımyn.
Saıd HANI,
«Gomhýrııa» gazeti redaktorynyń orynbasary, halyqaralyq ister boıynsha sarapshy (Mysyr)
Qazaqstan – áleýeti zor el
Jaqynda ótken Prezıdent saılaýy Qazaqstannyń álemdik qoǵamdastyq aldyndaǵy bedelin kúsheıtti. Meniń jańa saılanǵan Prezıdent Qasym-Jomart Toqaevty jáne Tuńǵysh Prezıdent Nursultan Nazarbaevty quttyqtaǵym keledi.
Syn aıtý ońaı, biraq qysqa ýaqyt ishinde myqty memleket qurý óte qıyn. Qazaqstan búginde orasan zor ekonomıkalyq kúshke ıe. Bul rette ózge elde joq múmkindikterdi erekshe atap ótýge bolady. Qazaqstan – demokratııalyq memleket. Munda qarapaıym halyq úshin de, BAQ úshin de barlyq qajetti jaǵdaı jasalǵan. Meniń oıymsha, Qazaqstan halqy men Úkimetiniń myqty ultty saqtap qalý úshin birlikte áreket etetini sózsiz.
Nadaradja SETÝRÝPAN,
«Norway News» portalynyń bas redaktory
(Norvegııa)
