Otyrystyń negizgi maqsaty - táýelsiz jáne tıimdi sot tóreligin qurýǵa baǵyttalǵan túbegeıli ózgeristerdi taldaýǵa arnaldy.
Is-sharany ashqan Májilistiń Zańnama jáne sot-quqyqtyq reforma komıtetiniń tóraǵasy, «Nur Otan» partııasynyń janyndaǵy Quqyqtyq keńesiniń jetekshisi Nurlan Ábdirov óz sózinde:
- Qazaqstan Respýblıkasynyń Tuńǵysh Prezıdenti – Elbasy N.Á. Nazarbaev bastamashylyq etken sot júıesin jańǵyrtý, sot kadrlaryn sapaly damytý men jańarý, sýdıalar táýelsizdigi kepildikteriniń kúsheıýi jáne sýdıalarǵa zańsyz yqpal etýdi joıý, sot júktemesin ońtaılandyrý jáne qylmystyq zańnamany odan ári izgilendirý máseleleri boıynsha zańnamalyq aktilerge mańyzdy ózgerister men tolyqtyrýlardy keıingi jyldary elimizdiń Parlamenti qabyldaǵany jóninde erekshe atap ótti.
Sonymen qatar, N. Ábdirov naǵyz quqyq ústemdigin qamtamasyz etý kez kelgen sot-quqyqtyq júıeniń mańyzdy maqsaty ekeni týraly aıtty.
- Osyǵan oraı Elbasy Nursultan Nazarbaevtyń jáne Memleket basshysy Qasym-Jomart Toqaevtyń tapsyrmasy boıynsha sottar jumysynyń zamanaýı formattaryn jáne ozyq elektrondyq servısterdi engizý, sot júıesi kadrlaryn sapaly damytý jáne jańarý boıynsha jumystar jalǵastyrylyp jatyr, - dedi depýtat.
Sondaı-aq, halyqtyń sottarǵa degen senimniń deńgeıin kóterý - sottardyń taıaý ýaqyttaǵy basymdy maqsaty retinde bekitýi usynyldy.
Kóshpeli otyrys barysynda sot júıesiniń odan ári damýy, sot is júrgizýdi jetildirý aıasynda zańnamalyq jańalyqtardyń praktıkalyq mańyzy, alqabıler ınstıtýtyn jáne tergeý sýdıalardyń qyzmetin odan ári jetildirý, sottardyń quqyq qoldaný qyzmetin jetildirýdiń máseleleri jáne bolashaǵy, qylmystyq sot is júrgizýde zańnamalyq jańalyqtardy qoldaný tájirıbesi, sýdıanyń táýelsizdigi qaǵıdaty jáne qylmystyq is boıynsha basty sot talqylaýdyń shekteri, Parlament Májilisinde qaralyp jatqan Qazaqstan Respýblıkasynyń Ákimshilik rásimdik-prosestik kodeksi jobasynyń ózektiligi jáne taǵy basqa máseleler talqylandy.
Otyrysta sot júıesin damytý, sottardyń qyzmetin materıaldyq-tehnıkalyq qamtamasyz etýdi jaqsartý, sıfrovızasııa jáne elektrondyq is júrgizýdi engizý, sot tóreligin júrgizýdiń ashyqtyǵy men tıimdiligi, azamattardyń sot tóreligine kedergisiz qol jetkizý sııaqty birqatar kókeıkesti máseleler kóterildi.
Is-sharaǵa Joǵarǵy Sot alqasynyń tóraǵasy jáne sýdıalary, oblystyq sottardyń, Nur-Sultan, Almaty, Shymkent qalalarynyń tóraǵalary (beınekonferensııa), sondaı-aq, Mańǵystaý, Aqtóbe, Atyraý jáne Batys Qazaqstan oblystyq, qalalyq, mamandyrylǵan sottardyń sýdıalary, Bas prokýratýra, Memlekettik qyzmet isteri jónindegi agenttigi, Sybaılas jemqorlyqqa qarsy is-qımyl agenttigi, ishki ister jáne ádilet mınıstrlikteri, Qazaqstandaǵy BUU Balalar qory (IýNISEF) ókildigi, M.V. Lomonosov atyndaǵy Máskeý memlekettik ýnıversıtetiniń ókilderi, qazaqstandyq quqyqtanýshy-ǵalymdar, «Atameken» Ulttyq kásipkerler palatasynyń, úkimettik emes uıymdardyń ókilderi qatysty.
Kóshpeli otyrysynyń nátıjeleri boıynsha qatysýshylarmen Qazaqstannyń sot júıesin jańǵyrtý salasynda naqty usynystardy qamtıtyn usynymdar ázirlendi.
