Senatorlar aldynda elimizdiń Ulttyq banki tóraǵasynyń orynbasary Oleg Smolıakov baıandama jasady. Zań jobasynyń negizgi maqsaty qarjy naryǵyn retteý, baqylaý jáne qadaǵalaý fýnksııalaryn bólý, tutynýshylarǵa kredıt berý táýekelderin shekteý boıynsha tujyrymdamalyq tásilderdi ázirleý, jalpyǵa birdeı deklarasııalaýdy endirý máseleleri boıynsha ózgerister engizý, sondaı-aq jeke tulǵalar úshin ósimpuldy esepten shyǵarý boıynsha salyqtyq raqymshylyq engizý bolyp tabylady.
Qarjy naryǵyn retteý, baqylaý jáne qadaǵalaý fýnksııalaryn bólýge qatysty zań jobasynda qarjy naryǵyn retteý men damytý, sondaı-aq tutynýshylardyń quqyqtaryn qorǵaý fýnksııalaryn Qazaqstan Respýblıkasynyń Prezıdentine tikeleı baǵynysty jáne esep beretin ári respýblıkalyq bıýdjet qarajaty esebinen qarjylandyrylatyn qarjy naryǵy men qarjy uıymdaryn retteý, baqylaý jáne qadaǵalaý jónindegi jeke ýákiletti organǵa berý kózdelgen.
Ýákiletti organnyń quqyqtyq mártebesi, qurylymy jáne basqarý organdary aıqyndaldy, onyń fýnksııalary naqtylandy jáne tolyqtyryldy. Zań jobasymen ýákiletti organnyń jumyskerleri laýazymdarynyń quramy, olardyń quqyqtary, mindetteri men jaýapkershiligi aıqyndaldy. Sonymen qatar ýákiletti organ qyzmetshileriniń mártebesi aıqyndaldy, oǵan sáıkes olar Ulttyq Banktiń qyzmetshileri ispetti memlekettik qyzmetshilerge jatpaıdy.
Ýákiletti organǵa qarjy naryǵyn retteý men damytý jáne tutynýshylardyń quqyqtaryn qorǵaý fýnksııalary beriledi, onyń qataryna mıkroqarjylyq qyzmetti júzege asyratyn uıymdardy tirkeý jáne esepke alý, qarjy uıymdaryna qatysty erekshe retteý rejımin engizý, ekinshi deńgeıdegi bankterdi saýyqtyrý jónindegi sharalardy iske asyrý, jeke tulǵalardyń ıpotekalyq turǵyn úı qaryzdaryn jáne ıpotekalyq qaryzdaryn qaıta qarjylandyrý baǵdarlamalaryn iske asyrý fýnksııalary, sondaı-aq qarjy naryǵynyń aqparattyq qaýipsizdigi ortalyǵynyń fýnksııalary kiredi.
Ulttyq Bank baǵa turaqtylyǵyn qamtamasyz etýdi, aqsha-kredıt saıasatyn, valıýtalyq retteýdi jáne tólem júıelerin damytýdy júzege asyrady.
Zań jobasy Qarjylyq turaqtylyq keńesin qurýdy kózdeıdi, ol qarjylyq turaqtylyq máseleleri boıynsha vedomstvoaralyq úılestirýdi júzege asyratyn bolady. Ýákiletti organnyń Ulttyq Bankpen qarjylyq júıeniń turaqtylyǵy máseleleri boıynsha ózara is-qımyly kózdelgen.
Tutynýshylarǵa kredıt berý táýekelderin shekteýge qatysty zań jobasymen kredıt berýdiń barlyq sýbektilerine qatysty retteý jáne qadaǵalaý quraldary engiziledi.
«Mıkroqarjylyq qyzmetti júzege asyratyn uıymdar» degen uǵym engiziledi, mıkroqarjylyq qyzmet túrleri aıqyndalady.
Mıkrokredıt berý jónindegi qyzmetti júzege asyratyn mıkroqarjylyq uıymdar qaryz tartýǵa, menshikti aktıvterin baǵaly qaǵazdarǵa jáne ózge de qarjy quraldaryna ınvestısııalaýǵa, lızıngtik qyzmetti jáne ózge de operasııalardy júzege asyrýǵa quqyly.
Jeke tulǵaǵa banktik qaryz berýmen jáne berilgen banktik qaryzǵa qyzmet kórsetýmen baılanysty komıssııalar men ózge de tólemder tizbesin ýákiletti organ bekitetin bolady.
Zań jobasynda jalpyǵa birdeı deklarasııalaý kezeń-kezeńmen engiziletini aıqyndaldy jáne engizý merzimin toqtata turý kózdeletin boldy.
Birinshi kezeńde jalpyǵa
birdeı deklarasııalaýdyń engizilýin
2020 jylǵy 1 qańtardan 2021 jylǵy 1 qańtarǵa aýystyrý usynylady. Osy kezeńde
deklarasııalaýǵa jaýapty memlekettik laýazymdy atqaratyn adamdar men olardyń
jubaılary (zaıyptary), memlekettik fýnksııalardy oryndaýǵa ýákiletti adamdar men
olardyń jubaılary (zaıyptary), memlekettik fýnksııalardy oryndaýǵa ýákiletti
adamdarǵa teńestirilgen adamdar men olardyń jubaılary (zaıyptary) jáne Qazaqstan
Respýblıkasynyń zańnamasyna sáıkes deklarasııa tapsyrý jónindegi mindet
júktelgen adamdar jatatyn bolady.
Ekinshi kezeńde 2023 jylǵy 1 qańtardan bastap memlekettik mekemelerdiń qyzmetkerleri men olardyń jubaılaryn (zaıyptaryn), sondaı-aq kvazımemlekettik sektor sýbektileriniń qyzmetkerleri men olardyń jubaılaryn (zaıyptaryn) bastapqy deklarasııalaý kózdeledi.
Úshinshi kezeńde 2024 jylǵy 1 qańtardan bastap zańdy tulǵalardyń basshylary men quryltaıshylaryn jáne olardyń jubaılaryn (zaıyptaryn), jeke kásipkerler men olardyń jubaılaryn (zaıyptaryn) bastapqy deklarasııalaý kózdeledi.
Tórtinshi kezeńde 2025 jylǵy 1 qańtardan bastap halyqtyń barlyq sanattaryn jalpyǵa birdeı deklarasııalaýǵa tolyǵymen kóshý qamtamasyz etiledi.
Budan basqa, jeke tulǵalar 2019 jyldyń sońyna deıin negizgi boryshyn ótegen jaǵdaıda, 2019 jyldyń 1 qańtaryna deıingi salyqtyq kezeńniń salyqtyń mindettemeleri boıynsha olardyń ósimpuldaryn esepten shyǵarý kózdeledi. Bul rette múlik salyǵy men jer salyǵy boıynsha ósimpuldardy tóleý merzimi 2019 jylǵy 1 qazanǵa deıin ekenin eskere otyryp, 2018 jyldyń 1 qańtaryna deıingi salyqtyq kezeńniń mindettemeleri boıynsha esepten shyǵarý usynylady.
Túrkistan oblysynan saılanǵan senator Álı Bektaev, Atyraý oblysynan saılanǵan Ǵumar Dúısembaev jáne Almaty oblysynan saılanǵan Nurlan Qylyshbaev qarjy naryǵyn retteýge, baqylaý jáne qadaǵalaý fýnksııalaryn bólýge, tutynýshylarǵa nesıe berýdegi qaýipterdi tómendetý qajettigine, jeke tulǵalar úshin ósimpuldy esepten shyǵarý jónindegi salyqtyq raqymshylyq engizýge qatysty suraqtar qoıdy.
Zań jobasy Palatanyń qaraýyna jiberildi.
