Memlekettik qyzmet isteri Agenttiginiń apparat basshysy Saıan Ahmetjanovtyń aıtýynsha, 200-den astam qyzmetker voleıbol jarysyna qatysqan.
Komandalar 4 topqa bólinip voleıbol oınady.Toptyq kezeńde Pavlodar, Shyǵys Qazaqstan, Túrkistan, Soltústik Qazaqstan, Atyraý, Batys Qazaqstan, Aqtóbe oblystarynyń jáne Almaty qalasy memlekettik qyzmetshileri alǵa shyqty.
Máre sońyna Pavlodar, Shyǵys Qazaqstan, Túrkistan oblystary men Almaty qalasynyń komandalary arasynda 1-4 oryndar úshin talasqa tústi.
Týrnır qorytyndysy boıynsha 3-orynǵa Túrkistan oblysy, 2-orynǵa Almaty qalasynyń komandasy, al, 1-oryndy Shyǵys Qazaqstan oblysynyń memlekettik qyzmetshileri jeńip aldy.
Komanda kapıtany, Besqaraǵaı aýdany Dolon aýyldyq aýmaǵynyń ákimi Nurlybek Ábdirahmanov jarys arqyly áriptesterimen tájirıbe almasqandaryn aıtty.
-Almatylyq áriptestermen fınalda synǵa tústik. Oıyn tartysty ótti. Memlekettik qyzmetker degen tek kabınette otyrmaı sportpen de shuǵyldanýy qajet.Barlyq jastardy memlekettik qyzmetke kelýge shaqyramyn,-deıdi ol.
Jarysqa qatysýshy memlekettik qyzmetkerler bir-birimen aralasyp, bos ýaqyttarynda qyzmet jaıynda tájirıbe almasty.
Jeńimpazdar men júldegerlerge marapattaryn oblys ákiminiń orynbasary Ashat Oralov, Memlekettik qyzmet jónindegi agenttigi oblys boıynsha departament basshysy Ádilbek Muqashev, oblystyq voleıbol federasııasynyń vıse-prezıdenti Amanjol Áýbákirov tabys etti.
Týrnır nátıjesinde Hasen Saǵadıev-«Úzdik tosqaýyl qoıýshy», Raýan Ýálıhanov – «Úzdik shabýylshy», Symbat Dúısenǵazın – «Úzdik qorǵaýshy», Túrkistandyq Ahan Esalıev – «Úzdik baılanystyrýshy», Almatylyq Esbol Kýrıbaı – «Úzdik dıagonal shabýylshy», Qýat Merqodjaev – «Eń baǵaly oıynshy» atandy.
Jalpy, týrnır óńirdegi Memlekettik qyzmet isteri jónindegi departamenttiń alǵashqysy basshysy bolǵan Meıram Serǵazınge arnalyp ótkizildi.
Pavlodar oblysy
Sýretti túsirgen Orazbek Saıahat
