Aımaqtar • 24 Maýsym, 2019

Qalalyq fılıaldyń tóraǵasy saılandy

128 retkórsetildi

Nur Otan partııasy Tóraǵasynyń birinshi orynbasary Máýlen Áshimbaev partııanyń Nur-Sultan qalalyq fılıalynyń kezekten tys HXX konferensııasyna qatysty. Jıynda fılıaldyń jańa tóraǵasyn saılaý máselesi qaraldy. Odan bólek, qaty­sýshylar Qazaqstan Respýblıkasy Prezıdentiniń saılaý­aldy baǵdarlamasyn júzege asyrý jóninde óz usynystaryn bildirip, qalalyq fılıaldyń jumysyna qatysty basqa da máselelerdi talqylady.

Jıynnyń kún tártibine sáı­kes taıaýda ǵana Nur-Sultan qa­la­synyń ákimi bolyp taǵaıyn­dal­ǵan Altaı Kólginov Elbasy, partııa Tóraǵasy Nursultan Na­zar­baevtyń usynysymen, kon­­­­fe­rensııa delegattarynyń bir­­aýyz­dan maquldaýymen par­tııa­nyń elor­dalyq fılıaly­nyń tóraǵasy bolyp saılandy.

– Altaı Seıdiruly – «Bola­shaq» baǵdarlamasynyń túlegi. Uzaq jyldar boıy elimizdiń damýy jolynda talmaı eńbek etip kele jatqan bilikti maman. Bu­ǵan deıin Batys Qazaqstan obly­sy­nyń ákimi retinde óńirdiń ósip-ór­ken­deýine úlken úles qos­ty. Pre­zıdent Ákimshiliginde de jaýapty qyzmet atqaryp, sheber uıymdastyrýshylyq qabiletimen tanyldy. Sondyqtan áriptesimizdiń jańa qyzmette de bıikten kórinetinine kámil senemiz jáne sol jolda tabys tileımiz, – dedi M.Áshimbaev.

Odan bólek, Nur Otan partııa­sy Tóraǵasynyń birinshi orynba­sary ótken Prezıdent saı­laýy­nyń mańyzyna toqtaldy. Ol óz sózinde bul saılaýdyń bu­ryn­­ǵy­lardan ózgerek bolǵanyn, Qazaq­stan halqy alǵash ret El­ba­sy­dan basqa kandıdatqa daýys bergenin tilge tıek etti. Sondaı-aq ol saılaýaldy naýqan kezinde partııa tarapynan atqarylǵan jumystarǵa toqtalyp, bul iste belsendilik tanytqan Nur-Sultan qalalyq fılıalynyń ujymyna alǵys bildirdi. M.Áshimbaevtyń aıtýynsha, atalǵan naýqan kezinde kandıdattyń respýblıkalyq, aımaqtyq jáne aýmaqtyq qo­ǵamdyq shtabtarynyń muryndyq bolýymen 100 myńnan astam úgit-nasıhat is-sharasy ótki­zilgen. Odan bólek, Qasym-Jomart Toqaevtyń qoǵam­dyq qa­byl­daýlarynda 20 myń­nan astam azamattyń ótinishi tyńdalyp, áleýmettik jelilerde 40 myńnan as­tam jazba jarııalanǵan.

– Sonymen qatar bizdiń jaq­tastarymyz 5 mıllıonǵa jýyq úgit-nasıhat materıalyn taratyp, «Esikten – esikke» aksııasy aıasynda 3 mıllıon úıdi aralap shyqty. TeamQazaqstan jastar qanatynyń músheleri de atalǵan jumystarǵa belsendi qatysty. Sondyqtan Elbasy usynǵan kandıdat Qasym-Jomart Kemeluly­nyń jeńisi zańdy qubylys jáne bul jetistikte ár nurotandyqtyń úlesi bar, – dedi M.Áshimbaev.

Sonymen qatar Nur Otan partııasy Tóraǵasynyń birin­shi orynbasary halyqtyń Qasym-Jomart Toqaevtyń saı­laýaldy baǵdarlamasynda kór­setilgen basty qaǵıdalardy qol­dap daýys bergenine nazar aýdaryp, endi azamattardyń naqty nátıje kútetinin aıtty.

– Halyq endi ózderi jasaǵan tańdaýdan naqty nátıje kútedi. Turǵyndarǵa bos sóz ben qur ýá­de qajet emes. Bizdiń azamattar eń aldymen jarııalanǵan baǵ­darlamalardyń jemisin, óz ómirleriniń jaqsarǵanyn, áleý­mettik máseleleriniń oń sheshil­genin kórgisi keledi. Sondyqtan biz saılaýdan keıin bosańdyq tanytpaı, qazaqstandyqtardyń ál-aýqatyn arttyrý jolynda bu­ryn­ǵydan da belsendi jumys is­teýimiz kerek, – dedi M.Áshim­baev.

Osyǵan oraı ol Qazaqstan Pre­zıdenti kórsetip bergen basym baǵyttardy tıimdi júze­ge asyrýda Nur Otan par­tııa­syna úlken jaýapkershilik júk­teletinin aıtyp, barsha partııa­lyq­tardy belsendi áreket etýge shaqyrdy. Sondaı-aq osy ba­ǵyt­ta partııanyń Ortalyq apparaty, aımaqtyq jáne aýmaqtyq fı­lıal­darynyń aldynda turǵan basty mindetterdi atap ótti.

– Birinshiden, saılanǵan Pre­­­zıdentimiz Qasym-Jomart Kemeluly Toqaevtyń saı­laý­al­­dy baǵdarlamasyn júzege asyrýda belsendilik tanytyp, qoǵam­dyq baqylaý júrgizýdi kúsheıtýi­miz qajet. Ekinshiden, «Birge» jal­pyulttyq aksııa­sy aıasynda jınalǵan ótinish­ter­­­di taldap, olarmen naqty ju­­­mys júrgizýimiz kerek. Ár óti­­nish nazardan tys qalmaýy tıis. Úshin­­shiden, partııa naǵyz dıa­log ala­­ńyna aınalýy qa­jet. Tór­­tin­­shi­den, jastar­men ju­mys­­ty odan ári kúsheı­tip, tıimdi te­tik­­ter­di iske qosýy­myz kerek. Be­sin­­shi­den, Elbasy­myz­dyń partııa­nyń ke­zekti XVIII sezin­de anyq­tap bergen jalpy­ulttyq joba­lar men partııalyq jańǵyrý jolyn­daǵy tyń bastamalar ári qa­raı jal­ǵasyn tabýy tıis. Mine, al­daǵy ýa­qytta bizdiń jumys baǵ­d­ary­­myz osy baǵytta órbıdi, – dedi M.Áshimbaev.

Aıta keteıik, «Birge» aksııa­sy Qasym-Jomart Kemeluly Toqaevtyń tikeleı bastamasy­men halyqpen keri baılanys ornatý maqsatynda qolǵa alyn­ǵan joba. Sonyń aıasynda qazaq­stan­dyqtardan 540 myń usynys pen tilek kelip tústi. Onyń ishinde 28 myńyn Nur-Sultan qalasynyń turǵyndary joldaǵan.

О́z kezeginde Nur-Sultan qala­synyń ákimi, Nur Otan partııasy qalalyq fılıalynyń tóraǵasy A.Kólginov Elbasy, partııa Tór­aǵasy Nursultan Nazarbaev pen Memleket basshysy Qasym-Jomart Toqaevtyń jáne halyq pen barsha nurotandyqtardyń senimin aqtaý úshin aıanbaı eńbek etetinin jetkizdi.

Jıyn barysynda S.Seı­fýl­lın atyndaǵy agrotehnıkalyq ýnıversıtetiniń rektory, Nur-Sultan qalalyq máslıhatynyń depýtaty Aqylbek Kúrishbaev, Jas Otan jastar qanaty qalalyq fılıalynyń tóraǵasy Baqdáýlet Jandildaev jáne taǵy basqa sha­har­dyń belsendi azamattary sóz alyp, kún tártibinde qaralǵan máseleler boıynsha óz oılaryn bildirdi.

Sońǵy jańalyqtar

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Alısa – Arqa tósinde

Aımaqtar • Búgin, 08:03

Abaı rýhy – Almaty tórinde

Abaı • Búgin, 08:00

Bıik parasat ıesi

Rýhanııat • Búgin, 07:56

Medısınalyq baqylaýǵa alynǵan

Aımaqtar • Búgin, 07:52

Qaýip seıilmedi, saqtyq kúsheıdi

Aımaqtar • Búgin, 07:49

Kemedegi qazaqstandyqtar elge qashan keledi?

Medısına • Búgin, 07:39

Jańa zań jaǵdaıdy jaqsartady

Rýhanııat • Búgin, 07:37

Pedagog mártebesin pedagog kóteredi

Qoǵam • Búgin, 07:35

Burynǵydan uǵynyqty jazylǵan

Qoǵam • Búgin, 07:32

Salyq zańnamasyn jıi buzatyn salalar

Saıasat • Búgin, 07:30

Geologııalyq barlaý jandanady

Úkimet • Búgin, 07:25

«Jasyl» jobalarǵa jol ashyq

Qarjy • Búgin, 07:21

30 mln tonnaǵa jýyq munaı óndirdi

Ekonomıka • Búgin, 07:18

Almaqtyń da salmaǵy bar

Ekonomıka • Búgin, 07:15

«Sypaıy júr de, sharýa oıla»

Rýhanııat • Búgin, 07:13

Teatr jylynan ne kútemiz?

О́ner • Búgin, 07:08

Elektr qýaty qymbattaıdy

Qoǵam • Búgin, 07:06

Avtobýs az, jol uzaq

Qoǵam • Búgin, 07:02

Abaı jáne Marjanı dúnıetanymy

Rýhanııat • Búgin, 06:58

Qalamger qoltańbasy

Tanym • Búgin, 06:58

Uqsas jańalyqtar