Onyń aıtýynsha, búgingi tańda Eńbek mınıstrligindegi 38 memlekettik qyzmette 12-si elektrondyq formatta, 3-eýi belsendi, 7 qyzmet kompozıtti, keshendi túrde kórsetiledi. Máselen, bala týýyna baılanysty járdemaqy taǵaıyndaý boıynsha qyzmetter ótinishsiz nemese belsendi kórsetiledi. Barlyq zeınetaqy tólemderi bir ótinish boıynsha keshendi ári kompozıtti taǵaıyndalady.
Vedomstvo basshysy: «Elbasy Qazaqstan halqyna joldaýynda elektrondy memlekettik qyzmetterdiń úlesin 2019 jyly 80%-ǵa, 2020 jyly 90%-ǵa jetkizýdi mindettedi. 2019 jyly elektrondyq jáne belsendi formatqa áleýmettik-eńbek salasynyń taǵy 22 memlekettik qyzmeti kóshiriledi», dep atap ótti.
Eńbek salasynda azamattardyń eńbek quqyqtaryn qorǵaýǵa yqpal etetin elektrondyq eńbek sharttary júıesin engizý jónindegi sıfrlyq jobany iske asyrý jalǵasady.
Sandýǵash MARALBAI,
Jýrnalıstıka fakýltetiniń stýdenti
