«Ulan degen balany ata-anasyna tapsyrýǵa apara jatyrmyz. Balanyń qarny toq. Tamaqtandyryp, sý berdik. О́zimizdiń úsh balamen birge kúıeýimiz ekeýmiz Qazyǵurtqa kele jatyrmyz», - deıdi Arys qalasynyń turǵyny.
Áıeldiń aıtýynsha, tótenshe jaǵdaı kezinde ózi de bir jasar balasynan kóz jazyp qalǵan. «О́zimizdiń de bir jasar balamyz adasyp ketken bolatyn. Sony Qazyǵurtta dep estidik. Bul balany ata-anasyna aparyp, óz balamyzdy da taýyp alaıyq dep ketip baramyz», - degen arystyq ana 3 jasar Ulandy qalaı jolyqtyrǵanyn aıtyp berdi.
«Bul bala jarylys bastalyp, adamdar abyr-sabyr bolyp jatqan sátte áskerı bólimniń mańaıynda adasyp qalǵan. Jýyqta ǵana polısııaǵa kirgen inim Álıhan taýyp alyp, jetektep ákelgen qalpy qolyma ustatty. «Balaǵa ıe bol, joǵaltpa, qolynan jiberme» dep qatty tapsyrdy. О́zimniń úsh balammen birge muny qolynan tas qylyp ustap birneshe qyr astyq. Iýjnyı jaqta eń sońǵy qyrǵa jetip biraq toqtadyq. Osy kezde joldasym Shymkentten jetipti. Qazir altaýymyz Qazyǵurtqa ketip baramyz. О́ziniń aıtýynsha balanyń jasy úshte», - deıdi Balqııa Zaýyrbekova.
Arys turǵyny kórshiles eldi mekenderdiń apattan bosqan halyqqa qolynan kelgenshe kómektesip jatqanyn aıtady.
«Jolda adamdarǵa rıza boldyq. Arystan Qazyǵurtqa barar joldyń boıynda adamdar úılerinen shyǵyp, qolynda bar azyǵymen bólisip jatyr. Biri nan, biri bálish, biri sý usynýda. Jas jigitter torsyqpen sý tasyp júgirip júr. Kóliktiń terezesin túsirip, ózderi birinshi bolyp usynǵandaryn kórgende qatty rıza boldym. Arystan qashyp shyqqannan keıin qyr basynda 3-4 saǵat sýsynsyz qalǵanbyz. Sol qıyndyqtyń bárin mundaǵy adamdardyń meıirimi umyttyryp jiberedi eken», - deıdi Balqııa Zaýyrbekova.
