«Qazirgi ýaqyttaǵy jaǵdaı boıynsha, barlyǵy 165 adam medısınalyq kómekke júgingen. 76 adamǵa ambýlatorııalyq kómek kórsetildi. 19 pasıent stasıonarlyq emge jatqyzyldy. Jansaqtaý bólimderinde 15 naýqas bar. Pasıentterdiń negizgi bóligi Shymkent qalasyndaǵy oblystyq klınıkalyq, oblystyq balalar aýrýhanasynda jáne qalalyq aýrýhanalarǵa jatqyzyldy. Keıbir pasıentter Túrkistan oblysynyń aýdandyq aýrýhanalarynda emdelýde. Medısınalyq kómek kórsetý úshin jalpy 22 jedel medısınalyq brıgada jumyldyryldy. Olardyń ishinde tórt brıgada Jambyl oblysynan jiberildi. Qazirgi ýaqytta qosymsha 52 brıgada daıyndyqta otyr. Eki tikushaq daıyn. Jalpy, Almaty qalasynan kómek kórsetý úshin eki mortedıssıplınarlyq komanda jiberildi. Olardyń arasynda reanematolgtar, travmatologtar, neırohırýrgtar bar. Qazirgi ýaqytta jansaqtaý bóliminde eki bala jatyr. Barlyq naýqastar Densaýlyq saqtaý mınıstrliginiń baqylaýynda», dedi Eljan Birtanov.
