ARYS QALASYNDAǴY TО́TENShE JAǴDAIǴA BAILANYSTY
QAZAQSTAN RESPÝBLIKASY KÁSIPODAQTAR FEDERASIIаSYNYŃ
ÚNDEÝI
Kásipodaqtar federasııasy Arys qalasyndaǵy tehnogendik tótenshe oqıǵa týraly aqparatty qulazyǵan kóńilmen qabyldap, asa aýyr qıyndyqqa tap bolǵan qala turǵyndary men áskerı qyzmetshilerdiń ómiri men densaýlyǵyna úlken alańdaýshylyq bildiredi.
Apattyń aıtyp kelmeıtini – aqıqat! Sondyqtan osy qıyndyqta biz, barsha qazaqstandyqtar, «bir jaǵadan bas, bir jeńnen qol shyǵara otyryp», birlikti tý etken el ekenimizdi dáleldeýge tıispiz. «Kúsh – birlikte» degendeı, el basyna túsken bul aýyr jaǵdaı qabyrǵamyzdy qaıystyrsa da, erik-jigerimizdi jasytyp, saǵymyzdy syndyrmaýy tıis.
Elimiz ortaq, jerimiz ortaq, ıaǵnı, arystyq baýyrlarymyzdyń basyna túsken bul aýyr jaǵdaı da bərimizge ortaq. Endeshe barlyǵymyz azamattyq pen adamgershilik tanyta otyryp, ortaq apattan tys qalmaı, qolymyzdan kelgenshe zardap shekken baýyrlarymyzǵa jan-jaqty materıaldyq, áleýmettik jáne psıhologııalyq kómek kórseteıik.
Qazir Kásipodaqtar federasııasynyń aýmaqtyq birlestikteri zardap shekkenderge kómek kórsetý maqsatynda respýblıkamyzdyń barlyq aımaqtarynda arnaıy uıymdastyrý is-sharalaryn shuǵyl bastap ketti.
Osy oraıda biz respýblıkamyzdyń barlyq kásipodaq múshelerin, jumys berýshiler men bıznes ókilderin kómek kórsetý jumystaryn qolǵa alǵan Kəsipodaqtar federasııasynyń Aýmaqtyq birlestikteri tóraǵalarynyń janyna toptasyp, ıgilikti isti birlese atqarýǵa shaqyramyz.
Qazaqstan Respýblıkasy
Kásipodaqtar federasııasynyń Tóraǵasy
Baqytjan ƏBDIRAIYM
