Arys, biz birgemiz!

Arman OKTIаBR – ALMATYDAN:

Arystaǵy aǵaıynnyń basyna túsken tosyn jaǵdaıdy Almaty jurtshylyǵy da kúızelispen qabyldady. Qala ákimi Baýyrjan Baıbek óziniń áleýmettik jeli­degi paraqshasyna Almaty qala­sy tarapynan qıyndyqqa tap bolǵan tur­ǵyndarǵa jan-jaqty kómek kór­setý sharalary qolǵa alynǵanyn jet­kizdi. «Arystaǵy qaıǵyly oqıǵa eshkim­di beıjaı qaldyrmady. Barlyq alma­tylyqtardyń atynan qaza bolǵandardyń otbasylaryna kóńil aıtamyn, zardap shekkenderdiń tezirek saýyǵyp ketýin tileımin. Túrkistandyq áriptesterden saǵat saıyn habar alyp otyrmyz. Jýyq ýaqytta sement, esik-tereze syndy qa­jetti qurylys materıaldary tıelgen alǵashqy júk kólikteri Arysqa attanady», delingen ákimniń jazbasynda.

Almaty qalasy ákimdigi qyzmet­kerleri, qaladaǵy birqatar kásiporyn­dar men jekelegen ujymdar birkún­dik jalaqysyn aýdardy. «Men – almaty­lyqpyn» eriktiler qozǵalysynyń bel­sendileri kıim-keshek pen azyq-túlik, basqa da kerek-jaraqtarmen kómek kórsetýde belsendilik tanytýda. So­nymen qatar Nur Otan partııasy qalalyq fılıalynyń bastamasymen zardap shekkenderge qaıyrymdylyq aksııasy bastaldy. Shahar kásipkerleri de óz birlikterin kórsetip, kúsh jumyldyrdy.

Gúlaıym ShYNTEMIRQYZY – AQTAÝDAN:       

Mańǵystaýlyqtar jarylystan zardap shekken arystyqtarǵa aqshalaı, azyq-túlik, kıim jáne eń qajetti zattar jınaýdy bastap ketti. Qazirgi ýaqytta uıymdar men eriktiler bastamasymen 10-nan astam gýmanıtarlyq kómek qabyldaý pýnktteri ashyldy.

Memlekettik qyzmetkerler, «Ata­meken» kásipkerler palatasy, dáriger­ler birkúndik jalaqysyn aýdardy. Nur Otan partııasy Mańǵystaý oblys­tyq fılıaly janynan Arys qala­syna gýmanıtarlyq kómek kórsetetin ju­mysshy toby quryldy. Onyń quramyna par­tııanyń oblystyq, qalalyq, aýdan­dyq fılıalynyń qyzmetkerleri ju­myl­dyryldy. Bul jumysqa oblys­taǵy bastaýysh partııa uıymdary da tar­tylmaq. Buǵan qosa, partııanyń ob­lys­tyq fılıalynyń ujymy birkún­dik jalaqylaryn aýdarý týraly sheshim qabyldady. Fılıal tóraǵasynyń biri­nshi orynbasary Elýbaı Ábilov qıyn­dyqty jeńýdiń joly birigý ekenin aıtty.

– Arystaǵy tótenshe jaǵdaı zardaptarynan kóz jumǵan otbasyna kóńil aıtamyz. Sondaı-aq jaraqat alǵandar tez arada saýyǵyp otbasyna oralady dep senemiz. Al balalaryn joǵaltqan ata-analar bolsa, jaqyn arada balalarymen qaýyshýyn tileımiz. Kez kelgen adam osyndaı qıyn jaǵdaıǵa tap bolýy múmkin ekenin joqqa shyǵarýǵa bolmaıdy. Arys qalasynda oryn alǵan jaǵdaı barsha qazaqstandyqtardy biriktirdi. Biz, Mańǵystaý oblysynyń turǵyndary, oıymyzben jáne júregi­mizben sizdermen birgemiz. Aldaǵy ýaqytta barlyǵy jaqsy bolady dep senemiz, dedi E.Ábilov.

– Arystaǵy jaǵdaıdy estigennen keıin nazarymyz sol aǵaıyndarda bolyp tur. Barlyǵymyz da ýaıymdap, alańdap otyrǵan jaıymyz bar. Osy habardy estı sala qol qýsyryp otyrmaı óńirdegi jastar uıymdary, eriktiler toby, basqa da belsendi jastar Arystaǵy aǵa­ıyn­darǵa kómek kórsetýge daıyn. Qazir­diń ózinde esepshottar ashylyp, WhatsApp jelisinde chattar qurylyp, kásipkerler de múmkindiginshe qarjylaı nemese zattaı kómek kórsetýge daıyn ekenderin jetkizdi, dedi «Ulttyq rýh» qoǵamdyq birlestiginiń tóraǵasy Aıat Súgirbaı.

Baqytgúl BABASh – ATYRAÝDAN:

Atyraýda 20 tonna gýmanıtarlyq júk jınaldy. Onyń ishinde azyq-túlik ónimderi, gıgıena quraldary jáne birinshi kezektegi qajetti zattar bar. «Dına» saýda ortalyǵy dırektorynyń aıtýynsha, munaıly óńirden alǵashqy gýmanıtarlyq júk 25 maýsym kúni attandy. Kómekke saýda ortalyǵyn jalǵa alyp otyrǵan 100-den astam kásipker qatysty.

– Oblys ákimi Nurlan Noǵaev Arys qalasyndaǵy tótenshe jaǵdaı saldarynan zardap shekkenderdi qoldaýǵa jáne turǵyndarǵa kómek kórsetýge shaqyrdy. 20 tonna qajetti júk jınaldy. Qazir barlyq júkti tıep jatyrmyz. Budan bólek, BAQ jarııalaǵan bank shottaryna qarajattaryn aýdarýda, deıdi «Dına» saýda ortalyǵynyń dırektory Nurlan Táýekel.

Arystaǵy jarylystan zardap shekkenderge kómek retinde Atyraý oblystyq ákimdigi men jergilikti atqarýshy or­gandardyń barlyq vedomstvolyq meke­meleriniń qyzmetkerleri birkúndik ja­l­aqylaryn aýdarady. Sonymen qatar Nur Otan partııasy Atyraý oblystyq fılıalynyń ǵımaratynda qabyldaý bólimshesi ashyldy. Ol jerde bastapqy turmystyq qajettilikter, kıim-keshekter jınaqtalyp, gýmanıtarlyq kómek retinde Arys qalasyna jiberilýde. Oblystyń kásipkerleri de belsendilik kórsetip, arystyqtarǵa qarjylaı kómektesý úshin qarajat jınap jatyr.

Qaırat ÁBILDA – QARAǴANDYDAN:

Qaraǵandy óńirinde oblystyq, qalalyq jáne aýdandyq ákimdikterdiń qyzmetkerleri birkúndik jalaqylaryn Arys qalasynyń alapat jarylystan zardap shekken turǵyndaryna kómek retinde aýdarady.

Sondaı-aq kómek qolyn sozýǵa nıet ta­nyt­qan azamattar úshin Qaraǵandy qa­lasy, Álıhanov kóshesi, №4-úıdegi Nur Otan par­tııasynyń fılıaly bazasynda ar­naıy pýnkt ashylyp, jumys isteı bas­­ta­dy. Qazirgi tańda birneshe telefon nó­mir­­leri boıynsha jedel jeli jumys istep tur.

Qaraǵandy oblysy ákimdiginiń bas­tamasy boıynsha Arys qalasyna 10 tonna gýmanıtarlyq júk jóneltý sharasy uıymdastyryldy. Azyq-túlik taǵamdaryn, birinshi qajettilik taýarlaryn, jeke bas gıgıenasy zattaryn jınaý isine mesenattar, demeýshiler jáne óńirdiń qaıyrymdy turǵyndary atsalysty.

Sonymen qatar oblystaǵy birqatar mekemeler men uıymdardyń ujymdary birkúndik eńbekaqylaryn Arys qala­synyń qıyn jaǵdaıǵa tap bolǵan tur­ǵyn­daryna kómek retinde aýdardy.

Baqtııar TAIJAN – QYZYLORDADAN:

Syr eliniń gýmanıtarlyq kerýeni Túrkistan oblysyna jolǵa shyqty. Tótenshe oqıǵaǵa baılanysty Qyzyl­or­da oblysy tarapynan arnaıy avto­kerýen jasaqtalyp, 14,5 tonna kúrish, 10 tonna un, 5 tonna qaraqumyq, 1,5 tonna sút jiberildi. Sondaı-aq jer­gi­likti atqarýshy organdardaǵy 2083 mem­lekettik qyzmetshi birkúndik jalaqy­syn aýdar­maq. Budan bólek, zardap shek­ken­­derge azamattyq qoǵam ókil­deri, kásipkerler jáne jeke azamattar da óz erikterimen qoldaý kórsetip jatyr.

Temir jol stansalarynda oqıǵa­ǵa oraı kidirgen 5 jolaýshy poıyzyn­daǵy 1200 jolaýshyǵa ystyq tamaq pen salqyn sý tegin taratyldy jáne 15 jolaýshyǵa medısınalyq kómek kórsetildi. Eki jolaýshy poıyzy («Moskva – Bishkek», «Atyraý – Almaty») «Sekseýil» stansasy arqyly Jezqazǵan baǵytymen Almaty, Bishkek qalalaryna saparyn jalǵastyrdy. Jolaýshylar poıy­zynyń baǵyty ózgerýine baılanys­ty «Sekseýil» stansasynan Qyzylorda, Túrkistan oblystaryna baratyn 500 jolaýshyǵa mejelengen jerine jetýi úshin arnaıy 14 vagondyq stansaaralyq poıyz ben 6 avtobýs qyzmet kórsetti. Shıeli stansasynan 82 jolaýshyny Almaty qalasyna avtobýspen, 22 azamatty Lýgovoı, Taraz jáne Shymkent qalalaryna shaǵyn kólik­termen jóneltý uıymdastyryldy. Sony­men qatar Túrki­stan oblysyna Shym­kent qalasy­men aradaǵy jolaýshylar­dy tasymaldaý úshin bes úlken syıymdylyqty avtobýs jiberildi. Oblys ákimi janynan jedel shtab qurylyp, kez kelgen ýaqytta túrli kómek kórsetýge daıyn tur.

Qazbek QUTTYMURATULY – ORALDAN:

Respýblıkalyq aksııaǵa Batys Qazaqstan oblysy da belsene qatysýda. «Apat týraly aqparat jetken alǵashqy kúni-aq Oraldan qurylys materıaldary tıelgen alǵashqy kerýen attanyp ketti» dep habarlady oblys ákiminiń baspasóz hatshysy Dáýren Sákenuly. Aksııa aıasynda kóptegen uıymdar­dyń qyzmetkerleri birkúndik jalaqy kóleminde qarjylaı kómekti japa shekkenderge aýdarý jóninde sheshim qabyldady. Olardyń aldyńǵy leginde Oral qalasy ákimdiginiń qyzmetkerleri, «Batys sý arnasy» JShS-niń 900 qyz­metkeri bar.

«Biz barlyq turǵyndardy, jastardy, eriktilerdi apatqa ushyraǵan adamdarǵa kómek kórsetýge shaqyramyz. Bizdiń otandastarymyzǵa qoldaý qajet!» deıdi batysqazaqstandyq eriktiler.

Oral qalasynda úsh jerde: N.Nazar­baev dańǵyly boıyndaǵy №188-úıdiń birinshi qabatynda, Qadyr Myrza Áli kóshesindegi №18-úıde ornalasqan «Bastaý» kovorkıng ortalyǵynda jáne J.Moldaǵalıev kóshesiniń №19-úıinde arnaıy ortalyq ashylyp, jumys isteýde. 25 maýsym kúni tús aýa Oral qalasynan 30 tonna gýmanıtarlyq júk tıegen taǵy bir kerýen Arysqa qaraı bet aldy. Kómek kóliginde 6 tonna un, 2 tonna makaron ónimderi, 2 tonna ósimdik maıy, 5 tonna taýyq eti, balalar kıimderi, t.b. qajetti zattar bar. Bul «Beles-Agro», «Terekti maı kombınaty», «Kúbileı», «Jaıyq et», «Oral transformator zaýyty» sekildi iri kásiporyndar usynǵan alǵashqy kómek.

Azamat QASYM – О́SKEMENNEN:

Arys qalasynyń turǵyndaryna kómek kórsetý maqsatynda Shyǵys Qazaqstanda arnaıy shtab quryldy. Aımaq basshysy jetekshilik etetin shtab quramyna oblys ákiminiń orynbasarlary, Nur Otan partııasy oblystyq fılıaly tóraǵasynyń birinshi orynbasary, BAQ ókilderi men qoǵamdyq birlestik ókilderi endi. Oblys ákimdiginde selek­torlyq rejimde ótken brıfıngte Danıal Ahmetov óńir turǵyndaryn, aı­maq­taǵy iri kásiporyn basshylary men kásipkerlerdi Arys halqyna qoldan kelgenshe kómek kórsetýge shaqyrdy. «Jıynǵa memlekettik qyzmetshilermen qatar bıznes ókilderi men jýrnalısterdi de shaqyrdym. Jerlesterimiz arystyq­tardyń qaıǵysyna beıjaı qaramaıdy dep senemin. Kásiporyn basshylary óz ujymdarymen kezdesip, áriptesterin qıyn jaǵdaıǵa dýshar bolǵan aǵaıynǵa járdemdesýge shaqyrýy tıis. Barlyq jumys erikti túrde júrgizilýi kerek. Qazir apattan zardap shekken otbasy­lardyń balalaryn Shyǵys Qazaq­standaǵy lagerlerde demaltý máselesin qarastyrýdamyz», dedi oblys ákimi.

Qazir Shyǵys Qazaqstanda gýmanı­tarlyq kómek kórsetý pýnktteri ashylyp, jumys istep jatyr. 24 maýsym­da О́skemende Nur Otan partııasy oblystyq fılıalynyń ǵımaratynda (Qasym Qaısenov kóshesi, №121) ashylǵan pýnktte gıgıenalyq zattar, konserviler, dándi daqyldar men makaron ónimderi jáne jemis-jıdekter, sý, balalarǵa ar­nalǵan kıim-keshekter, kórpe jáne kór­­pesheler qabyldanady. Fılıal tór­­­aǵasynyń orynbasary Oleg Chýgýn­kov­tyń aıtýynsha, jınalǵan zattar qysqa merzimde Arysqa jóneltiledi.

Keshe oblys ortalyǵyndaǵy Halıfa Altaı meshiti «Shyǵys Aryspen birge» qaıyrymdylyq aksııasyn bastady. «Oblystyq meshit pen aýdandyq meshitter ártúrli kómek túrlerin qabyldap, Arys turǵyndaryna jóneltýge ázir» deıdi QMDB О́skemen óńiri boıynsha ókil ımamy Ermek Muqataı.

Sonymen qatar oblystaǵy barlyq Jas­tar resýrstyq ortalyqtarynda (olar­dyń sany – 20) gýmanıtarlyq kómek qabyldanyp jatyr. О́skemendegi gý­ma­nıtarlyq kómek kórsetý shtaby Po­tanın kóshesi, №27/1 mekenjaıynda ornalasqan.

О́mir ESQALI – PETROPAVLDAN:

Qyzyljar óńiriniń turǵyndary da jantúrshigerlik oqıǵaǵa ortaqtasyp, zardap shekkenderge qol ushyn berýge tas-túıin ázir ekendikterin bildirdi. Alǵashqylardyń qatarynda kásipodaq músheleri qyzý ún qosty. Oblys­tyq ká­sipodaq keńesiniń tóraǵasy Erik Nura­qaev shuǵyl túrde úılestirý keńe­siniń otyrysyn ótkizip, kez kelgen kómekke muqtaj otbasylarǵa qar­jylyq, moraldyq qoldaý kórsetýdi aza­mattyq paryzy sanaıtyndaryn aıtty. О́zge de turǵyndar birkúndik jalaqylaryn aýdarýmen qatar basqa da materıaldyq jaǵynan qol ushyn beretinderin jetkizdi. Sonymen qatar arnaıy shtab qurylyp, salalyq, bas­taýysh kásipodaq uıymdaryna úndeý qabyldandy. Onda qandaı qıyn jaǵdaıda da rýhy bıik, birligi myqty, dostyqqa adal qazaqstandyqtardyń birge bolatyny, kez kelgen qıyndyqty birlesip kóterip alatyny aıtylǵan.

Polısııa departamentiniń basshy­lyǵy men jeke quramdary da Arys qalasy turǵyndarynyń aıtyp kelmegen qaıǵysyna ortaqtasyp, zardap shekkenderge qarajat jınaýdy bastap ketti. Mundaı bastamashyldyqtardy basqa da departament, vedomstvo ujymdary, kásipkerler, jekelegen adamdar qoldap otyr.

Nur Otan partııasy qalalyq uıymy tóraǵasynyń birinshi orynbasary Keńes Muqyshev óńir basshysy Qumar Aqsaqalovtyń tikeleı jetekshiligi­men jedel shtab iske kirisip, gýmanıtar­­lyq kómek kórsetý pýnkti qalalar men aýdan­darda qurylǵanyn aıtty. Zardap shekkenderge 100 tonnaǵa jýyq dári-dármek, azyq-túlik qory, qurylys mate­rıal­dary jınalyp jetkiziletin bola­­­dy. Jas Otan jastar qanatynyń múshe­­­­­­leri de arystyqtarǵa bir mıllıon teńge aýdardy.

Qalmahanbet MUQAMETQALI – TALDYQORǴANNAN:

Taldyqorǵanda «Jetisý Aryspen birge!» degen ataýmen qaıyrymdylyq aksııasy bastaldy. Oblys ortalyǵynda gýmanıtarlyq kómekti qabyldaý pýnkti shamamen bir aı kóleminde tańǵy saǵat 09:00-den keshki 21:00 aralyǵynda jumys istemek. Qoldaý aksııasyn uıym­das­tyrý­shylar Almaty oblysynyń atynan Arys qalasyna gýmanıtarlyq kerýen bara­ty­nyn málimdedi. Qazir zardap shekken arys­tyqtarǵa beriletin eń qajetti zat­tar­dyń tizimi daıyndalǵan. Onyń qatarynda konserviler, dándi daqyldar, makaron ónimderi, mıneraldy sý jáne balalarǵa arnalǵan kıimder men kórpe­jastyqtar bar.

Sondaı-aq jetisýlyq memlekettik qyzmetshiler bastamashy bolyp, bir kúndik eńbekaqylaryn qoǵamdyq qorǵa aýdarý bastaldy.

Al Almaty oblysynyń ákimdigi Arys qalasynan 150 balany Jetisýdiń emdeý-saýyqtyrý oryndarynda tegin demalýǵa shaqyratynyn málimdedi.