Rýhanııat • 26 Maýsym, 2019

Amanbaı men Jamanbaı

426 retkórsetildi

Saıyn dala Saryarqanyń bir búıirinde jatqan Qarqaralynyń ult tarıhyndaǵy aıryqsha orny týraly az jazylǵan joq. Ǵajaıyp tabıǵaty qandaı kórkem bolsa, Qarqaralynyń tarıhı tulǵalarynyń da taǵdyry kúrdeli bolyp qalyptasty. Sondaı asyldan týǵan arda azamat, alashtyń aıboz uly Amanbaı Shegirov jaıly áńgime órbitpekpiz. Ǵasyr basyndaǵy dilgir mamandyq dárigerliktiń oqýyn oqyp, týǵan halqynyń dertine shıpa izdegen abzal jan, sanaly ǵumyryn san alýan aýrý-syrqattyń janynda ótkizgen, osynaý uly kásibin ólgenshe súıip ótken esil er jaıly qansha aıtyp jazsaq ta, artyq bolmaıdy.

Amanbaı Shegirov týraly qaraǵandylyq ólketanýshylar E.Mustafın men Iý.Popovtyń zertteý eńbekterinde tyń má­li­­met­ter bar. Sonymen qa­tar onyń bir top adammen tús­ken fo­tosýretin jáne inisi N.Yby­raevtyń qolymen jazyl­ǵan qysqasha ómirbaıanyn saqtaǵan kórnekti ǵalym, abaıtanýshy­ Qaıym Muhamedhanovtyń arhı­vin­degi beımálim derekter, al Alash qozǵalysymen baılanysy jaıly, ulttyq lıder 
Á.Bó­keı­hanmen aralasýy týraly belgili ǵalym Sultan Han Aq­quly qurastyrǵan «Álıhan Bókeıhan. Shyǵarmalary» kóp­tomdyǵyndaǵy jekelegen hattar dálel bola alady. Qalaı bolǵanda da, bul maqalany jazý barysynda negizinen qarqaralylyq ól­ketanýshy Erlan Mustafınniń zertteý eńbekterine basymdyq beriledi.

 

Qaraaǵashta týǵan ul

Amanbaı Shegiruly Arǵyn­nyń ishindegi Áıtimbet rýynan shyǵady. Áıtimbettiń Dýlat, Baıǵuly, Baıǵozy, Tileýke degen atalarynyń ishindegi Baıǵozydan Shegir týady. Mekeni búgingi ákim­­shilik-terrıtorııalyq bólinis boıynsha, Qarqaralynyń shetki aýyly Baqtyǵa tıesili jerler bolǵan. Tulǵa ómiri jaıly kóp izdenip, zertteýler júrgizgen Erlan Mustafınniń dereginshe, Semeı gýbernııasyna qarasty Qarqaraly ýeziniń Qyzylshilik-Qaraaǵash Kent bolysynda­ 1881 jyly 24 shildede Shegir áýletinde Amanbaı esimdi ul dú­nıege keledi. Otbasynda Jaman­baı, Ybyraı degen eki ul jáne Úrimbala esimdi qaryndasy bol­ǵan eken.

Asa kórnekti ǵalym, qazaq ta­rıhyndaǵy stalındik repres­sııanyń úshinshi tolqynynda jazyqsyz qýǵyndalyp, túrmege tús­se de, qaıtpaǵan qaısar tulǵa Qaıym Muhamedhanovtyń je­ke muraǵat qory – san alýan ta­qyrypty, ásirese qupııaǵa toly Alash kezeńin zertteýshiler úshin jasyrynǵan altyn kómbe syndy. Tursyn Jurtbaı myrza «Abaı­dyń inisi, Alashtyń irisi» dep baǵalaǵan ǵulamanyń taý silemindeı mol murasynyń arasynda Shegirdiń Ybyraıynan taraıtyn Nurpeıistiń haty saq­talǵan. Keıipkerimizdiń balalyq shaǵy, alǵashqy oqýy jaıly de­rekti osy jalǵyz hattan (1984 jyl­ǵy 8 tamyz) bile alamyz: «Ol 1906 jyly Tom medısına tehnıkýmyn támamdaıdy. Bolystyq basqarý kezinde eki jasóspirimdi joǵary medısınalyq oqý ornyna túsýge ruqsat qaǵaz beretin. On­daı múmkindik negizinen baı­dyń nemese bolystyń otbasyna ǵana beriletin. Sol kezde ba­lany reseılik gýbernııaǵa oqý­ǵa jiberetin bolsa, shoqynyp ke­tedi degen kózqaras bolǵan. Son­­dyqtan kóp jaǵdaıda baılar budan qashyp, kedeıdiń balalaryn berip jiberetin bolǵan. Mine, dál sol kezde Shegirdiń eki balasy: Jamanbaı men Aman­baıdyń jasy kelip turǵan edi. Sondaı tańǵajaıyp tańnyń bi­rinde bolystyq basqarýshy Span Janaqov meniń atam She­girdi ózine shaqyryp, bylaı degen: «Biz seniń Jamanbaı men Amanbaıyńdy orystyń Tom qalasyna oqýǵa jibereıik. Sen kedeı bolǵandyqtan, biz kómek­teseıik dep sheshtik. Oqý jylynyń aıaǵyna deıin biz 3 qoı, 2 eshki, joǵary sorttaǵy un, 25 rýbl beremiz. Basqalaı kómektese almaımyz. Eger buǵan kelispeseń, biz seniń eki ulyńdy máj­búrli túrde oqýǵa jiberemiz». Atamnyń basqa múmkindigi qalǵan joq, ol kelisimin bergen. Kózinen jasy sorǵalap, ol eki ulyn 1901 jyly Tom qalasyna jiberedi. 1906 jyly oqý aıaqtalǵan soń ekeýi de Qarqaralyǵa qaıtyp keledi».

Osylaısha ǵaıyptan buıyr­ǵan baq aǵaıyndy ekeýdiń ómir jolyn ózgertti, týǵan eline jaq­sylyq jasap, shapaǵat dánin sebýge yntalandyrdy. Qarqaraly jerine oralǵan aǵaıyndylar medısına men orman sharýashylyǵy salasynda belsendi qyzmet etýdi bastady.

Amanbaı Shegirov Qarqaraly aýrýhanasyn, sonymen qatar bir mezette qalalyq densaýlyq saqtaý bólimin de basqarǵan, deıdi derekter. N. Ybyraevtyń esteliginde mynadaı joldar bar: «1917-1922 jylǵa deıin Qar­qaraly densaýlyq saqtaý basshylyǵyn basqardy. Al 1922-27 jylǵa deıin Qarqaraly qalalyq aýrýhanasyn, al 1927-1930 jylǵa deıin Qarqaraly qalasynyń dárihanasyn basqar­dy». Al 1930 jyldan soń Aman­baı otbasynyń taǵdyry basqasha qalyptasady, nege ekeni belgisiz, atamekennen qonys aýdaryp, Al­matyǵa kóshedi. Almatyda qa­lalyq aýrýhanada dáriger bolyp qyzmetke kirisken ol 1934 jylǵa deıin osy qyzmetti atqarypty. «1934 jyldyń shildesinen Den­saýlyq saqtaý mınıstrliginiń mektepke deıingi jáne balalar úıi bóliminiń meńgerýshisi qyz­metine aýysady», dep jazady 
E.Mus­tafın.

«Adamnyń basy – Allanyń doby» degen. Budan soń joldama boıynsha Amanbaı Shegirov Qyzylordaǵa qyzmet aýystyrady. 1936 jyldan 1942 jylǵa deıin balalar úıinde meńgerýshi bolyp qyzmet atqarady. О́zine qaralǵan jannyń barlyǵynyń aq alǵysyn alǵan abzal jannyń ómiriniń sońǵy jyldary Semeı jerinde ótedi. Ol 1942 jyldyń qarashasynan bastap Jańasemeı múgedekter úıiniń basqarýshysy bolyp ornalasypty. Ǵumyrynyń sońǵy demi taýsylǵansha osy qyz­metti atqarǵan eken. Tom me­dı­sınalyq tehnıkýmynyń túlegi, qazaqtyń qaıyrymdy qoly, aq júrekti feldsher Amanbaı Shegirov 1947 jyly 1 mamyrda qaıtys bolyp, Semeı shaharynda jerlengen.

Júregi meıirimge toly, ár­bir emdelýshige artyq yqylas qoıyp emdeıtin bilgir mamannyń kásibı qyzmeti jaıly balasyndaı bolyp ketken inisi 
N.Yby­raev: «…Kóptegen aýyr naý­­­­qastar jazylyp ketetin, oǵan tipti respýb­lıkadan tys óńir­lerden de naýqastar keletin. Dıag­nozdy ol aýrýdan surap bil­meıtin, naý­qastyń tamyryn ustap anyqtaıtyn. Sol boıynsha resept jazyp beretin. Amanbaı aǵaǵa qaralǵan naýqastyń 99%-y jazylyp ketetin. Naýqastar razy bolatyn. 1906 jyldan bastap ómiriniń sońyna deıin ol densaýlyq salasyndaǵy jańa­lyqtardy nasıhattady. Ol naý­­­qastardy eshqashan keıinge qaldyrmaıtyn, qaqaǵan aıazda, tútek boranǵa qaramaı, naýqas­tarǵa baratyn. Esh ýaqytta bas tart­qan emes», dep tebirene eske alady. Tipti, naýqastardy óz úıinde qabyldatý úshin sol kez­degi Semeı qalalyq partııalyq ke­ńes organynyń ruqsatyn da alǵan kórinedi.

 

Ǵasyr basyndaǵy qarbalas

 Qaıym Muhamedhanovtyń jeke arhıvinen tabylyp, ǵalym­nyń qyzy professor Dına Qaıym­qyzy usynǵan tarıhı fo­to­sýrettegi erekshe bolmysty 
A. She­gi­rovtiń tulǵasy zertteýshi retinde meni kóp qyzyqtyrdy. Osy atalǵan sýrettiń syrtqy betin­de ǵulama ǵalym óz qolymen «Amanbaı ? Jamanbaı Shegirov» dep toltyrǵan eken. Al aldyńǵy negizgi bette arab grafıkasymen «جامانباي» dep jazǵany anyq baıqalady. Demek, aǵaıyndy ekeý­­diń naqty qaısysy bolýy múmkin ekendigine ǵalymnyń kú­máni bolǵan sekildi. Semeı shárinde tasqa basylǵan tarıhı sýret 1911 jyly túsirilgen delinse, 1905 jyly bastaý alatyn Alash ult-azattyq qozǵalysynyń qatarynda turǵany daýsyz ań­dalady. Alǵashynda bul tolqýǵa Alash qaıratkerlerimen bir sap­taǵy, keıin qarsy jaqtaǵy Kól­baı Tógisov, Nurǵalı Qulja­novtarmen qatar otyrǵan Aman­baı Shegirovtiń bekzat bolmysy, erekshe stıldegi kıimi, ásem oty­rysy óz zamanynyń aıtýly azamaty bolǵanyn kórsetetindeı. Saqal-murtyn sándep basyp, eýropalyq úlgidegi kıim kıisi­nen ómir súrgen qoǵamynyń mań­daıaldy tulǵasy bolǵanyn bilý qıyn emes.

1910 jyly shyqqan «Semıpa­latınskıe oblastnye vedomos­tı» gazetiniń № 39 sanynan­ 1911 jylǵy Qarqaraly ýezi alqa­bı­leriniń tiziminde Amanbaı Shegir­ulynyń esimi atalady. Taǵy bir tarıhı derekte Qarqaraly ýez­dik feldsherler qoǵamynyń oty­rysy ótip, hattamasy tol­ty­rylǵany jazylady. 1917 jyl­dyń 10 naýryzynda ótken jıynda Amanbaı Shegiruly delegat bolyp qatysyp, keıin ýez­dik feldsherlik qoǵamnyń tóraǵasy bolyp saılanǵan. Qoǵam músheleri arasynda Muhamedııa Ospanov, akýsher Shegirova (Aman­baıdyń áıeli – Bálishken), Qarqaraly stansııasynyń feld­sheri Vladımır Zotov, Tóleýbaı Shontın, Áset Sembaev, t.b. bol­ǵan delinedi.

Al belgili ólketanýshy Iýrıı Popovtyń derekteri boıynsha, 1917 jyly Qarqaraly ýezdik qazaq komıteti qurylýy jaıly tarıhı mańyzdy qujattarda da Shegirovtiń esimi kezdesedi. Atalǵan ýezdik komıtetti qurý úshin Semeıdegi muǵalim Nurǵalı Qul­janov jáne Nıkolaı Va­sılevıch Vaıser ekeýi komıs­sar retinde Qarqaralyǵa ji­beri­ledi. Olarǵa bul jaýapty­ sharýa senip tapsyrylady. 15­ naý­ryz kúni Qarqaralyǵa jet­­ken komıssarlardyń aldyn­da jergilikti halyqty Ýaqytsha úki­metke senim artýǵa shaqyrý mindeti turdy. Nurǵalı Qul­janov Amanbaıdyń úıine, Vaı­ser Ignatı Babınniń úıine ke­lip túsken. 1911 jyly Semeı shaha­rynda ıyq tiresip sýretke túsken bul ekeýdiń joly Qarqaralyda taǵy túıisedi.

1917 jylǵy 5 naýryzda­ Semeıde oblystyq atqarý komı­tetiniń qoǵamdyq uıymdar ko­mıteti qurylsa, kelesi kúni, ıaǵ­nı 6 naýryzdan Qarqaralyda ýez­dik qazaq komıtetiniń jıynda­ry uıymdastyrylyp, oǵan 23 bolystan delegattar qatysqan. Komıtet múshelerinen qurylǵan keńestiń tóraǵasy Jaqyp Aqpaev bolsa, orynbasar bastyǵy Nar­manbet Ormanbetuly, keńes hat­shysy Smaıyl Bektenov, hatshy kómekshisi Ahmet Bektibaev saılanady. Osy keńes prezıdýmy músheleriniń qatarynda Aqaıdyń Haseni, Nyǵmet Nur­maqov, Smahan Bókeıhanov se­kildi belgili tulǵalarmen birge biz­diń keıipkerimiz Amanbaı She­girovtiń de esim-soıy anyq jazylǵan.

«Qarqaraly ýezdik qazaq prezıdıýmy músheleriniń birinshi hattamasyn Jaqyp Aqbaev tol­­tyrǵan» deıdi ólketanýshy E.Mustafın. Onyń oıynsha, Shegirov pen qoǵam jáne memleket qaıratkeri, Alash Orda ult­tyq úkimetiniń múshesi, zań ma­gıstri Aqpaıdyń Jaqybymen baılanysy jaqsy arnada ór­bigenin basa aıtý kerek. Ekeýi de­ Bekmetevter áýletinen qyz alyp otyrǵanyna qarasaq, baja re­tinde de jaqsy aralasýy ábden múmkin.

Semeı gýbernııasyna qarasty Qarqaraly ýezinde ýezdik aýrýhana men ambýlatorııa jumys istep turǵan. Kedeı bolysynda feldsherlik pýnkt turaqty túr­de ashylsa, 3 feldsherlik pýnkt jyljymaly júıede qyzmet atqarǵan. 1926 jylǵy derekterge súıensek, Qyzylespede aýrýhana ashý jáne Kent bolysynda To­qyraý halqy úshin 2 ambýlatorııa ashý josparlanǵan. Medısına qyzmetkerleriniń shtaty da kóp bolmaǵan: densaýlyq saqtaý bóliminiń meńgerýshisi, qalalyq jáne razezdik dárigerler, 2 lek­pom, 1 akýsher, 1 meıirbıke, 2 aýrýdy kútýshi, 1 as pisirýshi áıel jáne 1 kúzetshi. Bolystyq jerlerde sheshekke qarsy egýshi retinde taǵy 4 jáne 6 adam ju­mys istegen.

El aýzynda saqtalǵan áńgi­melerge qaraǵanda Qarqa­ralyda Amanbaı Shegirov­tiń eńseli aǵash úıi bolǵan jáne ol aýmaqtaǵy al­ǵashqy dárihanany da osy úıinen ashqan desedi. Osyndaı naqty fak­tilerge qurylǵan derekter men aýyzsha málimetterdi saralaı kele, 1917 jylǵy Qarqaralyda adam táni-janyn emdeýmen qatar, qoǵamdy da saýyqtyrý isinde Amanbaı Shegirov qatyspaǵan oqıǵa joq ekenin baıqaımyz.

 

…Kóptegen aýyr naý­­­­qastar jazylyp ketetin, oǵan tipti respýb­lıkadan tys óńir­lerden de naýqastar keletin. Dıag­nozdy ol aýrýdan surap bil­meıtin, naý­qastyń tamyryn ustap anyqtaıtyn. Sol boıynsha resept jazyp beretin. Amanbaı aǵaǵa qaralǵan naýqastyń 99%-y jazylyp ketetin. Naýqastar razy bolatyn. 1906 jyldan bastap ómiriniń sońyna deıin ol densaýlyq salasyndaǵy jańa­lyqtardy nasıhattady. 

Álıhan artqan senim

Dárigerlikti jany qalap súı­sine qyzmet atqarǵan Amanbaı Shegirov ult zııalylarynyń ba­syn bir jerge jınap, saıası kóz­qarasy men erekshe qabiletiniń ar­qasynda kóshbasshyǵa aınalǵan Álıhan Bókeıhan ekeýi tyǵyz baılanysta bolǵan. «Qazaq da­lasyndaǵy búkil dinı-saıası qoz­ǵalystyń basshysy» retinde sı­pat­talǵan Á.Bókeıhan 1906 jylǵy 8 qańtar kúni Pavlodardan Semeıge baratyn jolda ustalǵan. 15 sáýirge deıin ol Pavlodar túrmesinde otyrdy. Ol túrmede otyryp Memlekettik Dýmanyń múshesi A.M.Kolıýbakınge hat ja­zady. Atalǵan hattyq tolyq mátini ǵalym Sultan Han Júsip qurastyryp shyǵarǵan Álıhan Bókeıhan shyǵarmalarynyń 5-tomynyń 46-betinde tur.

Qurmetti Aleksandr Mıhaılovıch!

Chernosotenshilerden (qara­­­­júzder) qutylǵanyńyz úshin shyn júrekten qýanyshtymyn. Hat­tyń 14-betindegisin «Nasha Jızn» gazetine shyǵarýyńyzdy suraımyn. Basqa da sondaı gazet­ten maǵan qyrsyq kezdeskenin baıqaısyz.

Men K.D. Memlekettik dýma­ǵa kandıdat retinde sezdiń orny­na túrmege tústim. Menen knıaz D.I. Shah.-qa duǵaı sálem.

 

Qolyńyzdy qystym.

Á. Bókeıhan.

Hattyń sońǵy jaǵynda Alash­­tyń arysy hattyń jiti qa­da­­ǵalanyp otyrǵanyn eskerte kelip, «Eger hat jazǵylaryńyz kelse, onda bylaı jazyńyzdar: Pavlodar. Medısınalyq feld­sher Amanbaı Shegirovke, ishi­ne Álıhan Nurmuhameduly Bókeıhanǵa. Memlekettik Dýmada jolyqqansha» dep aıaqtaıdy. Demek, osy hatty túrmedegi Bó­keı­­hanǵa jetkizýshi, eki ortadaǵy deldal Amanbaı Shegirov ekenine anyq kóz jetedi. Ishki qupııalar jazylatyn hattardy senip tap­syr­ǵanyna qaraǵanda Álıhan Bókeıhan medısınalyq feld­sher A.Shegirovke sengen, kóp úmit artqan.

Tamyryn tereńge jaıǵan alyp báıterekteı Álıhannyń lıderge aınalýy kóptegen qar­qaralylyq jastardyń janaryna úmit otyn jaqty. Á.Bó­keı­­handy aǵa tutyp, sońynan Álim­han Ermekuly, Muhamedııa Ospanov, Jaqaı Baıyrov, Nyǵ­met Nurmaqov, Mustafa Shan­tın, Áýbákir Nurmanov, Imam Álibekuly, Ábjan Noǵaev, Qa­pal Qaısaqov, Mánnan Turǵan­baıuly, Raqymbaı Sapaqov, Imanbek Tarabaev sekildi qa­lyń shoǵyrdyń bel ortasynda Aman­baı Shegirovtiń bolýy zań­dylyq edi.

 

Týmasa da týǵandaı

Amanbaı Shegirovtiń alǵashqy jary Bálishken Sársenbaıqyzy – Tom qalasyndaǵy medısınalyq oqý ornyn bitirgen dáriger. Qar­qaraly ýezdik feldsherler qo­ǵa­­my qurylǵanda qatardaǵy mú­shesi bolyp qabyldanǵan aký­sher­ka áıel osy kisi. Bálishken She­girovanyń kásibı qyzmetin adal atqara júrip, óz erkimen ju­mystan shyǵyp, múgedektik al­ǵany jaıly qarqaralylyq ól­kentanýshy E.Mustafınniń zert­teýlerinde jazylǵan. Ol 1930 jyldyń 5 tamyzynda aký­sherlik qyzmet kórsetip júrgen Shegirova 1931 jyldyń 20 aq­pa­nynda aýyryp, qyzmetten bosaǵany jáne 5 kúnnen keıin múgedektik taǵaıyndalǵany jaıly arhıvtik materıal usynady.

Amanbaı Shegirovtyń ekinshi áıeli Dilshat ataqty tatar kópesi Bekmetevter áýletinen shyǵady. Onyń ákesi Ǵubaıdolla qajy óz dáýiriniń syıly kisisi, qadirli ada­my bolypty. Qarqaralyǵa meshit salǵan Qunanbaı, keıinnen Abaı túsetin kók úıdiń qojaıyny Halıolla osy Ǵubaıdollanyń ne­mere inisi edi. Qarqaralynyń bet­keustar azamaty dep bilgen el-jurt máselesin sheshý úshin onyń úıine jan-jaqtan kelip jatatyn dep eske alady kózin kórgender. Al Dilshat orta boıly, aryqtaý kelgen, úı sharýasyna myǵym, tamaqty óte dámdi ázirleıtin, kıim tigip, toqıtyn eń­beksúıgish adam bolypty. 1977 jyly 27 mamyrda Almatyda qaıtys bolyp, Keńsaıǵa jerlengen eken.

Jurttyń balasyn óz balasyn­daı qarasa da, taǵdyr Amanbaıǵa perzent súıýdi jazbapty. Aman­baı Shegirovtiń balasy esepti inisi Nurpeıis Ybyraev Almaty aýylsharýashylyq ınstıtýtynda bilim alǵan. Oqý aıaqtalǵanda ony maıdanǵa alyp ketti. 5 jyl ol baılanysshy bolyp qyzmet etip, kóptegen áskerı nagradalardy ıelengen. 1998 jyly Túrik­men­standa qaıtys boldy.

Al Nurjamal boı jetken soń Táshim Buharbaıuly Mol­da­baev degen kisige turmysqa shy­ǵady. Biraz ýaqyt boıynda Tashkent qalasynda turǵan deı­di. Nurjamaldyń 1925 jyly tý­ǵan taǵy bir qyzyn Amanbaı asyrap alyp, oǵan «Iskraıda» de­gen esim beredi. «Shegirova Is­kraıda Amanbaıqyzy» dep jaz­ǵyzady. Qazaq memlekettik ýnıversıtetiniń zań fakýltetin jaqsy baǵaǵa bitirgen Iskraıda 1965 jyldan bastap Almaty ob­lys­tyq sotynyń múshesi retinde qyzmet atqarǵan, 1970 jyldan 1985 jylǵa deıin Almaty ob­lysy Qaskeleń aýdanynyń ha­lyq sotynyń tóraǵasyna deıin kóte­rilgen eken. 1985 jyly qaıtys bolǵan.

Amanbaıdyń eki aǵasy men jalǵyz qaryndasy týraly derekter barshylyq. Jamanbaı men Amanbaı ekeýi Tom qalasyna oqý­ǵa barǵanymen, tegi birdeı eki balany qabyldamaıtynyn bilip, aǵasy ákesiniń aǵasynyń esi­mine oraı «Mananbaev» dep atalady. 1877 jyly týǵan Ja­man­baı Mananbaev Tom or­man­ tehnıkýmyn bitirip, orman sharýashylyǵy tehnology maman­dyǵyn alyp shyǵady da, Kentte orman tehnology bolyp eńbek jolyn bastaǵan. Boqty orman alqabynyń qo­ryq­shysy retinde 1909 jyldan qyzmetin jal­ǵas­tyrǵan ol 1912 jyly ımperator II Nı­kolaıdyń Stanıslav len­tasyndaǵy «Ynta-jigeri úshin» kúmis tósbelgisimen marapattalypty. Ashtyq jyldary aýyl­dan ketýge májbúr bolǵan Jamanbaıdyń otbasy alystaǵy Habarovskiden bir-aq shyǵady. 1941 jyly sonda qaıtys bolady.

Úsh uldyń qaryndasy Úrim­bala Qutpanbaı degen azamatqa turmysqa shyǵyp, odan Raqym, Nurlan degen eki ul kóripti. Osy Nurlannan 1929 jyly týatyn Ánel esimdi apa qazir Astanada turady. Jasy toqsanda.

HH ǵasyrdyń alǵashqy shı­re­gindegi alashshyl azamattar kásibine adal berilgendigine qa­ramastan, qoǵamdyq jumys­tarmen de qaýyrt ári qarbalasta aınalysýyna týra keldi. Ýaqyt qysyltaıań shaqta osyndaı dil­girlikti talap etti. Aq halatty ab­zal jan Amanbaı Shegirov ómi­riniń qyzýly shaǵy osy kezeń be dep tujyrymdaýǵa keletindeı. Sebebi Alashtyń arystary Álı­han Bókeıhan, Aqpaıdyń Ja­qyby, Smahan tóremen birge tize qosyp, ıyq teńestirip, qatar qı­myldap, qysqa ýaqyt shegindegi ult taǵdyry jolynda qyzmet sińir­gennen artyq baqyt bolar ma, sirá.

 

Zańǵar KÁRIMHAN,

L.N.Gýmılev atyndaǵy Eýrazııa ulttyq ýnıversıtetiniń doktoranty

 

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Uqsas jańalyqtar