«2008 jyldan beri dástúrli túrde ótkizilip kele jatqan áleýmettik bastamalar men jobalar jármeńkesinde, ásirese, bastamashyl toptar arnaıy tirkelmeı-aq óziniń bastamalaryn, jobalaryn júzege asyrýǵa múmkindik alady. Jármeńkege qatysý jas tańdamaıdy, oǵan baladan eresekterge deıin óziniń jobasyn usyna alady. Olar jergilikti jerdegi ózderi kórip otyrǵan áleýmettik jaǵdaılardy jaqsartýǵa talpynady» deıdi oblystaǵy «GrIn» Azamattyq alıansy» QQ tóraıymy Dınara О́tebaeva. Jármeńkege 7 atalym boıynsha kóptegen ótinishter tústi. Sonyń ishinde tórt joba 500 myń teńgeniń serıfıkatyna ıe boldy. Jármeńkede birinshi ret aýyldaǵy úkimettik emes uıymdar áleýetin arttyrýǵa mańyz berildi. Jármeńke aıasynda salalyq basqarmalardyń ÚEU ókilderimen kezdesýi, respýblıkalyq ÚEU ókilderiniń qatysýymen suhbat alańy uıymdastyryldy.
Úzdik dep tanylǵan bastamalar men jobalar ıesine sertıfıkatty oblys ákiminiń orynbasary Marat Júndibaev tapsyrdy. Qazylar alqasy áleýmettik bastamalar men jobalar jármeńkesiniń 7 jeńimpazyna 200 myń teńgeniń sertıfıkatyn, al jergilikti qoǵamdastyqtar máselelerin sheshýge baǵyttalǵan úzdik 4 áleýmettik jobaǵa 500 teńgeniń sertıfıkatyn tapsyrdy. «Aýyl ÚEU áleýetin kóterý» nomınasııasy boıynsha 8 jobaǵa 500 teńgeniń mını-granty tapsyryldy. Sonymen qatar eki shaǵyn grantty bıznes-qoǵamdastyq tapsyrdy.
Sertıfıkat alǵan jobalardyń arasynda jumyssyzdyqpen kúresý, aýyl sportyn kóterý, aýrý balalarǵa kompıýter úıretý sekildi ózekti problemalar qamtylǵan.
