Qazaqstan Nursultan Nazarbaevtyń syndarly ishki, syrtqy saıasatynyń arqasynda qazirgi jetistikterge qol jetkizip otyr. Bul sózimdi qýattaý úshin bir ǵana dálel keltireıin. О́z aldyna derbes el bolǵan jas memleket ortadan joǵary kiris deńgeıine 20 jyl tolmaı jetti. Nursultan Nazarbaev eldi basqarǵan jyldary jan basyna shaqqandaǵy ishki jalpy ónim on esege ulǵaıdy. 1990 jylǵy 1600 dollardan 2018 jyldyń sońynda 10 myń dollarǵa artty. 2006 jyldyń ózinde Qazaqstan kiris kólemi ortadan joǵary elder tobyna engen bolatyn.
Nursultan Nazarbaev munymen toqtaǵan joq. Ol osy jyldardan bastap keleshek úshin qyzmet etetin qurylymdyq jáne ınstıtýsıonaldyq reformalardy júrgize bastady. Olar memlekettiń ekonomıkaǵa yqpalyn tómendetý jáne serpindi, zamanaýı, shıkizatty emes ınnovasııalyq salanyń damýyna qoldaý kórsetýge baǵyttalǵan bolatyn. Sondaı-aq ol álemdik arenadaǵy Qazaqstan bedelin kóterýge jáne ekonomıkanyń álemdik qoǵamdastyqpen birigýine kúsh-jigerin jumsady. Qazirgi zamannyń qarqyny múldem ózgeshe. Jappaı báseke zamanynda ómir súrip kelemiz. Qazaqstan bolashaqta odan ári órkendeýi úshin Nursultan Nazarbaev aıqyndap bergen baǵyt-baǵdardan ajyrap qalmaýy tıis.
Djordj Vashıngton, Mustafa Kemal Atatúrik sekildi qaıratkerler eliniń bolashaǵyna óziniń ómirin arnady. Ońtústik Afrıkada Nelson Mandela, Izraılde Davıd Ben-Gýrıon halqyn jetistikke jeteledi. Nursultan Nazarbaevty sol birtýar tulǵalarmen kóp nárse baılanystyrady. Ol – osy eldiń negizin qalaýshy. Qarapaıym otbasynan shyqqan azamat tutas ulttyń kóshbasshysyna aınalyp úlgerdi.
Arıel KOEN,
amerıkalyq saıasatker jáne jýrnalıst
