Bilim jáne ǵylym mınıstrliginiń joǵary oqý ornynan keıingi bilim berý departamentiniń dırektory Ádilet Toıbaev 20 maýsymda elimizde Ulttyq biryńǵaı testileý bastalǵanyn baıandap jáne onyń aralyq nátıjelerimen tanystyrdy.
«Testileýge ótinish bergen 74 365 bitirýshiniń 71 227-si qatysty. Bul ótinish bergenderdiń 96 paıyzyn quraıdy. Onyń ishinde qazaq tilinde 56 684 bitirýshi, orys tilinde – 14 455, aǵylshyn tilinde 87 bitirýshi tapsyrdy. 24 maýsym kúni eń joǵary nátıje – 140 balǵa Túrkistan oblysy Saryaǵash aýdanynyń túlegi, «Altyn belgi» ıegeri Jubaı Qasymjan Ádiljanuly qol jetkizdi. Búginge deıin eń kóp tańdalǵan kombınasııalar: «Fızıka»+ «Matematıka». UBT-da erekshe bilim berý qajettiligi bar 21 balaǵa jeke aýdıtorııa, kómekshi, sondaı-aq ymdaý tilin biletin maman berildi. UBT ótkizý tehnologııasynyń saqtalýyn baqylaýdy óńirlerge jiberilgen mınıstrlik ókilderi qamtamasyz etti. Barlyq aýdıtorııa uıaly telefon sıgnaldaryn basatyn quraldarmen jáne beınekameralarmen jabdyqtaldy. UBT ótkizý pýnktterinde beınetranslıasııa kórsetiletin monıtorlar ornatylyp, UBT-nyń ótý prosesin baqylaýǵa jaǵdaılar jasaldy. Joǵary oqý oryndary ózderiniń resmı saıttary arqyly, youtube kanaly arqyly onlaın translıasııa júrgizdi», degen Á.Toıbaev Ulttyq testileý ortalyǵynyń call-ortalyǵyna 546 qońyraý kelip túskenin tilge tıek etti.
«Sonymen qatar memlekettik komıssııalar UBT ótkizý pýnktterinde ata-analarǵa arnalǵan kútý zaldaryn, medısına qyzmetkerleriniń kezekshiligin, qoǵamdyq tártiptiń jáne qajetti qaýipsizdik sharalarynyń, onyń ishinde órt qaýipsizdigi sharalarynyń qamtamasyz etilýin uıymdastyrdy. Testileý ótkizý merziminde Ulttyq testileý ortalyǵynyń call-ortalyǵyna 546 qońyraý kelip tústi. Testileý nátıjeleri edu.mail.kz saıtynda, @EDU.GOV.KZ bot – Telegram bot arqyly jáne Ulttyq testileý ortalyǵynyń saıtynda ornalastyryldy. Búgin saǵat 13.00-ge deıin jergilikti jerlerde apellıasııalyq komıssııa jumysyn júrgizýde. Respýblıkalyq apellıasııalyq komıssııa da óz jumysyn bastady. Atalǵan apellıasııalyq komıssııaǵa 111 ótinish kelip tústi, onyń 63-i qanaǵattandyryldy. Jalpy, UBT shtattyq rejimde ótýde», dep sózin túıindedi departament dırektory.
Raýan QAIDAR,
«Egemen Qazaqstan»
