Demalys lageri Imantaý-Shalqar kýrorttyq aımaǵynda ornalasqan. Kókshetaýlyq kásipker Qaırat Nurmuqanov bıyl úshinshi jyldan beri memlekettik-jekemenshik áriptestik aıasynda «Chaıka» lagerin senimdi basqarýǵa alyp keledi. Demalys ornyna qomaqty qarjy tartýdyń arqasynda bir maýsymda 250 balany qabyldaı alady.
«Qaıyrymdylyqpen aınalysý , muqtajdarǵa kómektesý – qazaq halqynyń qanyna sińgen qasıet. Bizdiń otbasymyz úshin de mindet, paryz sanalady. Arystaǵy oqıǵany shetelde júrip estidim. Qabyrǵamyzben aqyldasa kelip, tótenshe jaǵdaıdan zardap shekken balalarǵa kómektesemiz dep sheshtik. Jarylysty kórgen balaqaılar qatty qorqyp qalǵany anyq, olarǵa qazir jaqsy demalys kerek», deıdi kásipkerdiń zaıyby Dına Nurmuqanova.
Lagerde balalarǵa bar jaǵdaı jasalmaq. Arnaıy baǵdarlama uıymdastyrylady. Kólge sýǵa túsip, Imantaý-Shalqar kýrorttyq aımaǵynyń ásem tabıǵatyn tamashalaı alady. Tarıhı-mádenı oryndarǵa ekskýrsııaǵa shyǵady. Kásipker bul maqsat úshin arnaıy kólik bólip otyr.
Munda basqa da kásipkerlerdiń joldama alyp, balalarǵa tegin úlestirine múmkindik týdyrylǵan.
