Erkin formatta ótken kezdesýdi jastar máseleleri jónindegi basqarma basshysy Irına Týhvatýlına júrgizdi. Múmkindigi shekteýli jandarǵa arnalǵan «Teń jol» avtomektebiniń dırektory Sálimhan Sábıtov, jańa týǵan sábılerge arnalǵan jıhaz jasaýmen aınalysatyn jas kásipker Rústem Basharov, gıpsten jasóspirimderdiń latyn áripterin tanyp-bilýine arnalǵan oqý quralyn jasaýdy qolǵa alǵan M.Qozybaev atyndaǵy SQMÝ-diń stýdenti Janat Kákimov, taǵy basqa talapty jastar sóz alyp, óz isteri jaıly áńgimeledi. Sondaı-aq kásipkerlik salany keńeıtý boıynsha usynystaryn jetkizdi.
Qumar Irgebaıuly barlyq ótinishter men usynystardy nazarǵa alyp, máselelerdi sheshýdiń joldaryn qarastyratynyn aıtty.
Ýálıhanov aýdanyndaǵy Kishkenekól №2 orta mektebi tarıh pániniń muǵalimi, úzdik jastardy anyqtap, yntalandyrý maqsatynda uıymdastyrylǵan Samuryq – 2018 konkýrsynda «Jas maman» atalymy boıynsha jeńimpaz atanǵan Rýslan Qaıyrgeldın jas arheologtardyń forýmyn ótkizý týraly usynys jasap, qoldaý tapty.
