Poıyz baǵytynyń ózgertilýine baılanysty kent vokzalynan túsip, jaldamaly taksı qyzmetine júgingen jolaýshylarǵa aýdan ákimdiginiń jedel uıymdastyrýymen Aral qalasyndaǵy «Araı-Taksı», «Shah-Taksı» dıspetcherlik ortalyqtarynyń 50 jeńil avtokólik jáne JK «Jaqsat ı K» avtovokzalynyń 2 úlken avtobýsy, 1 shaǵyn avtobýs Sekseýil temirjol vokzalyna jumyldyrylǵan.
Sonymen qatar, eki jolaýshy poıyzy («Moskva-Bishkek», «Atyraý-Almaty») «Sekseýil» stansasy arqyly Jezqazǵan baǵytymen Almaty, Bishkek qalalaryna saparyn jalǵastyrdy.
Qazirgi ýaqytqa deıin barlyǵy 350-deı adam ár túrli baǵyttarǵa jóneltilip, qalǵan jolaýshylarǵa qosymsha Qazaly aýdanynan 2 úlken avtobýs, 2 shaǵyn avtokólik jáne Tóretam qalasynan 3 úlken avtobýs jiberildi. Sol sııaqty Arysqa azyq-túlik járdemi de jóneltilýde.
