«Saraıshyq» JShS-niń bas dırektory, Atyraý oblysy Qazaqstan halqy Assambleıasy «Jańǵyrý joly» jastar qozǵalysynyń jetekshisi Tamıla Rozmetova: «Arys qalasynyń turǵyndaryna el bolyp qaraılasyp jatqanymyz – eldigimizdiń, birligimizdiń belgisi. Mundaı sátte biz de nemquraılylyq tanytpaı, arystyqtarmen birge ekenimizdi bildirgimiz keldi. Assambleıanyń Atyraý oblysyndaǵy fılıaly, etnomádenı birlestikter men kásipkerler, jastar aqshalaı-zattaı járdemdesip jatyr. «Jańǵyrý joly» jastar qozǵalysynyń oblystaǵy bólimshesiniń ózi qysqa ýaqyt ishinde bir mıllıon teńgeden astam qarajat jınady. Jumys áli de jalǵasyn tabady», - deıdi.
Aıta keteıik, «Jańǵyrý joly» qozǵalysy «JAGSYLYQJASA» jobasy aıasynda Túrkistan oblysyna eriktiler jiberedi. Atyraý oblysynda joba bastalǵan bir kúnniń ózinde 20-dan astam erikti Arys turǵyndaryna kómek kórsetýge tilek bildirdi.
