Qoǵam • 27 Maýsym, 2019

Qýansa, ana qýansyn, qýansa, bala qýansyn!

216 retkórsetildi

«Jaqsynyń ózi de jaqsy, sózi de jaqsy» degendeı, Memleket basshysy Qasym-Jomart Toqaevtyń el azamattarynyń borysh júktemesin azaıtý týraly Jarlyǵy barsha qazaqstandyqtardy qýantqan, ásirese balalaryn jetkizý, emdetý jolynda turmys taýqymetimen basyna tartqan kórpesi aıaǵyna jetpeı, kóz jasyn bulap júrgen ata-analarǵa aıtarlyqtaı demeý berip, kóńilderin jadyratqandaı boldy. Iá, qýansa, ana qýansyn! Qýansa, bala qýansyn! Álbette, «Qudyǵyna qaraı qaýǵasy, bazaryna qaraı saýdasy» bolǵan naryq zamanynda nesıesiz tirshilik etý de ońaı emes. Sondyqtan Prezıdenttiń bul pármeni halyqtyń áleýmettik tobyna qaryzdy pulsyz berip, qunsyz alǵandaı óte qolaıly tıgeni jasyryn emes. Iаǵnı kóp balaly, asyraýshysynan aırylý jaǵdaıyna baılanysty tólem alatyn, múgedek balalary bar jáne ataýly áleýmettik kómek alatyn otbasylar men ata-anasynan aırylǵan jáne ata-ana qamqorlyǵynsyz qalǵan balalardyń 300 myń teńgege deıingi tutynýshylyq bereshegi keshirilmek. Bul – qoǵam tarapynan «Áleýmettik qamqorlyq» baǵdarlamasy aıasyndaǵy memlekettiń qoldaýyn keshendi ete túsetin izgi qadam retinde baǵalanyp otyr.

 Analardy qýantqan jańalyq boldy

Áleýmettik jeliden Mem­leket basshysy Qasym-Jomart Toqaevtyń kóp balaly otba­sylar­dyń jáne taǵy basqa da áleý­mettik deńgeıi tómen aza­mat­tardyń shaǵyn nesıelerine jeńil­dik qarastyrý jónindegi Jarlyǵyn oqyp qatty qýandyq. Bul shyn máninde halyqqa jasal­ǵan zor qoldaý, úlken kó­mek. El basshylyǵyna kelgen jańa Pre­zıdentimizdiń tur­ǵyn­dardyń ál-aýqatyn jaqsar­týǵa jasaǵan naq­ty tabysty qa­da­my dep esep­teımiz.

О́ıtkeni qazirgi ýaqytta ne­sıesi joq azamattar kemde-kem.­ Tú­bine úńilsek, azamattar­ nesıeni ártúrli sebeppen alyp­ jatady. Tapqan tabysyn bank­ter­degi qaryzyn óteýge jumsaı­tyndar úshin jańa bir úmittiń sáý­lesi jylt etkendeı boldy.­ Kóp balaly ana retinde bul she­shimdi qýana qoldaımyn ári Prezıdent Qasym-Jomart To­qaev­qa rızashylyǵymdy bil­dirgim keledi. Bul jeńildikter qaras­tyrylatyn bolsa, azdy-kóp­ti tapqan tabysymyzdy ba­la­larymyzǵa, otbasynyń ıgi­likterine jumsaıtyn bolamyz.

Kúni keshe ǵana elimizdiń Arys qalasynda oryn alǵan qıyn jaǵ­daıǵa Prezıdentimiz bastap, qa­lyń el qostap qoldaý tanytty. Halqymyz óziniń aýyzbirshiligin kór­setip jatyr. Osynaý ıgi qa­dam­dar sátti jemisin berip, hal­qy­myzdyń jaǵdaıy jaqsaryp jatsa, odan asqan qýanysh joq. Eldiń jaǵdaıyn oılap, naqty qadamdarǵa bel sheshe kirisken Pre­zıdent myrzaǵa kóp bala­ly analardyń biri retinde alǵysym­dy aıtamyn.

Jazıra QALDYBAEVA,

kóp balaly ana

 ALMATY   


  Rahmet Sizge, Prezıdent!

Ýádede turý – azamattyń paryzy. Prezıdenttik naýqan kezinde Qasym-Jomart Toqaev ózekti áleýmettik máse­leler­di sheshýge ýáde bergen edi. Mine, búgin halyqqa bergen sol ýáde oryndalyp otyr. Prezıdent­tiń «Qazaqstan Respýblıkasy azamattarynyń borysh júkte­mesin azaıtý týraly» Jarlyǵy kóptegen otbasylar úshin aqjol­taı jańalyq boldy. Solardyń qatarynda men de barmyn.

Úı salý ońaı emes. Ásirese turaqty qyzmeti joq, kóterme jumystarmen ǵana jan baǵatyn otbasylar úshin shaǵyn bolsa da úı salyp alýdyń ózi qıyn. Bes balanyń anasymyn. Uzaq jyldar boıy páter jaldap kel­­dik. Balalar ósken saıyn páter de tarlyq etedi. Sondyqtan basybaıly bas­panamyz bolsyn dep bar tapqanymyzdy únemdep, qu­rylys bastadyq. 2016 jyly nesıe alyp, úıimizdiń irgetasyn qaladyq. О́tken jyly taǵy da nesıe alýǵa májbúr boldym. Joldasym jeke adamdardyń tapsyrysy bolǵan kezde ǵana qury­lys jumystaryn isteıdi. Basqa ýaqytta bos. О́zim ba­la tárbıesimen úıde otyrmyn. Aı saıyn nesıe tóleıtin ýaqyt ke­lip qalǵanda qınalatynymyz ras. Memleket basshysynyń aýyr­ turmystyq jaǵdaıda qal­ǵan otbasylardyń nesıesin ke­shirý týraly Jarlyǵy úmit otyn tutatty. Erteńge degen se­­ni­mi­mizdi ońdady. Qazaq halqy qandaı zamanda da jaqsylyq pen qam­qorlyq jasaýdyń básin bıik qoı­ǵan. Jańa ǵasyrda da osy úr­distiń úzilmegenine kýá bolyp, ana­l­yq jú­re­gimmen shyn qýanyp otyr­myn.

Rahmet Sizge, Prezıdent! El­­­diń molshylyqta, baqytty, baqýat­ty ǵumyr keshýi jolyndaǵy barlyq bastamalaryńyzǵa rıza­shy­lyǵymdy bildirip, tabys tileı­min!

Aıgúl TО́LEShOVA,

kóp balaly ana

     ATYRAÝ

Tóbemiz kókke jetkendeı qýandyq

Prezıdent Qasym-Jomart Toqaev­tyń kóp balaly, jaǵdaıy tómen otbasy­lardyń qaryzyn azaıtý jóninde arnaıy Jarlyq shyǵarǵanyn estip, tóbemiz kókke jetkendeı qýanyp otyrǵan jaıy­myz bar. О́zim qaladaǵy Sogra yqsham aýdanyndaǵy saıajaıda 10 jyldaı turyp, jaqynda ǵana oblys ákiminiń qolynan eki bólmeli qyzmettik páterdiń kiltin alǵan bolatynmyn. Baspana kezegine 2012 jyly turǵanbyz. 10 jyl boıy aýmaǵy 12 sharshy metr bir bólmeli páterdi pana qyldyq. Balalarymyzdyń aldy – 17-de, eń kenjesi – 3-te. Joldasym 100 myń teńge alady, qolǵa 84 myńy tıedi, meniki – 45 myń teńge. Balalarǵa tıesili ataýly áleýmettik kómek jaqynda qolymyzǵa tıdi.

Búginde nesıesi joq qazaq­­­­standyq saýsaqpen sanarlyq shyǵar. Nesıeni qaıbir jetisken­nen alady?! Jaǵdaıy kelmegen­nen soń, aılyǵy shaılyǵyna jetpegennen keıin alady. Kóp balaly otbasylardyń arasynda da nesıe alyp, ýaqtyly jaba almaı, basyn taýǵa da, tasqa da soǵyp, qınalyp júrgender az emes. Sondyqtan Memleket basshysynyń bul Jarlyǵy kóptegen otbasylarǵa járdemin tıgizip, olardy qýanyshqa bóleıtini anyq.

Gúlzat ÁBDIRAHMANOVA,

«Altyn alqa» ıegeri

     О́SKEMEN


Súıinshi habarǵa sene almaı otyrmyn

Memleketimizdiń basshysy Qasym-Jomart Toqaevtyń kóp balaly otbasy­lar­­­dyń qaryzyn azaıtý jónindegi Jar­lyqqa qol qoıǵanyn estigende, tó­bem kókke eki eli jetpegendeı áserde qal­dym. Dál menikindeı kúıdi nesıeniń qary­zyna belsheden batqan talaı ana bastan keship otyr dep nyq aıta alamyn. Bul degenińiz – halyqqa, kóp balaly otbasylaryna jasalǵan úlken jaqsylyq!

Osydan eki jyl buryn qyzdarymdy oqytý úshin bankterdiń birinen nesıe alǵan edim. Qolymyzdaǵy azyn-aýlaq maldyń arqasynda sol nesıeni zorǵa degende jaýyp júrgen jaıymyz bar edi. Endi myna súıinshi habardy estip, sener-senbesimdi bilmeı otyrǵanymdy qarasańyzshy!

Árıne, bul Jarlyqtyń jaı-jap­sarymen áli tolyq tanysa qoıǵan joq­pyn. Degenmen, bizdeı kóp balaly otba­sy­larǵa áıteýir bir sharapaty tıeti­nine kámil senimdimin.

Úkimetimizdiń sońǵy kezderi kóp balaly jáne az qamtylǵan otbasylaryna jasap jatqan qamqorlyǵyna rıza bolyp júrgen bizdi myna qýanyshty habar tipti arqalandyryp jiberdi. Halyqtyń qamyn oılap, qıyn jaǵdaıda júrgen qarapaıym jandarǵa kómek qolyn sozyp, qamqorlyq tanytqan Prezıdentimizge alǵysym zor!

Saltanat SAǴATBEKQYZY,

kóp balaly ana

     Qaraǵandy oblysy,

    Aqshaǵyl aýyly



Banner
Sońǵy jańalyqtar

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar