Qoǵam • 27 Maýsym, 2019

«Hat qorjyn» (27.06.2019)

4614 retkórsetildi

...áserimen bólisedi

Qarymdy qalamgerge qurmet kórsetildi

Amangeldi aýdandyq ortalyq balalar kitaphanasynyń uıymdasty­rýymen Sáken Júnisovtiń 80 jyldyǵyna oraı «Sáken Júnisov – jan-jaqty parasatty, ónerdiń árbir salasynan ózin tanytqan tulǵa» atty kitap kórmesi tanystyrylyp, oqyrmandarǵa sholý jasaldy.

S.Júnisovtiń qalamynan týǵan tańdaýly shyǵarmalary – qazaq ádebıe­tiniń altyn qorynan berik oryn alǵan qundy dúnıeler.

Ol óz zamandastarynyń arasynda aýqymdy shyǵarmashylyq qarymy­men de, birtýar azamattyq bolmysymen de erekshelenetin. Týǵan halqy talantty perzentin san qyrly óneri úshin Sáken seri atap, aıalap erkeletti.

Aıaýly azamat, úlken qalamger Sáken Júnisovtiń jarqyn beınesi árdaıym el júreginde saqtalady. Onyń ozyq týyndylary halqynyń rý­hanı qazynasyna aınalyp, bolashaq urpaqtarmen birge jasaı beredi.

Sholý barysynda kitaphanashylar oqyrmandardy jazýshynyń ataqty «Aqan seri» romanynyń 1-2 tomdyǵy, «Japandaǵy jalǵyz úı» romany, «Amanaı men Zamanaı» povesteri men «Ajar men ajal», «Tut­qyndar», «Qyzym, saǵan aıtam...», «Jaraly gúlder», «Qos anar», «Ár úıdiń erkesi», t.b. pesalary jınaqtalǵan eki tomdyq kitaptary­men tanystyryp, «Qylmyskerler» dramasynyń mazmunyna toqtaldy.

Zarına AMANTAIQYZY,

aýdandyq ortalyq balalar kitaphanasynyń meńgerýshisi

Qostanaı oblysy,

Amangeldi aýdany

 

...rızashylyq bildiredi

Keleli is tııanaqtaldy

Keńestik kezeńde kórshiles aýdandardyń sosıalıstik jarysqa túsýleri dástúr bolyp qalyptasqan edi. Osyǵan oraı ótken ǵasyrdyń jetpisinshi jyldarynyń bastapqy kezeńinde bizdiń Qyzylqoǵa aýdanynyń delegasııasy Inder aýdanyna baryp tájirıbe almasty. Sol jolǵy aralap, saralap kórýdiń nátıjesinde «Saparda týǵan syr» atty joljazba ocherk jazyp, «Inder» basylymynyń eki nómirine, ıaǵnı 1972 jylǵy maýsymnyń 29-y jáne shildeniń 1-i kúndergi sandarynda bólip jarııaladym. Men bir nómirin aldym da, al ekinshisin osy kezge deıin qolyma túsire almaǵan edim. О́zimde tupnusqasy saqtalmaǵandyqtan, «Dender» gazetiniń redaksııasynan qansha suratsam da taýyp bere almady.

О́tken jyldyń aıaq jaǵynda «Atyraý-Aqparat» JShS-nyń baspasóz klýbynda ádettegideı emes, erekshe shara ótkizildi. Ol Almatydaǵy Ulttyq kitaphananyń saqtaý qorynan «Dender» gazetiniń 1937 jyldan bergi barlyq sanyn suranys berý arqyly tolyq taýyp, elektrondy nus­qalaryn jasatyp, keıin qaǵazǵa túsirip, tigindi jasatyp, kópshilik kóz­aıymyna aınaldyrý sáti edi. Gazettiń osylaısha tarıhy túgelge derlik tııa­­naqtalyp jınaqtalýy ınderlik redaksııa atqarǵan asa keleli is boldy.

Sol qordan ákelingen gazettiń ishinen meniń joǵym da tabylyp, redaksııanyń ıgi isiniń arqasynda óz muraǵatymnyń joǵalǵan bir bólshegin taptym. Al «Dender» gazetiniń ujymy tabandy­lyqtarynyń, izdenisteriniń, óz basylymynyń tarıhyn túgendeýge zor jaýapkershilikpen qaraýlarynyń nátıjesinde gazettiń 82 jyldyq tarıhyn túgel qolǵa túsirip, asa mańyzdy, qajetti isti oraıly tyndyrǵandaryna óz basym erekshe tánti boldym.

Tólegen JAŃABAIULY,

Qazaqstannyń Qurmetti jýrnalısi

Atyraý oblysy

 

...oı qozǵaıdy

Keı eneler kimge úlgi bolmaq?

Bir kúni dúkenge jasy 50-diń shamasyndaǵy áıel kelip, kelinin jamandaı bastady. «Kúnde úıdi jınaı beredi, jınaı berme dep urysqan edim, qoıdaı jýas bolyp júretin kelinim maǵan sóz qaıtardy», deıdi. «Ápke, sizdiki múldem qyzyq eken. Keı eneler kelinderine úı jınamaısyń dep renjıdi ǵoı. Kelinim basynda jýas edi deısiz, basynda jýas eken dep basynyp, tóbesine minip alasyzdar. Sodan soń ártúrli sóz aıtyp, tirligine aıyp taǵasyzdar. Shydamnyń da shegi bar ǵoı, qashanǵa deıin sizderdiń aıtqandaryńyzdan shyqpaı júre bermek? Onyń da jurtpen aralasqysy keledi emes pe? Bardy barynda baǵalaı bilý kerek qoı. Sizge tárbıesi nashar, dóreki kelin jolyqqanda qaıter edińiz?», degen edim, uıalyp dúkennen únsiz shyǵyp ketti.

Aıtaıyn degenim, «qazirgi kelinder ondaı», «qazirgi kelinder mundaı» dep jamandaı bermeı, eneler birinshi ózderi úlgi bolarlyqtaı tirlik istese eken deımin. Shalbar kıip, shashyn qyzylǵa boıaǵan enelerden qandaı tárbıe bolmaq? Odan qalsa balaǵattap sóıleıdi, sharap ishetinderi bar. Burynǵy enelerimizde ónege-úlgi kóp bolǵan ǵoı. Basyndaǵy oramaldaryn eshqashan sheshpegen. Er kisige qarsy sóıleý bylaı tursyn, aldyn kesip ótpegen. Búginde kelinin qyzyndaı kórip júrgender bar bolǵanmen, saýsaqpen sanarlyq ǵana qaldy. Bulaı kete bersek bolashaq urpaǵymyzdyń kúni ne bolmaq?

R.О́MIRJANQYZY

Jambyl oblysy

 

...úlgi tutady

Naǵyz jigitter top jardy

Mańǵystaý aýdandyq jastar ortalyǵy jáne aýdandyq bilim bóliminiń qoldaýymen «Naǵyz jigit-2019» baıqaýy ótti. Baıqaýdyń basty maqsaty – qatysýshy jigitterdiń qarym-qabiletterin saralap, júzden júırik shyqqanǵa «Naǵyz jigit» ataǵyn berý. «Men qazaqtyń balasy» bóliminde qatysýshylar ózderin tanystyrsa, «О́nerli jigit – el yrysy» bóliminde jınalǵan qaýymǵa ónerlerin kórsetti. «Aqyldy er – eldiń qamyn jer» bóliminde jastardyń zııatkerlik suraqtar arqyly bilimi tekserildi. Al sońǵy «Ata saltym – uranym» bóliminde salt-dástúrge arnalǵan suraqtar qoıylyp, ulttyq qundylyqtar baǵalandy. О́ner bóliminde biri qara sóz oqyp, endi biri án aıtyp, bıin bıledi.

Ár bólimge qoıylǵan talap ta joǵary deńgeıde boldy. Úmitkerlerge ózderin ár qyrynan kórsete bilýi úshin 3 mınýt qana berilgen. Tórt bólimde de synnan súrinbeı ótken myqty naǵyz jigit anyqtaldy. Ol Shaıyr aýylynyń týmasy «Naǵyz jigit» baıqaýynyń birinshi oryn ıegeri Nurǵısa Qaldybekuly atandy. Al júldeli ekinshi oryndy Jarmysh aýylynyń týmasy Jaqsylyq Aqberdıev, úshinshi oryndy Mańǵystaý tehnıkalyq kolledjiniń 1 kýrs stýdenti Aıan Meırambekuly ıelendi. Qalǵan qatysýshylarǵa uıymdastyrýshylar atynan baǵaly syılyqtar tabys etildi.

Allabergen QONARBAEV

Mańǵystaý oblysy

 

Sońǵy jańalyqtar

Qazaqstanǵa sheteldik bankter keledi

Ekonomıka • Búgin, 10:23

Qostanaı fılarmonııasyna 75 jyl toldy

Rýhanııat • Búgin, 09:34

Jańa úlgidegi kólikter

Qoǵam • Búgin, 09:08

Balýandar Tarazda bas qosady

Kúres • Búgin, 08:31

Grand Slam jarysynda beldesedi

Sport • Búgin, 08:30

Meksıkalyqtyń qarsylasy atanýy múmkin

Kásipqoı boks • Búgin, 08:29

Oqyrmanmen oı bólisti

Rýhanııat • Búgin, 08:17

Ortsaılaýkomdaǵy semınar-trenıng

Qoǵam • Búgin, 08:11

Qazaq baspasóziniń piri atandyń

Qoǵam • Búgin, 07:54

Qııanatqa qarsy turǵan gazet

Rýhanııat • Búgin, 07:49

Jemqorlyq jerge qaratady

Qoǵam • Búgin, 07:48

«Bir synaǵan jamandy...»

Aımaqtar • Búgin, 07:46

Erli-zaıyptylardyń erligi

Aımaqtar • Búgin, 07:43

Dostyq úıindegi bıznes-forým

Qoǵam • Búgin, 07:39

El ıgiligin eselegen jan

Rýhanııat • Búgin, 07:32

Memleket bankterge qolushyn soza ma?

Qoǵam • Búgin, 07:25

Eń qymbat ulttyq brendter

Álem • Búgin, 07:23

Teńgeniń tegeýrini

Qarjy • Búgin, 07:21

Senim kapıtaly

Ekonomıka • Búgin, 07:18

Qoǵamǵa otbasy ınstıtýty qajet

Qoǵam • Búgin, 07:15

191 myń adam júıege qashan engiziledi?

Medısına • Búgin, 07:07

Qor aldynda úlken mindetter tur

Qazaqstan • Búgin, 07:04

Uqsas jańalyqtar