27 Maýsym, 2019

ShQO-da 230 kópbalaly otbasy bir aıdyń ishinde baspanaly bolady

350 ret kórsetildi

Shyǵys Qazaqstannyń aýyldyq eldi-mekenderinde turatyn 230 kópbalaly otbasy bir aıdyń ishinde baspanaly bolady.


Shyǵys Qazaqstannyń aýyldyq eldi-mekenderinde turatyn 230 kópbalaly otbasy bir aıdyń ishinde baspanaly bolady. Bul týraly kópbalaly jáne az qamtylǵan otbasylardy úımen qamtamasyz etý jónindegi oblystyq qoǵamdyq komıssııa otyrysynda aıtyldy.

«Búgingi kúni memlekettik turǵyn-úı qorynan úı alý kezeginde aýdan ortalyqtary men aýyldyq jerlerde turatyn 566 otbasy tirkelgen. Olardyń baspanamen qamtý birneshe kezeńge bólingen. Birinshi kezeńde bıýdjetten tys qarjy esebinen 88 aýyldyq okrýg pen 4 aýdan ortalyǵynda (Borodýlıxa, Katonqaraǵaı, Kókpekti jáne Tarbaǵataı) 230 otbasyna baspana alynady. Olardyń jalpy quny - 558,5 mln.teńge. Aımaq basshysynyń tapsyrmasy boıynsha aýdandarda quramyna qoǵamdyq uıymdar ókilderi men kópbalaly analar kirgen jumys toptary kirip, satyp alýǵa jatatyn úıler men páterlerdiń jaı-kúıin anyqtady. Búgingi jıynda barlyq toptar ókilderi atqarǵan jumystary týraly baıandama jasady. Qazir aýyldyq okrýgter men birneshe aýdan ortalyǵyn qamtyǵan birinshi kezeń aıaqtalýǵa jaqyn. Qujat rásimine ketetin on kúnnen keıin 230 otbasy óz baspanalaryna ıe bolady. Kelesi kezeń qalǵan 309 januıany turǵyn úımen qamtý. Bul mindet «Baqytty otbasy» ıpotekalyq nesıeleýdiń memlekettik baǵdarlamasy aıasynda júzege asady. Jumys shilde aıynda bastaý alyp, Turǵyn-úı qurylys jınaq banki arqyly júrmek» deıdi oblys ákiminiń orynbasary Ásem Núsipova.

«Baqytty otbasy» baǵdarlamasynyń ózgesheligi mynada:

- nesıe somasy – 10 mln. teńgege deıin, 

- merzimi – 20 jylǵa deıin, 

- stavkasy – 2%,

- alǵashqy jarna – 10%.

Turǵyn-úı qurylys jınaq bankiniń nesıeleý erejesi men «Nurly Jer» memlekettik baǵdarlamasyna sáıkes qatysýshylarǵa kelesi talaptar qoıylady:

- úmitker men otbasy músheleriniń menshik quqyǵynda úıiniń bolmaýy;
- ajyrasqan jaǵdaıda merziminiń 3 jyldan artýy;

- tólem qabiletiniń resmı qýattalýy;

- turǵyn-úı kezeginde turǵanyn jáne mártebesin ákimdiktiń rastaýy;

- sońǵy 6 aıdyń ortasha tabysy ár otbasy múshesine shaqqanda, aı saıyn, eń tómen eńbekaqy múlsherinen aspaý kerek (42,5 myń. teńge).
«Mysaly, otbasynda 6 adam bolsa, baǵdarlama qatysý úshin eń joǵary tabys 255 myń. teńgeni quraý kerek (6 adam h 42,5 myń. teńge=255 myń. teńge). Ataýly áleýmettik kómektiń jańa formatyna sáıkes, oblystaǵy bir kópbalaly otbasy, orta eseppen 81 myń teńgeden astam qarjy alady. Otbasynda keminde bir jumys jasaıtyn adamnyń bolýy baǵdarlamaǵa tómengi tólem qabileti boıynsha qatysýǵa múmkindik beredi.
Qazirgi tańda baǵdarlamaǵa qatysýshylardyń naqty sanyn anyqtaý úshin ákimdikter men Turǵyn-úı qurylys jınaq banki kópbalaly otbasy sanatynda kezekte turǵan 1 258 adamǵa tómengi krıterııler boıynsha saraptama júrgizýde:

- jasy, 

- resmı tabysynyń bar bolýy, 

- baspanasynyń bolmaýy, 

- nesıelik tarıhy. 

Baǵdarlama talaptaryna saı bolǵan jaǵdaıda olarǵa 1 mln. teńgelik alǵashqy tólem jarnasynyń turǵyn-úı sertıfıkaty men jeńildetilgen ıpotekalyq nesıe usynylady. Osylaısha ár otbasy 10 mln. teńgege deıin baspana alý múmkindigine ıe bolady. Turǵyn-úı sertıfıkattaryn oblystyq qoǵamdyq komıssııa beredi. Danıal Axmetov qalalar men aýdandar ákimderine eki aı ishinde ár otbasyna egjeı-tegjeıli saraptama júrgizip, qabiletterin anyqtaýdy tapsyrdy. Budan keıin qyrkúıek aıynda «Baqytty otbasy» memlekettik baǵdarlamasyna qatysýǵa qansha otbasynyń laıyqty, qanshasy qatysa almaıtyndyǵy jóninde belgili bolyp, basqa múmkindikter zerdelenedi. Tıisinshe komıssııa kópbalaly jáne az qamtylǵan otbasylardy qajetti baspanalarymen qamtýdyi ózge de joldaryn qaraıdy» deıdi oblys ákiminiń orynbasary.

О́SKEMEN

Sońǵy jańalyqtar

Muraǵattar muń shaǵady

Ádebıet • Keshe

Búgin – Eńbek kúni

Qazaqstan • Keshe

Petropavlda jedel járdem kóligi aýdarylyp qaldy

Aımaqtar • 26 Qyrkúıek, 2020

Aqtaýda geologtar alleıasy ashyldy

Aımaqtar • 26 Qyrkúıek, 2020

Oralda Juban Moldaǵalıevke eskertkish ashyldy

Rýhanııat • 26 Qyrkúıek, 2020

Almatyda 500 oryndyq jańa aýrýhana salyndy

Aımaqtar • 26 Qyrkúıek, 2020

Elimizde birqatar poıyz qozǵalysy ózgertildi

Qazaqstan • 26 Qyrkúıek, 2020

Shekten shyqqan ahýal joq

Aımaqtar • 26 Qyrkúıek, 2020

Demalys kúnderi aýa raıy qandaı bolady

Aýa raıy • 26 Qyrkúıek, 2020

Epızootıkalyq jaǵdaı turaqtanýda

Aımaqtar • 26 Qyrkúıek, 2020

Batys Qazaqstanda qos aqynnyń toıy ótip jatyr

Aımaqtar • 26 Qyrkúıek, 2020

О́tken táýlikte 170 adam jazylyp shyqty

Qazaqstan • 26 Qyrkúıek, 2020

Qazaqstanda taǵy 69 adam indet juqtyrdy

Koronavırýs • 26 Qyrkúıek, 2020

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Uqsas jańalyqtar