Urlap, ustaldy
Seısenbi, 19 naýryz 2013 1:18
Almaty qalasy áýejaıynyń Kóliktegi IID jelilik polısııa bólimine «Air Astana» AQ prezıdenti Pıter Foster kelip, «Air Astana» AQ áýe kemesinen jalpy quny 5 mıllıon 439 myń 507 teńge turatyn «IPad» markaly 28 planshet bar 2 arbany belgisiz bireýler urlap ketkendigin aıtyp, aryzdandy. Sodan atalǵan derek boıynsha QK 175-baby 4-bóliginiń «b» tarmaǵyna sáıkes qylmystyq is qozǵaldy. Almaty qalasy áýejaıynyń jelilik polısııa bóliminiń qyzmetkerleri aldyn ala jedel-izdestirý sharasy barysynda «Air Astana» kompanııasynyń 27 jáne 28 jastaǵy eki qyzmetkerin aýyr qylmys jasady degen kúdikpen qamaýǵa aldy. Buǵan zattaı aıǵaqtar bar, dep habarlady Kóliktegi IID baspasóz qyzmeti.
