Tym ystyq tynyshtyq

Juma, 29 naýryz 2013 0:47

Tynyshtyqtyń qadirin tynyshtyqta bilý kerek. Tynyshtyq ketken kezde onyń qadirin bil, bilme, kesh. Qazir el sheti sógilip, tártibi buzylyp jatqan memleketterde bereke joq. Sondyqtan da shekarashylar: «Tynyshtyq, júrekke tym ystyq», dep jıi aıtady. О́ıtkeni, izgilikti is sharalar  shekaradan bastaý alady. Osyǵan oraı keshe beıbitshilik pen berekeniń, turaqtylyq pen tatýlyqtyń negizine aınalǵan elordada Táýelsiz memleketter dostastyǵyna qatysýshy elderdiń Ortalyq Azııa aımaǵy shekara vedomstvolary basshylarynyń úshinshi aımaqtyq keńesi bolyp  ótti.

Juma, 29 naýryz 2013 0:47

Tynyshtyqtyń qadirin tynyshtyqta bilý kerek. Tynyshtyq ketken kezde onyń qadirin bil, bilme, kesh. Qazir el sheti sógilip, tártibi buzylyp jatqan memleketterde bereke joq. Sondyqtan da shekarashylar: «Tynyshtyq, júrekke tym ystyq», dep jıi aıtady. О́ıtkeni, izgilikti is sharalar  shekaradan bastaý alady. Osyǵan oraı keshe beıbitshilik pen berekeniń, turaqtylyq pen tatýlyqtyń negizine aınalǵan elordada Táýelsiz memleketter dostastyǵyna qatysýshy elderdiń Ortalyq Azııa aımaǵy shekara vedomstvolary basshylarynyń úshinshi aımaqtyq keńesi bolyp  ótti. Jınalǵandar áýeli ótken jyly jeltoqsan aıynda ushaq ishinde qaıǵyly qazaǵa ushyraǵan shekarashylarǵa qurmet bildirip, olardy bir mınót únsizdikpen eske aldy.

Keńes jumysyna Qazaq­stan, Qyrǵyzstan, Tájikstan, Túr­kimenstan jáne О́zbekstan res­­pýblıkalary men Reseı Fe­derasııasy shekara vedom­stvo­­la­rynyń basshylary jáne Shekara áskerleri qolbasshylary keńesiniń úılestirý qyzmetiniń qyzmetkerleri qatysty. Munda sondaı-aq, TMD  atqarý komıtetiniń, TMD qatysýshy-memleketterdiń antıterrorlyq ortalyǵynyń, Ujymdyq qaýipsizdik sharty uıymy hatshylyǵynyń jáne Aýǵanstan Islam Respýblıkasy ishki ister mınıstrliginiń ókilderi boldy.

Keńeske qatysýshylarǵa arnap Qazaqstan Respýblıkasy Ulttyq qaýipsizdik komıtetiniń tóraǵasy N.Ábiqaev sóz sóılep, Ortalyq Azııa aımaǵy shekara vedomstvosy basshylarynyń kezekti keńesiniń ashylýymen quttyqtap, olarǵa Ortalyq Azııa aımaǵy elderi shekarasynyń qaýipsizdigi jónindegi birlesken jumystaryna shynaıy tabys tiledi. Qazirgi ýaqytta ulttyq qaýipsizdikke tónetin qaterlerge jalǵyz-jarym qarsy turý múmkin emes. Bul oraıda TMD qatysýshy-memleketteri basshylarynyń alǵa qoıǵan mindetterin júzege asyra otyryp, shekara boıyna tónetin qaýipterge qarsy birlesken kóptegen sharalar uıymdastyrylýda. Bul qazirgi ýaqytta memleketter arasyndaǵy ózara yntymaqtastyqty, dostyq qarym-qatynasty nyǵaıtýǵa da áserin tıgizýde. Osy keńes jumysyna alǵash ret Aýǵanstan ókilderi de qatysyp otyrǵandyǵy belgili boldy. Qaı eldiń bolmasyn turaqtylyǵyna tónetin qater kúsh-jigerdi toptastyrý qajettigin bildiredi. Ásirese, terrorıstik, lańkestik kúshterdiń ál jınaı bastaýy alańdatpaı qoımaıdy. Mundaı terrorıstik toptardyń qyzmeti esirtki kontrabandasymen tikeleı baılanys­ta jatqany belgili. Sondyqtan da Aýǵanstannan aǵylǵan kon­trabandalyq esirtki zattaryna barynsha tosqaýyl qoıý múmkin bolmaı otyr. Demek, mundaı jaǵdaıda aımaqtyq qaýipsizdik úshin qaterge qarsy naqty strategııalyq sharalar qabyldanýy qajet.

Keńeste sondaı-aq, Shekara áskerleri qolbasshylarynyń keńesi uıymdastyrý qyzmetiniń tóraǵasy mindetin atqarýshy general-leıtenant V.Neıshenkonyń «TMD qatysýshy-memleketteri shekaralyq vedomstvo basshy­larynyń ekinshi aımaqtyq keńesi qaýlysynyń oryndalý barysy týraly» habary tyndaldy. Atalǵan keńes jumysy barysynda Táýelsiz memleketter dos­tastyǵyna qatysýshy elderdiń Ortalyq Azııa aımaǵynyń syrtqy shekarasyndaǵy jaǵdaı qaralyp, shekara qaýipsizdigin saqtaý barysyna saı jańa qaýip-qaterlerge qarsy turýdyń birlesken sharalary talqylandy.

Munda negizgi máseleler re­tinde, birinshiden, TMD qaty­­sýshy-memleketteri  shekara basshylarynyń 2012 jyly 28 aqpandaǵy ótken ekinshi aımaqtyq keńesi qaýlysynyń oryndalý jaıy qaraldy. Ekinshiden, TMD qatysýshy memleketteriniń Ortalyq Azııa óńirleri syrtqy shekara aımaqtaryndaǵy jaǵdaı barysy saralanyp,  Ortalyq Azııa aımaǵyndaǵy shekara qa­ýip­­­­sizdigine tónetin qaýip pen jańa qaterlerge qarsy turýdyń birlesken sharalary pysyqtaldy. Sóıtip, Táýelsiz memleketter dostastyǵyna qatysýshy elderiniń shekara qyzmeti vedomstvolarynyń memlekettik shekarany nyǵaıtý máselesi jónindegi halyqaralyq jáne óńirlik uıymdardyń ózara is-qımyl tájirıbesi jóninde keńinen sóz boldy. Mundaı alǵashqy aımaqtyq keńes 2011 jyly naý­ryz aıynda Bishkek qalasynda ótken. Ekinshi aımaqtyq kezdesý 2012 jyly aqpan aıynda Dýshanbe qalasynda ótkizilgen bolatyn.

Jalpy, TMD qatysýshy-memleketterdiń Ortalyq Azııa aımaǵy shekara basshylarynyń óńirlik keńesi TMD qatysýshy-memleketteriniń 2011-2015 jyl­darǵa arnalǵan kelisilgen shekara saıasaty tujyrymdamasyn oryndaý sharalary josparyn jáne «Syrtqy shekarada qaýipti jaǵdaı týa qalǵan kezde ony retteý men kómek berý maqsatyndaǵy TMD qatysýshy-memleketteriniń shekara jáne basqa da vedomstvolarynyń ózara áreketin uıymdastyrý jó­nindegi erejeni bekitý týraly» qaýlyny júzege asyrý bolyp talbylady. Osyǵan oraı bul basqosýdyń maqsaty – TMD Ortalyq Azııa aımaǵyndaǵy syrtqy shekara jaǵdaıyn paıymdaý, jaǵdaıǵa saraptama jasaý jáne TMD qatysýshy-memleketteriniń shekara arqyly terrorısterdi, qarýdy, oq-dárini, esirtki zattaryn, zańsyz mıgranttardy, kontrabandalyq quraldardy ótkizbeý jáne aımaqtaǵy elderdiń shekara qaýipsizdigin qamtamasyz etýde birlesken kómek kórsetý, sóıtip, jańa qaýip pen qaterlerge qarsy kúrestiń birikken sharalaryn qabyldaý bolyp otyr.

Sóıtip, atalǵan keńes barysynda Táýelsiz memleketter dos­tas­tyǵyna qatysýshy elderdiń Ortalyq Azııa aımaǵynyń syrtqy shekarasyndaǵy jaǵdaı týraly syńdardy pikir almasý boldy jáne onyń damý qarqyny taldandy. Keńeske qatysýshylar aımaqtaǵy shekara qaýipsizdigine keletin qaýip-qaterlerge qarsy turý jónindegi birlesken sharalar keshenin jasaý týraly usynys bildirdi, sondaı-aq Ortalyq Azııa baǵytynda shekara qaýipsizdigine tónetin jańa qaýip-qaterlerge qarsy turýdyń tıimdiligin arttyrý úshin shekara áskerleri qolbasshylary keńesiniń aıasynda halyqaralyq jáne aımaqtyq uıymdardyń ”BUU, ShYU, UQKU jáne basqalary” jumysshy qurylymdarymen yntymaqtastyqty belsendi jandandyrý qajettiligin qoldady.

Keńes barysynda shekara vedomstvolarynyń basshylarymen shaqyrylǵan tulǵalar shekara áskerleri qolbasshylary keńesiniń 2012 jyly iske qosylǵan jedel aqparat almasýdyń av­tomattandyrylǵan júıesiniń múmkindikterimen tanysty. Al keńestiń qorytyndysy boıyn­sha hattamaǵa qol qoıyldy, onda kórsetilgen usynystardy Shekara áskerleri qolbasshylary keńesiniń Ýkraına elinde ótetin 69-shy májilisinde qaraý josparlandy.   Táýelsiz memleketter dostastyǵyna qatysýshy elderdiń Ortalyq Azııa aımaǵy shekara vedomstvolary basshylarynyń úshinshi aımaqtyq keńesine  Qazaqstan Respýblıkasy UQK tór­aǵasynyń orynbasary – shekara  qyzmetiniń dırektory, general-leıtenant N.Jolamanov tóraǵalyq etti.

Aleksandr TASBOLATOV,

«Egemen Qazaqstan».