Bolashaqqa balta urǵan
Juma, 29 naýryz 2013 1:41
qurylys mekemeleri sport nysandarynan 68 mln. teńge aqshany qoldy etken
«Et táttiligin qoısa, men urlyǵymdy qoıar edim», degen eken baıaǵyda bir mysyq. Bizdiń Atyraýdyń keıbir qurylys mekemelerin basqarýshylar da qazir tap sol mysyqtyń keıpin keship júr. Jerde jatqannan jonyp jep úırengen olarǵa qandaı qurylystyń qazynasyna qol suqsa da báribir, tek teńge tilep, búlkildegen jemsaýlaryn toltyrsa boldy. Solardyń birqatary aımaqtyń burynǵy basshysynyń tusynda sport nysandary qurylysyn salýdyń ózinen ǵana 68 mln. 323 myń 225 teńge qarjyny qoldy etipti.
Juma, 29 naýryz 2013 1:41
qurylys mekemeleri sport nysandarynan 68 mln. teńge aqshany qoldy etken
«Et táttiligin qoısa, men urlyǵymdy qoıar edim», degen eken baıaǵyda bir mysyq. Bizdiń Atyraýdyń keıbir qurylys mekemelerin basqarýshylar da qazir tap sol mysyqtyń keıpin keship júr. Jerde jatqannan jonyp jep úırengen olarǵa qandaı qurylystyń qazynasyna qol suqsa da báribir, tek teńge tilep, búlkildegen jemsaýlaryn toltyrsa boldy. Solardyń birqatary aımaqtyń burynǵy basshysynyń tusynda sport nysandary qurylysyn salýdyń ózinen ǵana 68 mln. 323 myń 225 teńge qarjyny qoldy etipti. Sonda olardyń bul mekender óz balalary men nemereleriniń kemel keleshegi úshin salynyp jatqanyna da pysqyryp qaramaǵandary ǵoı.
Biraq qashanda «myń asqanǵa – bir tosqan» bar. Aqyry olardy da oblystyq prokýratýra qyzmetkerleri tunyq sýdyń aıdynyna tartyp shyǵaryp, kón jamylǵan betterin jalpaq jurtqa kórsetip berdi. Negizinde adamdyq pen ardy aıaqqa basqan bul áreketter oblystyq qurylys basqarmasy tarapynan udaıy qoldaý taýyp otyrǵan. Sonyń nátıjesinde jumystardy tolyq oryndamaý nemese sapasyz atqarý faktileri jıi oryn alǵan. Al basqarmanyń 2008-2012 jyldar aralyǵyndaǵy jumystaryna tekserý júrgizgen prokýratýra qyzmetkerleri kóptegen quqyq buzýshylyqtardyń ústinen túsken.
Bul jyldary «Memlekettik satyp alý týraly», «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» zańdardyń aıaqasty etilgen tustary shash etekten. Sonyń biri – jobalyq-smetalyq qujattarynyń bolmaǵanyna qaramastan, qurylys jumystary júrgizile bergen. Merdigerler tarapynan alǵashqy bólingen qarjynyń jetkiliksizdigi týraly usynystar engizilmese de, barlyq qurylys nysandarynyń smetalyq quny únemi sebepsiz ulǵaıtylyp otyrǵan. Jáne bir qyzyǵy, sonyń bárinde belgili bir qurylys mekemeleri konkýrstyń jeńimpazy bolyp tanylyp otyrǵan.
Al merdiger atanǵan mekeme qurylystyń kólemin sapasyz oryndaǵanyna nemese múldem oryndamaǵanyna qaramastan, bıýdjet qarjysyn eshbir kedergisiz alyp turypty. «Uıalmaǵan buıyrmaǵannan alady», degen osy. Alaıda, alǵan nárseni eselep qaıtaratyn da kez týady eken.
Joldasbek ShО́PEǴUL,
«Egemen Qazaqstan».
ATYRAÝ.
