Nursultan Nazarbaev partııanyń aldyna qoıylǵan mindetterdi júzege asyrý úshin Baýyrjan Baıbektiń tájirıbesi jetkilikti ekenin atap ótti.
– Baýyrjan Baıbek «Bolashaq» baǵdarlamasynyń túlegi, dıplomatııalyq qyzmette jáne Prezıdent Ákimshiliginde jumys istedi. Ol buǵan deıin partııa Tóraǵasynyń birinshi orynbasary qyzmetin atqarǵan bolatyn. Baýyrjan Baıbektiń Almaty qalasynyń ákimi laýazymyndaǵy jumysyna oń baǵa berýge bolady, – dedi Qazaqstannyń Tuńǵysh Prezıdenti.
Elbasy Nursultan Nazarbaev Baýyrjan Baıbektiń partııany jáne búkil memleketimizdi damytý baǵdarlamalaryn júzege asyrýǵa zor úles qosatynyna senim bildirdi.
«Nur Otan» partııasynyń Tóraǵasy Nursultan Nazarbaev Máýlen Áshimbaevqa atqarǵan jumysy úshin alǵys aıtyp, aldaǵy qyzmetine tabys tiledi.
– Máýlen Áshimbaev partııa basshylyǵynda bolǵan kezeńde eki sezd ótkizip, Prezıdent saılaýyna qatystyq. Osynyń bári partııamyz úshin zor synaq boldy. Ol tabysty jumys istedi dep oılaımyn. «Nur Otan» – elimizdiń basty saıası kúshi. Aldymyzda partııanyń qoǵamdaǵy bedelin odan ári arttyrý mindeti tur, – dedi Elbasy.
Sońynda Qazaqstannyń Tuńǵysh Prezıdenti «Nur Otan» partııasynyń qyzmeti búkil elimizdi damytýǵa baǵyttalýǵa tıis ekendigin atap ótti.
