Aımaqtar • 29 Maýsym, 2019

«Atyraý radiosy»-nyń jańa radıostýdııasy ashyldy

1813 ret kórsetildi

Baılanys jáne aqparat qyzmetkerleri kúnine oraı Atyraýda «Qazaqstan» respýblıkalyq teleradıokorporasııasy» AQ Atyraý oblystyq fılıalyna qarasty «Atyraý radiosy»-nyń jańa radıostýdııasy ashylyp, jańa radıotaratqyshy iske qosyldy.

Radıonyń latyn álipbıindegi jańa logotıpiniń tanystyrylymy ótip, jańa formattaǵy «Efirde 102.0 FM» teleradıohabary efırge jol tartty. Teleradıohabardyń alǵashqy sany Túrkistan oblysy Arys qalasyndaǵy joıqyn jarylystan zardap shekken aǵaıynǵa atyraýlyqtardyń kómegi týrasynda boldy. Teleradıohabar formatynyń ereksheligi, Atyraýda tuńǵysh ret radıoefır teleefırge qosylyp otyr. Osylaısha qalyń kópshilik teleradıobaǵdarlamany áýe tolqynynan tyńdap, ári teleekrannan da tamashalaýǵa múmkindik aldy.


Kásibı merekege oraılastyrylǵan is-shara aıasynda sondaı-aq, «Atyraý» teleradıosynyń jańa salynǵan japsarlas ǵımaraty men H.Dosmuhamedov atyndaǵy Atyraý memlekettik ýnıversıtetimen birlesken jobanyń  tusaýkeser rásimi ótti.

Is-sharaǵa Atyraý oblysy ákimi Nurlan Noǵaev bastaǵan jergilikti atqarýshy bılik ókilderi, oblystyq qoǵamdyq keńes tóraǵasy Murat Saqtaıuly, belgili sazger, jazýshy Ilııa Jaqanov, H.Dosmuhamedov at. AtMÝ jýrnalıstıka kafedrasynyń  meńgerýshisi, qaýymdastyrylǵan professor Mánshúk Tynyshqalıqyzy, «Shalqar» radıosynyń dırektory, aqyn Qalqaman Sarın, aqyn Baýyrjan Qalıolla, L.Gýmılev atyndaǵy Eýrazııa ulttyq ýnıversıtetiniń jýrnalıstıka jáne saıasattaný fakýltetiniń dosenti Ońaıgúl Turjan,   Qazaqstan jýrnalıster odaǵynyń Atyraý oblystyq fılıalynyń tóraıymy Alma Qalýsarıeva, zııaly qaýym ókilderi, jýrnalıstıka ardagerleri t.b. qatysty.


Saltanatty is-sharany quttyqtaý sózimen Atyraý oblysynyń ákimi Nurlan Noǵaev:

– «Atyraý» teleradıosy oblystaǵy 80 jyldan asa tarıhy bar irgeli qara shańyraq. 80 jyl buryn sol kezdegi  Gýrev halqyna  alǵashqy jańalyq taratqan bul medıa-mekeme  búginde zaman suranysyna saı jańa tehnologııamen jabdyqtalyp, tyń habarlarymen kórermen kózaıymyna aınalyp otyr. Eldegi saıası-ekonomıkalyq, tótenshe jaǵdaılar kezinde dereý ún qosyp,  halyqqa jedel aqparat  taratyp, qoǵamda oń pikir qalyptasýyna yqpal etip otyr. Búgin kelesi bir belesine shyǵyp, japsarjaı ashyp, radıonyń tynysyn keńeıtip otyr. Jańa formattaǵy teleradıohabardyń alǵashqy sanyn Arys qalasyndaǵy   tótenshe jaǵdaıǵa arnaýdyń ózi telearna ujymynyń ónegeli  bastamasy dep bilemin», - dep óńir basshysy júrekjardy lebizin bildirdi. 

Buǵan deıin Atyraýdaǵy jergilikti radıonyń taralý keńistiginde birqatar kedergi týyndaǵan edi. 250 kılovattyq eski radıotaratqyshtyń saldarynan radıotolqynnyń taraý aıasy 3 shaqyrym ǵana boldy. Endi keńeıtilgen dıapazondy 1000 kılovattyq jańa radıotaratqysh iske qosylyp, atyraýlyqtar áýe tolqynyn jańa sapada tyńdaıtyn bolady.


Radıotolqynnyń erkin taraýyna záýlim úıler kóp kederginiń biri edi.  Osy másele eskerilip, jańa radıotaratqysh qala syrtyndaǵy 180 metrlik telemunaraǵa ornatyldy. Bul da bolsyn radıotolqynnyń erkin taraýyna basty sep bolmaq. «Qazaqstan» respýblıkalyq teleradıokorporasııasy» AQ Atyraý oblystyq fılıalynyń dırektory Qanat Áýesbaı:

– «Bul «Atyraý» teleradıosynyń    baspasóz  jáne aqparat qyzmetkerleri kúnine arnap jarııalaǵan bes jańalyǵy. Sonyń eń bastysy radıomyzdyń tynysynyń  keńeıip,  jańa stýdııasynyń ashylýy. Tynysynyń keńeıgeni sol radıýsy keń jańa radıotaratqysh ornatqanymyzdyń arqasynda «qulaǵymyz ashylǵandaı». Bul kóp jyldar boıy  aıtyla aıtyl, aqjem, jazyla jaýyr bolǵan kúrmeýli másele edi.  Budan bylaı radıotolqynnyń taralý aımaǵy 60 shaqyrymǵa deıin keńeıip otyr. Bastysy, áýe tolqynynda 102.FM jıiligine qosylyp, únemi bizben birge bolýǵa shaqyramyz». 


Jańa formatta tusaýy kesilgen teleradıohabar «Efirde 102.0 FM» atalady. Teleradıohabardyń alǵashqy sany Túrkistan oblysynyń Arys qalasynda bolǵan tótenshe jaǵdaıǵa arnaldy.  «Efirde» sózi kógildir ekrandy meńzep tursa, «102.FM» radıo sıpatyn ańǵartyp tur. Televızııa men radıomen birlesken mundaı jobany júzege asyrýda medıa álemindegi zamanaýı tájirıbe eskerilip otyr. Televızııanyń túp otany amerıka desek, ol jerde radıoefırdi teleefırge qosyp ortaq habar jasaý qaı zamannan bar úrdis. Munyń basty tıimdiligi sol, radıo aýdıtorııasyn  keńeıtý», deıdi teleradıo habardyń júrgizýshisi, tanymal jas jýrnalıst Jandos Nurbolatuly.

Atyraý teleradıosyndaǵy taǵy bir súıinshiler jańalyq jańa japsarlas ǵımarattyń ashylýy. 1000 sharshy metr bolatyn 3 qabatty ǵımaratta ákimshilik-basqarý qyzmetkerleri, ınjenerler, taqyryptyq redaksııa, menshikti tilshiler men jańa telestýdııa ornalasady.  

Ǵımarattyń bir zaly Aıtqalı Qumarǵalıuly medıa aýdıtorııasy bop ashyldy. Aıtqalı Qumarǵalıuly «Atyraý» teleradıokompanııasyna uzaq jyl basshylyq etip, qazyǵyn qaǵyp, ýyǵyn kótergen, isker basshy, sheber uıymdastyrýshy, qarymdy qalamger. Aýdıtorııanyń tusaýkeserine  Aıtqalı Qumarǵalıuly ózi qatysyp,  áserimen bólisti:

– Bir jyldary qıyn kezder boldy. Telearnalardyń jumysy toqtap qaldy. Qyzmetkerlerge eńbekaqy taýyp berýdiń ózi úlken másele bolǵan kezde kóp radıo jabyldy. Fılıaldar arasynda osy «ATYRAY»  radıosyn  saqtap qaldyq.  Búgin mine, uzaq jyldan keıin  jańa tehnologııamen jabdyqtalyp ashylyp jatyr. Qýanyshym sheksiz. Sonymen qatar,  meni qurmettep aýdıtorııa ashyp jatqan telearna ujymyna alǵys aıtamyn. Bul oblysta tele jýrnalıster daıyndaýǵa úlken múmkindik beredi dep oılamyn. О́zim de shákirt tárbıeleýge belsene atsalysamyn.


Medıa aýdıtorııa H.Dosmuhamedov atyndaǵy Atyraý memlekettik ýnıversıtetimen birlesken joba aıasynda júzege asyp otyr. Ýnıversıtettiń  jýrnalıstıka kafedrasynyń  meńgerýshisi, qaýymdastyrylǵan  professor  Mánshúk Tynyshqalıqyzy:

– «Kásibı merekemizben tuspa tus kelip jatqan mańyzdy sharada bas qosyp turmyz. Telearna ishinen ashylyp jatqan medıa aýdıtorııa bolashaq tele jýrnalıster  daıyndaýǵa mańyzy zor.  Búginde  bilimdi ǵylymmen, tájirıbemen ushtastyrý talaby  qoıylyp otyr. Birlesken jobamyz elimizdegi dýaldy bilim berý júıesine qosqan úlesimiz bolmaq. Telearnanyń kásibı mamandarynan bilimderin jetildirip, kásibı ósýge qadam basady», - dep belgili ǵalym telearna ujymynyń jumysyna sáttilik tiledi.

Is-shara aıasynda «Qazaqstan» RTRK» AQ Atyraý oblystyq fılıalynyń 5 qyzmetkeri: «Atyraý radiosy» aǵa redaktory Slýhııa Qattarqyzy, redaktorlar Gúlnaz Kárimjan, Aınagúl Qonysqalıqyzy, Sholpan Abatqyzy,  Indıra Merekenqyzy jýrnalıstıka ardagerleri qolynan Qazaqstan jýrnalıster odaǵy syılyǵynyń ıegeri ataǵymen marapattaldy. Aıtýly marapat «Atyraý radiosy»-nyń 80 jyldyǵy men Qazaqstan jýrnalıster odaǵynyń 60 jyldyq mereıtoıy qurmetine oraı berildi.

«Qazaqstan» respýblıkalyq teleradıokorporasııasy» AQ Atyraý oblystyq fılıalyna qarasty «Atyraý radiosy»-nyń tarıhy 1938 jyly Gýrev oblysynyń qurylýynan bastaý alady. 1938 jyldyń 2-shi naýryzynda alǵash ret radıo habary efırge shyqty.  Qazir ol 102.0 FM jıiliginde táýligine 17 saǵat habar taratyp otyr.


Sońǵy jańalyqtar

Qazaqstanda dollar qaıta qymbattap jatyr

Ekonomıka • Búgin, 12:23

Báıterekte órt shyqty

Aımaqtar • Búgin, 12:00

Jaýapty kezeńge jan-jaqty daıyndyq

Aımaqtar • Búgin, 11:40

Qazaqstanda epıdemııalyq jaǵdaı turaqtaldy

Koronavırýs • Búgin, 09:41

Alekseı Soı áýe qatynasyn toqtatýdy surady

Koronavırýs • Búgin, 09:25

Búgin úsh óńirde úsik júredi

Aýa raıy • Búgin, 09:20

Qazaqstanda taǵy 75 adam koronavırýs juqtyrdy

Koronavırýs • Búgin, 09:11

Adaldyq pen senim bastaýy – ashyqtyq

Saıasat • Búgin, 08:23

Investısııa tartý boıynsha keńes ótti

Ekonomıka • Búgin, 08:22

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Sańyraýqulaqty qaldyqsyz óndirýde

Tehnologııa • Búgin, 07:02

Shaǵyn aýyldardyń úlken máselesi ­

Aımaqtar • Búgin, 07:00

Syrqatpen kúreste sergek

Medısına • Búgin, 07:00

Sońǵy salto

Qoǵam • Búgin, 06:55

Internasıonalmen qoshtasatyn kez keldi

Oqıǵa • Búgin, 06:49

Kópjaqtylyqqa oralý

Álem • Búgin, 06:46

Kovıdnomıka tujyrymy

Álem • Búgin, 06:44

Bilim bulaǵyn bitemes bolar

Rýhanııat • Búgin, 06:40

Uqsas jańalyqtar