Kókshege tamsanady kópshilik

«Bolashaqqa baǵdar: rýhanı jańǵyrý» memlekettik baǵdarlamasynyń «Týǵan jer – týǵan el» baǵytyn júzege asyrý aıasynda Aqmola oblysy Mádenıet, arhıvter men qujattamalar basqarmasynyń Kókshetaý qalasynyń tarıhy mýzeıi qyzmetkerlerimen birqatar tanymdyq jobalar júzege asyrylýda.

Kókshe ólkesi – tarıhı oqı­ǵalar men attary ańyzǵa aı­­nal­ǵan birtýar tulǵalar: el qorǵaǵan batyrlar, aqyn-jy­­raýlar, bı-sheshender dú­nıege kelgen kıeli meken. Qopa kóliniń ońtústik jaǵalaýy men Buqpa shoqysynyń eteginde, tabıǵat sulýlyǵy qaıtalanbas aımaqta ornalasqan Kókshetaý qalasynyń qurylǵanyna bıyl 195 jyl. Aqmola oblysynyń ákimshilik ortalyǵy bolyp tabylatyn qalamyzdyń me­reı­toıyna oraı mýzeı qyz­metkerlerimen arnaıy jos­parlanǵan túrli formattaǵy tanymdyq is-sharalar, atap aıtar bolsaq, kórikti qalamyz boıynsha avtobýstyq ekskýrsııalar, qalamyzdyń quryl­ǵanynan bastap búgingi kúnge deıingi damý jolynan maǵ­lumat beretin jyljymaly fotokórmeler, kezdesý­ler, dá­­­­rister, baıqaýlar, eks­po­zı­sııalyq zaldar boıyn­sha qy­zyqty ekskýrsııalar kóp­shilik kóńilinen shyǵýda.

Solardyń biri – Stepnogor qalasynyń tarıhı-ólketaný mý­zeıinde 20-25 maýsym ara­lyǵynda ótken «Týǵan ólkem – kórikti Kókshem» at­ty jyljymaly kórme. Kór­me ekspozısııa­sy arqyly Stepnogor qalasy turǵyndary men qala qonaqtary Kókshetaý qalasynyń qurylý tarıhy, ekonomıkasy, óndiristik kásiporyndary, densaýlyq saqtaý, mádenıet, bilim berý, sport salalarynyń damýy men el táýelsizdiginiń nyǵaıýy jyldary kóptegen ózgeristerge ushyraǵan búgingi tynys-tir­­shiligi týraly maǵlumat aldy. Kópshilik nazaryna usy­nylǵan dástúrli qolóner she­beri Smaǵul Kenjebaı, aǵash sheberi E.Makenov, teri men metall sheberi R.Sháripovtiń biregeı týyndylarymen qa­tar, Kókshetaý qalasynyń balalar kórkemsýret mektebi tú­lekteriniń zamanaýı qala­myzdyń kelbetine kórik berip turǵan Naýan Haziret atyndaǵy aqshańqaı meshit, Dostyq úıi ǵımaraty, jańa shirkeý, «Tá­ýelsizdik» alańy jáne taǵy bas­qa kórikti jerler beınelengen kartınalary kópshilik qaýymdy tamsandyryp, rýhanı lázzat syılady.

Kókshetaý qalasynyń qu­rylý jáne damý kezeńderine qyzyǵýshylyq tanytyp, tý­ǵan jerimizdiń shejireli tarı­hyna tereńirek boılaýǵa nıet­ti jerlesterimiz ben qala qonaqtary úshin mýzeıimizdiń esi­gi árdaıym aıqara ashyq.

Kúnsulý NURǴALIEVA,

Kókshetaý qalasynyń tarıhy mýzeıiniń ǵylymı qyzmetkeri