Álemdi aqparat bıleýi búgingi zamannyń sıpatyna aınaldy. Memlekettiń jan-jaqty damýyna, eldiń birligine buqaralyq aqparat quraldarynyń qosar úlesi qomaqty. Oblys óńirinde 117 elektrondyq jáne merzimdi baspasóz quraly jumys isteıdi. Solardyń arasynda 35-i qoǵamdyq-saıası sıpatqa ıe. «Qazaqtelekom», «Qazteleradıo» AQ oblystyq fılıaldary halyqqa tele jáne poshta baılanysyn, teleradıohabaryn taratý qyzmetin kórsetedi. Oblysta merzimdi baspasózdi basyp shyǵaratyn iri 4 baspahana bar. Oblystyq departamentter men basqarmalar basshylary janyndaǵy 16 resmı baspasóz qyzmeti jáne 23 jaýapty qyzmetker memlekettik organdar men BAQ-tyń ózara tyǵyz baılanysyn nyǵaıta túsedi. О́ńirdegi 57 resmı saıt jergilikti atqarýshy memlekettik bılik organdary qyzmetiniń ashyqtyǵyn qamtamasyz etý úshin olar men halyq arasyndaǵy ınteraktıvti baılanys quraly mindetin atqarady.
О́rkenıettiń, ınternet tehnologııalarynyń jyldam damýy memlekettik organdar men halyq arasyndaǵy aqparattardyń ashyqtyǵyn qamtamasyz etýdi talap etýmen qatar, demokratııalyq qoǵamdaǵy zamanaýı aqparat keńistigin keńeıte tústi. Sondyqtan Prezıdent Qasym-Jomart Toqaev turǵyndardyń áleýmettik tynysyn sezip, suranymyn der ýaqytynda bilip otyrý úshin áleýmettik jelide oblys ákimderiniń paraqshalaryn ashýdy, messendjerlerde toptaryn qurýdy tapsyrǵan bolatyn.
– Oblystaǵy aýdandar men qalalar ákimderi, tipti basqarmalar basshylaryna deıin Feısbýk, Instagram, V kontakte, Odnoklassnıkı, Tvıtter áleýmettik jelileriniń barlyǵynda 144 resmı akkaýnt ashty. Instagram jelisinde meniń paraqsham bar, onda qostanaılyqtarmen ashyq suhbattar júrgizemin. Maýsym aıynda 152 azamattyń suraǵyna jaýap berdim. Aldaǵy ýaqytta memlekettik organdar men qoǵamnyń mundaı formattaǵy qareketi keńeıe beretinine senimim mol, – dedi oblys ákimi Arhımed Muhambetov.
Oblys óńirindegi buqaralyq aqparat quraldary ýaqyt aǵymyna ilesip, sıfrly tehnologııany engizip keledi. Gazetter men telearnalardyń áleýmettik jelilerde paraqshalary, messendjerlerde toptary bar. Mysaly, «Alaý» telearnasynyń áleýmettik jelilerde 200 myń, «Kostanaıskıe novostı» gazetiniń 112 myń, «Nasha gazetanyń» 76 myń paıdalanýshysy bar.
Shilde aıynan bastap oblys sıfrly efır taratýǵa kóshti. Endi Qostanaı qalasynyń turǵyndary otandyq 26 telearnany, aýdandar men qalalar 11 telearnany erkin kóre alady. Ýaqyt talabynan týyndap otyrǵan osyndaı ıgilikti jumystar buqaralyq aqparat quraldarynyń ekonomıkany, áleýmettik salany damytý úshin júzege asyrylyp jatqan memlekettik baǵdarlamalar, mańyzdy reformalar barysy jáne eldegi oryn alǵan qoǵamdyq-saıası oqıǵalar týraly áleýmetti sapaly aqparatpen qamtamasyz etýine jaǵdaı jasaıdy. О́ńir basshysy bul oraıda jýrnalıster qaýymyna, gazet-telearnalar redaksııalaryna da artylar jaýapkershiliktiń mol ekendigin eske saldy. BAQ ýaqyt tynysyn tap basqanda ǵana halyqtyń suranysyn óteıdi. «Alaý» telearnasy latyn grafıkasyn úıretetin vıdeosabaqtar júrgize bastady. «Sana serpini», «Uly dala tulǵalary», «Uly dala murasy» habarlary jáne «Týǵan ólkege shaǵyn sapar» atty joba kórermen kózaıymyna aınaldy. О́ńirdegi Qostanaı aýdandyq «Arna», Qarabalyq aýdandyq «Aına», Jangeldın aýdandyq «Bizdiń Torǵaı», Amangeldi aýdandyq «Amangeldi araıy» gazetteri oqyrmandaryna jol tabý úshin jumysty jańasha uıymdastyrady, túrli tásilderdi paıdalanyp, izdenisterge barady. Jergilikti atqarýshy bılik pen jurtshylyqtyń arasyna altyn kópir bolyp otyr.
Forýmda memlekettik organdardyń qoǵammen keri baılanys ornatýda áleýmettik jelilerdiń, ınternettik tehnologııalardyń tıimdiligi, buqaralyq aqparat quraldarynyń básekege qabilettiligi, qazirgi jýrnalıstıkanyń trendteri týraly sóz boldy. Bul jóninde medıaforýmǵa arnaıy shaqyrylǵan Qazaqstan Respýblıkasynyń Tuńǵysh Prezıdenti Qorynyń baspasóz hatshysy, jýrnalıst Oksana Loskýtova, «Blackand White Goup» medıa agenttiginiń dırektory Rınat Balǵabaev aıtyp berdi. Jergilikti «Alaý» telearnasynyń dırektory Almat Súleımenov kópshiliktiń nazary ınternet resýrstarǵa aýǵanyn jetkizdi. Onyń zertteýinshe, bir aıdyń ishinde elimizdegi reıtıngi bar 176 saıttyń jańalyqtar bólimi arasynda qostanaılyq saıttar 17,19 jáne 22-oryn alǵan. Qostanaılyq saıttar respýblıkalyq Tengrınıýs, Zakon.kz, Informbıýro jáne basqalary sekildi «alpaýyttarǵa» ǵana jol bergen.
Al merzimdi baspasóz quraldarynyń «bas aýrýy» az emes, olardyń bolashaǵy bılikti de, jýrnalısterdi de, gazet basshylyǵyn da oılantqandaı. «Kostanaıskıe novostı» gazetiniń redaktory Oleg Gýrskıı aqparat keńistiginde gazetter óziniń saıty men áleýmettik jelilerge oryn bergendeı, jyldan-jylǵa tırajy azaıyp keletinin, ár oqyrman úshin kúresetinin, formatyn ózgertip, barynsha ýaqytqa ıkemdelgisi kelgenmen, jedeldiktiń jetkizbesine moıynsunǵandaı, kóbine taldaý, boljaý, saraptaý materıaldaryn yńǵaılaıtyny týraly aıtty. Gazet tigindisin qaı ýaqytta bolsyn kitaphanaǵa baryp, paraqtaý merzimdi baspasózdiń elektrondy buqaralyq aqparat quraldarynan artyqshylyǵy bolyp qaldy. Aqparat keńistigindegi múmkindikter týraly áriptesterdiń pikirleri sanalýan bolǵanymen de ınternettik tehnologııa órkenıet jemisi. Bul jóninde Jýrnalıster odaǵy oblystyq fılıalynyń tóraǵasy, jýrnalıstıka ardageri Sergeı Harchenkonyń pikirine júginýge týra keledi.
– Eń bastysy, bılik buqaralyq aqparat quraldaryn moıyndaıdy, óz jumysynda onymen sanasyp otyrady. Al bizdiń jumysymyzdyń basty baǵyttarynyń biri buqaralyq aqparat quraldaryn búgingi áleýmettik jelilerine, basqa da ınternet rezervterine qarsy qoımaý, qaıta ortaq maqsatta birin-biri qoldaý, birge áreket etý bolmaq. Ortaq maqsat – eldiń, ekonomıkanyń damýy, áleýmettik salanyń gúldenýi, ómirdiń tynyshtyǵy ekeni belgili, – dedi Sergeı Vasılevıch.
Bıylǵy merekeniń ereksheligi bar – kásibı merekeni Prezıdent belgilep berdi. Forým sońynda merekege oraı aqparat salasyndaǵy eńbek torylary marapattaldy.
QOSTANAI
