Eki ulymyz ýnıversıtet pen kolledjde, qyzymyz mektepte oqıdy. Kenjemiz balabaqshaǵa barady. О́zim júrgizýshi bolyp jumys isteımin. Áıelim bıyl júrek talmasy keseline ushyrap, jumystan qol úzýine, eki ret ota jasatýǵa týra keldi. Páter jaldap turyp jatqan jaıymyz bar. Kezekke turǵanymyzben, qashan jeterimiz belgisiz. Azyn-aýlaq tabys baspana tóleminen, bala-shaǵanyń tamaǵy men kıiminen artylmaıdy. Nur Otan partııasynyń oblystyq fılıaly ótinishime qulaq asyp, ýnıversıtette bilim alatyn balamnyń bir jyldyq oqý shyǵynyn ótep berýge kómektesip, úlken sharapatyn tıgizdi.
Tyǵyryqtan shyǵýdyń jolyn árkim ózinshe izdestirip, jaqsy ómir súrýge qaraı talpynady ǵoı. Bálkim otbasylyq jaǵdaıymyz túzelip keter, áleýmettik máselelerdi sheshýge oń yqpaly tıip qalar degen úmitpen nesıe alyp edik, shyny kerek, úlken qıyndyqqa tap boldyq. Bank aldyndaǵy qaryzdy ýaqytyly qaıtara almaı, ábden áýre-sarsańǵa tústik. Kúndiz kúlkiden, túnde uıqydan aıyrylyp, ne isterimizdi bilmeı júrgenimizde Prezıdent Qasym-Jomart Toqaevtyń kóp balaly otbasylardyń, áleýmettik jaǵdaıy tómen, az qamtylǵan jandardyń shaǵyn nesıelerine jeńildikter qarastyrý týraly Jarlyǵyn estip, bastapqyda sener-senbesimdi bilmeı, ári-sári kúı keshtim. Úlken ulym mán-jaıdy túsindirgennen keıin ǵana kóńilim baıyz taýyp, ornyna tústi. Men bul qadamdy turmysy aýyr otbasylar úshin memleket tarapynan jasalyp otyrǵan zor qamqorlyq dep túsinemin. Bárinen de densaýlyq jaǵdaıyna baılanysty múgedektik alýǵa qujattaryn ótkizip qoıǵan áıelimniń qýanyshyn aıtsańshy! Ol qazir ózin qulantaza jazylyp ketkendeı sezinip, júzine kúlki úıirile bastady. Dastarqan basyndaǵy áńgimemiz de jarasyp, endi nesıe almaq túgili atyn da atamaspyz dep qaljyńdasyp qoıamyz.
Elimiz boıynsha áleýmettik jaǵdaıy tómen 100 myń adamnyń nesıesin óteýge oraı shyǵarylǵan Prezıdent pármeni kóńilderge jylylyq sáýlesin shashyp, bankter aldyndaǵy bereshekteri aqysyz-pulsyz ótelerine qatty qýanyshty.
Quttybaı ÁBILEV,
kóp balaly áke
Soltústik Qazaqstan oblysy
