Forým jumysyna QMG men enshiles jáne táýeldi uıymdarynyń basshylary, birqatar qazaqstandyq jáne shetel kompanııalarynyń ókilderi qatysty. Kompanııanyń mindetteri men problemalyq máselelerin talqylaý úshin alǵash ret merdigerlik uıymdardyń ókilderi shaqyryldy.
Forýmnyń qatysýshylaryn quttyqtaǵan QMG basqarma tóraǵasy Alık Aıdarbaev barlyq qyzmetkerlerdiń oılaý mádenıetin ózgertip, olardy eńbek, ónerkásip qaýipsizdigi jáne qorshaǵan ortany qorǵaý máselelerine jumyldyrý kerektigine nazar aýdardy. Budan basqa, kompanııanyń seriktesteri men merdigerleriniń basty maqsaty nóldik kórsetkishterge jetý bolýy tıis. Osy jyly olardyń eńbek pen qorshaǵan ortany qorǵaý normalaryn saqtaýyna erekshe baqylaý ornatý josparlanyp otyr.
- Osy jyly biz merdigerlik uıymdarda eńbek pen qorshaǵan ortany qorǵaý boıynsha tıimdi jumysty qamtamasyz etýdiń baǵdarlamasyn iske qostyq. Sebebi olar óndiristik mindetterimizdi iske asyrý isinde mańyzdy ról atqarady. О́zara tyǵyz baılanys jaǵdaıdy barynsha jaqsartýǵa múmkindik beredi. «QazMunaıGaz» kompanııalary tobynyń jáne merdigerlik uıymdardyń barlyq qyzmetkerleri úılerine jumystan aman-esen oralýy úshin biz bar kúsh-jigerimizdi salyp, eńbek etetin bolamyz, dedi A. Aıdarbaev.
Qaýipsizdik jáne eńbekti qorǵaý kórsetkishteri boıynsha sońǵy 4 jyl ishinde kompanııada 2018 jyl eń úzdik bolǵanyn atap ótý qajet. Bul rette kompanııa basshylyǵy kelesi kezdesýde jaǵdaıdy jaqsartý máselesin emes, nóldik kórsetkishterge jetýge kedergi keltirgen sebepterdi talqylaýdy mindettedi.
Sondaı-aq jıynda kompanııa qyzmetiniń qorshaǵan ortaǵa teris áserin azaıtý jáne sý resýrstaryn basqarý, eńbek qaýipsizdigi men apattardyń aldyn alý, qaýipsizdik mádenıetin arttyrý máseleleri boıynsha mekemelerdiń birinshi basshylarynyń derbes jaýapkershiligin kúsheıtý sııaqty ózekti máseleler kóterildi.
О́ndiristik qyzmette, óndiristik jaraqat alý men qorshaǵan ortaǵa zalal keltirýde nóldik kórsetkishke jetý maqsatymen kompanııa Qazaqstanda alǵash ret qaýipsizdik máselelerine arnalǵan SPE Kaspıı sımpozıýmyn ótkizýge bastamashylyq jasady. Atalǵan shara osy jyldyń qyrkúıek aıynda KAZENERGY forýmy sheńberinde ótetin bolady.
Mańǵystaý oblysy
