«№2 qalalyq balalar aýrýhanasynda balalardyń emine qajetti barlyq jaǵdaı jasalǵan. Bilikti mamandardy shaqyrdyq, munda medısınalyq apparattar men dári-dármek te jetkilikti. Balalardyń jaǵdaıy meniń jeke baqylaýymda bolady», dedi mınıstr.
2005 jáne 2011 jyldary týǵan eki bala Nur-Sultandaǵy №2 qalalyq balalar aýrýhanasyndaǵy jansaqtaý bóliminde jatyr. Dárigerler eki naýqastyń da mıy men kókiregin KT-dan ótkizip, bireýine operasııa jasady. Densaýlyq saqtaý mınıstrliginiń habarlaýynsha, otadan shyqqan kishkentaı pasıenttiń jaǵdaıy óte aýyr. Al ekinshisiniń jaǵdaıy turaqty, aýyr hálde. Densaýlyq saqtaý mınıstri aýrýhana basshysyna naýqastardyń densaýlyǵyna qatysty qandaıda bir ózgeris bolsa dereý málimet berip otyrýdy tapsyrdy.
