Almatyda ótken M-1 CHALLENGE 100 týrnırynda jartylaı orta salmaq dárejesi boıynsha M-1 vakanttyq belbeýin jerlesimiz Shavqat Rahmonov jeńip alǵan bolatyn. Osy jolǵy saıysta keshtiń basty jekpek-jeginde Shavqat sol altyn belbeýin qorǵap, birinshi raýndta-aq brazılııalyq qarsylasy Tıago Varejaody tehnıkalyq nokaýtqa jiberdi.
Al, sol aıqastyń aldynda taǵy bir jerlesimiz Sergeı Morozov reseılik áıgili Shlemenko mektebiniń ókili Aleksandr Osetrovpen M-1-diń jeńilirek salmaq dárejesi boıynsha bos turǵan belbeýine talasty. Bes raýndqa josparlanǵan chempıondyq jekpe-jekte Morozovtyń tórtinshi raýndta reseılik qarsylasyn tehnıkalyq nokaýtqa jiberýimen aıaqtaldy. Sóıtip, Qazaqstan qorjynynda endi eki birdeı altyn belbeý boldy.
Jekpe-jek keshinde 6 qazaqstandyq sportshy reıdjke kóterilgen bolatyn. Sonyń beseýi jeńiske jetti. Arasynda jeńiske jetken TOBET TOP TEAM klýbynyń ókili Sábıt Júsipov jeńisinen keıin jekpe-jekke daıyndyǵy týraly aıtqan bolatyn: «Qarsylasym ıspanııalyq sportshy boldy. Taktıkalyq turǵyda kóp nárse oılastyrdym. О́ıtkeni, daıyndyqtyń sońǵy kúnderi arqamdy aýyrtyp alǵandyqtan tek tik turyp judyryqtasý kerek boldy. Osymen M-1-de eki jekpe-jek ótkizdim. Egerde taǵy da kelisimshart usynatyn bolsa ári qaraı jekpe-jek ótkizýge daıynmyn».
Aıta ketsek, M-1 CHALLANGE promoýterlik kompanııasynyń chempıony bir ret belbeýin qorǵaǵannan keıin UFC tujyrymyna jol tarta alady. Endi jaqyn arada jerlesimiz Shavqat Rahmonovty UFC tórinen kórip qalýymyz ábden múmkin.
Keshtiń barlyq aıqas nátıjelerin nazarlaryńyzǵa usynamyz:
Shavqat Rahmonov – Tıago Varejao.
Tehnıkalyq nokaýtpen Rahmonov jeńdi. 1 raýnd 4:50
Aleksandr Osetrov – Sergeı Morozov.
Tehnıkalyq nokaýtpen Morozov jeńdi. 4 raýnd 1:40
Neıt Landver – Vıktor Kolesnık.
Tóreshilerdiń biraýyzdy sheshimimen Landver jeńdi. 5 raýnd 5:00
Rýbkeılton Pereıra – Raýl Týtaraýlı.
Nokaýtpen Týtaraýlı jeńdi. 1 raýnd 1:37
Robert Laý – Dmıtrıı Mıkýsa.
Tóreshilerdiń biraýyzdy sheshimimen Mıkýsa jeńdi. 3 raýnd 5:00
Marsıo Kabral – Sergeı Romanov.
Qylqyndyrý ádisimen Romanov jeńdi. 1 raýnd 4:38
Isataı Temirov – Spenser Jebb.
Tóreshilerdiń sheshimimen Temirov jeńdi. 3 raýnd 5:00
Ioıslandı Izkerdı – Alekseı Ilenko.
Ilenkonyń tyıym salynǵan jerden tepkeni úshin Izkerdıǵa jeńis berildi. 2 raýnd 0:47
Goıtı Dazaev – Aleksandr Býtenko.
Tóreshilerdiń biraýyzdy sheshimimen Dazaev jeńdi. 3 raýnd 5:00
Vladımır Trýsov – Rýslan Shamılov.
Tehnıkalyq nokaýtpen Shamılov jeńdi. 2 raýnd 0:46
Sábıt Júsipov – Arıdan Romero.
Tehnıkalyq nokaýtpen Júsipov jeńdi. 3 raýnd 1:20
Ismaıl Geroev – Alekseı Sotnıkov.
Qylqyndyrý ádisimen Geroev jeńdi. 1 raýnd 4:40
Mahır Alıev – Tahır Abdýllaev.
Qoldy aýyrtý ádisimen Abdýllaev jeńdi. 2 raýnd 3:57
Azamat MÁÝLENULY
