Qazaq tili men ádebıeti boıynsha ótetin olımpıadaǵa qazaq dıasporasynyń ókilderi turatyn memleketterdegi jalpy bilim beretin mekemelerdiń daryndy balalary qatysa alady. Bıylǵy olımpıadaǵa Iran, О́zbekstan, Túrikmenstan, Qyrǵyzstan, Monǵolııa, Qytaı, Reseı Federasııasynyń - Samara, Omby jáne Altaı ólkesinen qurama komandalar qatysady dep kútilýde. Qazirgi ýaqytta tirkelgen qatysýshylar sany - 62 oqýshy jáne 13 jetekshi.
Halyqaralyq olımpıadanyń qazylar alqasynyń tóraǵasy, Halyqaralyq qazaq tili qoǵamynyń prezıdenti, akademık О́mirzaq Aıtbaıuly jáne joǵarǵy oqý oryndarynyń ǵalymdary men bilim qaıratkerlerinen quralǵan.
Olımpıadanyń jeńimpazdary men júldegerleri Qazaqstan Respýblıkasy Bilim jáne ǵylym mınıstriniń I, II, III dárejeli dıplomdarymen, medaldarymen jáne «Daryn» RǴPO gramotalarymen marapattalady. Sonymen qatar jeńimpaz jáne júldeger atanǵan shettegi qandastarymyzdyń balalaryna jyl saıyn qoldaý tanytyp, Qazaqstan Respýblıkasynyń joǵarǵy oqý oryndarynyń rektorlary óz granttaryn tabystaıdy.
Olımpıadanyń saltanatty ashylý rásimi 2019 jylǵy 3 shilde kúni saǵat 10.00-de Atyraý oblysynyń ákimi N.Noǵaevtyń qatysýymen Qurmanǵazy atyndaǵy mádenıet saraıynda; saltanatty jabylýy, ıaǵnı jeńimpazdar men júldegerlerdi marapattaý rásimi 6 shilde kúni saǵat 11.00-de Qurmanǵazy atyndaǵy mádenıet saraıynda ótedi.
