«Qazaqstan Respýblıkasynyń Ulttyq banki» Respýblıkalyq memlekettik mekemesi basqarmasynyń qaýlysy

«Qazaqstan Respýblıkasy ulttyq valıýtasynyń shetel valıýtalaryna resmı baǵamyn belgileý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń 2012 jylǵy 24 tamyzdaǵy №242 qaýlysyna ózgerister engizý týraly 

«Qazaqstan Respýblıkasynyń Ulttyq Banki týraly» 1995 jyl­ǵy 30 naýryzdaǵy Qazaqstan Respýblıkasynyń Zańyna sáıkes, Qazaqstan Respýblıkasy ulttyq valıýtasynyń shetel valıýtalaryna qatysty resmı baǵamyn belgileý tártibin jetildirý maqsatynda Qazaq­stan Respýblıkasy Ulttyq Bankiniń Basqarmasy QAÝLY ETEDI:

1. «Qazaqstan Respýblıkasy ult­tyq valıý­tasynyń shetel valıýtalaryna resmı baǵamyn belgileý qaǵı­dalaryn bekitý týraly» Qazaq­stan Respýblıkasy Ulttyq Banki Basqarmasynyń 2012 jylǵy 24 tamyzdaǵy №242 qaýlysyna (Nor­matıvtik quqyqtyq aktilerdi mem­lekettik tirkeý tiziliminde №7977 bolyp tirkelgen, 2012 jylǵy 27 jeltoqsanda «Egemen Qazaqstan» gazetinde № 852-856 (27927) jarııa­lanǵan) mynadaı ózgerister engizilsin: 

1 jáne 2-taraýlardyń taqyryptary mynadaı redaksııada jazylsyn: 

«1-taraý. Qaǵıdalarda paıdalanylatyn uǵymdar»;

«2-taraý. Ulttyq valıýtanyń shetel valıýtalaryna resmı baǵamyn belgileý»;

3 jáne 4-tarmaqtar mynadaı redaksııada jazylsyn:

«3. Ulttyq valıýtanyń AQSh dollaryna qatysty Nur-Sultan qalasynyń ýaqytymen saǵat 15-30-daǵy jaǵdaı boıynsha qalyptasqan ortasha alynǵan bırjalyq baǵamy ulttyq valıýtanyń AQSh dollaryna qatysty saýda-sattyq júrgizilgen kúnnen keıingi kelesi jumys kúnindegi resmı baǵamy retinde belgilenedi.

4. Qaǵıdalarǵa qosymshada kórse­tilgen basqa shetel valıýtalary bo­ıynsha ulttyq valıýtanyń shetel valıýtasyna baǵamyn Ulttyq Bank qor bırjasynda saýda-sattyq júrgizilgen kúni Nur-Sultan qalasynyń ýaqytymen saǵat 16-00-degi jaǵdaı boıynsha aqparattyq agenttiktiń arnalary boıynsha alynǵan suranystyń baǵa belgilenimderine sáıkes qalyptasqan AQSh dollaryna kross-baǵamdy paıdalana otyryp esepteıdi jáne ol kelesi jumys kúnine arnalǵan resmı baǵam retinde belgilenedi.»;

3-taraýdyń taqyryby mynadaı redaksııada jazylsyn:

«3-taraý. Ulttyq valıýtanyń shetel valıýtalaryna qatysty baǵamyn belgileýdi qamtamasyz etetin rásim­der»;

10 jáne 11-tarmaqtar mynadaı redaksııada jazylsyn:

«10. Shetel valıýtalarynyń ulttyq valıýtaǵa resmı baǵamdary týraly qujat qol qoıylǵan kúni Nur-Sultan qalasynyń ýaqytymen saǵat 18.00-ge deıin Ulttyq Banktiń bólimshelerine, ekinshi deńgeıdegi bankterge jáne bas­qa da múd­deli uıymdarǵa derekterdi resmı baılanys arnalary (ortalyq teletaıp, teleks, aqparat berýdiń jáne tólemder jasaýdyń halyqaralyq ban­k­aralyq júıesi (SWIFT)) jáne elektrondyq poshta arqyly jiberý jolymen jetkiziledi.

11. Ulttyq valıýtanyń shetel valıýtalaryna resmı baǵamdary (shetel valıýtalarynyń ulttyq valıýtaǵa resmı baǵamdary) týraly aqparat belgilengen kúni Nur-Sultan qalasy­nyń ýaqy­tymen saǵat 24.00-ge deıin AAJ-ǵa engiziledi.».

2. Monetarlyq operasııalar­ depar­tamenti (Moldabekova Á.M.) Qazaqstan Respýblıkasy­nyń zańnamasynda bel­gi­lengen tártippen:

1) Zań departamentimen (Sársenova N.V.) birlesip osy qaýlyny Qazaq­stan Respýb­lıkasy­nyń Ádilet mınıstr­liginde memlekettik tirkeýdi;

2) osy qaýly memlekettik tirkelgen kún­nen bastap kúntizbelik on kún ishinde ony qazaq jáne orys til­derin­de Qazaqstan Respýblıkasy Ádi­let mınıstrliginiń «Qazaqstan Respýb­lıkasynyń Zańnama jáne quqyqtyq aqparat ınstıtýty» sharýashylyq júrgizý quqyǵyndaǵy respýblıkalyq memlekettik kásipornyna resmı jarııalaý jáne Qazaqstan Respýblıkasy nor­matıvtik quqyqtyq aktileriniń etalondyq baqylaý bankine engizý úshin jiberýdi;

3) osy qaýly resmı jarııalanǵannan keıin Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy;

4) osy qaýly memlekettik tirkelgen­nen keıin on jumys kúni ishinde Zań departamentine osy qaýlynyń osy tarmaǵynyń 2), 3) tar­maqshalarynda jáne 3-tarmaǵynda kóz­delgen is-shara­lardyń oryndalýy týraly málimet­terdi usynýdy qamtamasyz etsin.

3 Syrtqy kommýnıkasııalar depar­tamenti - Ulttyq Banktiń baspasóz qyz­meti osy qaýly memlekettik tirkel­gennen keıin kúntizbelik on kún ishinde onyń kóshirmesin merzimdi baspasóz basylymdarynda resmı jarııalaýǵa jiberýdi qamtamasyz etsin.

4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary E.A.Birtanovqa júktelsin.