Qorǵas kólik-logıstıkalyq haby – basty nazarda

Taıaýda Indýstrııa jáne ınf­raqurylymdyq damý mınıstri Roman Sklıar men «Samuryq-Qazyna» UÁQ» AQ Basqarma tór­aǵasy Ahmetjan Esimov Almaty oblysyna jumys sapary barysynda «Qorǵas – Shyǵys qaqpasy» AEA-nyń nysandarymen jáne qyzmetimen tanysty. Qorǵas kólik-logıstıkalyq haby nysandarynda sonymen qatar Almaty oblysynyń ákimi Amandyq Batalov, «Qazaqstan temir joly» UKÁ» AQ Basqarma tóraǵasy Saýat Myńbaev jáne «Qazposhta» AQ Basqarma tór­aǵasy Sáken Sársenov boldy. 

Aýdany 3010 sharshy metr bo­la­tyn «Qazposhta» AQ-nyń bon­d­tyq qoımasy Qorǵastaǵy kólik­-logıstıkalyq habynyń aýmaǵynda ornalasqan. Ol avıa­jetkizilim merzimin 2-3 kúnge deıin, al avtokólikpen jetkizýdi 7-12 kúnge deıin qysqartýǵa, sonymen qatar poshta operatoryna áriptester sanyn keńeıtýge múm­kindik beredi. Ishinara «Qaz­poshta» ınfraqurylymyn paıdalaný týraly Clevy, «OBORCloud Network Technology Co., Ltd» jáne basqa da birqatar qytaı­lyq lo­­gıs­­tıkalyq kompanııalar­men ýaǵ­da­lastyqtarǵa qol jetkizildi.

Búgingi tańda qytaılyq árip­tester Qazaqstan arqyly tranzıtpen osy jyldyń sońyna de­ıin 400 tonnadan astam taýar jiberýge daıyn. Erekshe atap ótilgeni, qoıma Qytaıdan Eýro­palyq odaq jáne Ortalyq Azııa elderine baǵyttalǵan tranzıt­tik júkterdi óńdeýge arnalǵan. Onyń óndiristik qýaty ortasha eseppen kúnine 15-20 tonnany quraıdy, syıymdylyǵy shamamen 58 tonna.

Qazirgi tańda transqurlyq­tyq konteınerlik júk aǵyny úshin jańa tartylys ortalyǵyna «Khorgos GateWay» qurlyq porty aınalyp otyr. О́ńdeletin kon­teı­nerler kólemi jyl saıyn artýda. 2018 jyly 134 myń­nan astam JFE (jıyrma fýt­tyq ekvıvalent) qaıta tıelgen, bul – 2017 jylǵa qaraǵanda 39% kóp.

– Alǵashqy jartyjyldyqta biz 66,5 myń JFE óńdedik. Jalpy alǵanda, bir jylda konteınerler tıeýdi 21%-dan asyrý josparlanýda, – dedi «KTZE-Khorgos GateWay» JShS bas dırektory Ibragım Manabaev.

Ahmetjan Esimov elde kon­teı­nerlik tasymal 47% -ǵa art­qanyn jetkizdi. Bul rette ol «KTZ Express» AQ Bas­qar­ma tóraǵasy Dmıtrıı Abdýl­laev­qa qarata, bıyl qansha júk tıe­lý josparda turǵanyn surap, qyzy­ǵý­shylyq tanytty jáne bul kór­setkishti 1 mıllıonǵa deıin jetkizý rasynda múmkin be dep surady. 

«KTZ Express» basshysy kompanııa jospary boıynsha bıylǵy meje 824 myń konteıner JFE ekenin jetkizdi. Biraq osy kórsetkishti arttyrý jumystary úzdiksiz jalǵasýda. Taıaýda D.Abdýllaev Qytaıǵa baryp, sondaǵy áriptestermen 20-ǵa jýyq kezdesý jáne Chýn­sın, Chýndý, Sıan provın­sııa­­larynda kelissózder ótkizedi.

– Kommersııalyq jumystar udaıy júrgizilýde. Teńiz baǵ­darlary boıynsha da, Tran­sibir aýmaǵy arqyly da júk aǵynyn tartýdamyz, – dedi ol.

Delegasııa barǵan kezde qur­lyq portynda ekinshi kon­teınerlik quramdy qaıta tıeý jumystary júrip jatty. Birinshisi bul jerden birneshe saǵat buryn Eýropa ba­ǵytynda jóneltil­gen. Al ekin­shisiniń baǵyty – Aqtaý porty, onyń quramynda Iranǵa ketetin 40 konteıner boldy. Bul rette atalǵan po­ıyzdyń «Samuryq-Qazyna» qorynyń qoldaýymen bıyl sáýirde Bakýge baǵyttalǵan qazaq­standyq «Túrkistan» keme­sin paı­dalana otyryp, iske qo­syl­ǵan fıderlik jelige tikeleı qatysy bar. 

– Aqtaý teńiz portyndaǵy bul jeli turaqty kestemen jumys isteýde. Búgingi poıyz seısenbi kúni Aqtaýda bolady, sársenbide ony Kaspıı arqyly jetkizý ornyna jóneltedi. Sonymen birge Qorǵasqa jaqyn­daǵan kezekti poıyz Qytaı aýma­ǵy arqyly júredi, – dedi D.Abdýllaev. 

Aqtaý, Baký (Alıat) porttary arasyndaǵy fıderlik qatynas kún saıyn aınalymǵa shyǵyp, suranysy joǵarylaýda. Eki aı ishinde fıderlik klasty kemelermen 700-den astam konteıner tasymaldanǵan. Tek sáýir aıynyń ózinde olardyń sany 200 boldy, al maýsymda Aqtaý porty 500-den astamyn jóneltti. Mundaǵy atalǵan logıstıkalyq servıstiń áleýeti jylyna 300 myńnan astam konteınerdi quraıdy. 

«Qorǵas – Shyǵys qaqpasy» AEA qurlyq porty, Aqtaý teńiz porty jáne Altynkól shekara­lyq stansasynyń logıstıka­lyq ınfraqurylymyn paıdala­ný atalǵan baǵdar men óńir­diń da­mýynda eń joǵary mýltıp­lı­ka­­tıvtik tıimdilikke ıe bolady. Al «Qorǵas – Shyǵys qaq­pasy» AEA logıstıkalyq aı­maǵynda jaqyn kúnderi jalpy aýdany 25 myń sharshy metr «KIF Warehouses» JShS jańa qoıma kesheni iske qosylady.  

– 2025 jylǵa deıin jalpy so­­m­asy 421 mlrd teńgeniń 10 ın­­ves­­­tısııalyq jobasy júzege asy­­­ryl­maq, – dedi «Qor­ǵas – Shy­­­­ǵys qaqpasy» AEA AQ Bas dı­­rek­­tory Murat Baımu­han­betov. – «Nurly jol» qosynyn qa­raý ke­zinde «Qorǵas – Shyǵys qaq­­­­­pa­sy» AEA aýmaǵynda avto­kó­­lik­­­­­ter­­diń kedergisiz qol­jetim­d­ili­gin qam­ta­masyz etýge kóńil bólin­di. 

«Qorǵas» HShYO» AQ pre­­­­zı­­­­denti Qaharman Dja­zın «Qorǵas» HShYO» AEA bas­qarý kom­­pa­nııasy mártebesin alysymen Halyq­aralyq ortalyqtyń qazaq­stan­dyq aýmaǵynda jumys isteı­tin kompanııalardy tirkeý bastalatynyn aıtty. Olardyń bári kórsetilgen jeńildikter paketin alady – QQS, KTS-ten jáne jer men múlikke salyq­tardan tolyq­taı bosatylady.