Bul sharanyń maqsaty – ınnovasııalyq bilim berý tehnologııalary salasynda ozyq tájirıbe men bilim almasý. Kezdesý nátıjesinde árbir qatysýshyǵa paıda tıgize otyryp, tájirıbe alýǵa kómek bolary sózsiz. Aýqymdy sharaǵa Tájikstan, Túrikmenstan, Qyrǵyzstan, О́zbekstan, Lıýksembýrg, Bolgarııa, Portýgalııa, Italııanyń joǵary oqý oryndarymen qatar О́zbekstan Respýblıkasynyń elshiligi jáne Ortalyq Azııa bilim mınıstrliginiń ókilderi qatysty. Jobaǵa Qazaqstannan QR Bilim berý mınıstrligi, Almaty tehnologııalyq ýnıversıteti jáne L.N.Gýmılev atyndaǵy Eýrazııa Ulttyq Ýnıversıteti qatysty.
Kezdesý ýnıversıtettegi dombyra úıirmesiniń ónerpazdarynyń «Balbyraýyn» jáne «Adaı» kúılerimen ashyldy. Budan soń ortada stýdentter «Qazaq bıin» bıledi.
Kirispe sózdi Almaty tehnologııalyq ýnıversıtetiniń birinshi prorektory Baýyrjan Nurahmetov bastap berdi. Kelgen qonaqtarmen tanysqan soń ol oqý ordasy – Almaty tehnologııalyq ýnıversıtetiniń tarıhymen tanystyrdy. Sondaı-aq, jetistikteri men bilim sapasyna toqtala otyryp, bilim berýdegi erekshelik jóninde aıtyp ótti.
Budan keıin ár qatysýshy daıyndap kelgen baıandamalaryn oqyp, tájirıbelerimen bólisti.
Erasmus+ jańa jobasy ınnovasııalyq bilim berý tehnologııalary salasyndaǵy ozyq tájirıbelermen almasý úshin baǵyttalǵan. Jobanyń nátıjesinde seriktes ýnıversıtetterdiń ár oqý ornynda 15 ınnovasııalyq bilim berý tehnologııasy ortalyǵy jáne 15 oqý zerthanasyn salý josparlanyp otyr. Sondaı-aq, seriktes ýnıversıtetterde ınnovasııalyq tehnologııalardy engizý maqsatynda sıfrlyq daǵdylardy ıgerý jáne oqytý ádistemesin meńgerý boıynsha muǵalimderge arnalǵan kýrstar uıymdastyrylmaqshy.
Aıta keteıik, Erasmus+ bilim berý baǵdarlamasynyń negizinde qazir bilim berý sapasynyń joǵarylady. Bul joba Qazaqstan, Qyrǵyzstan, О́zbekstan, Túrikmenstan jáne Tájikstannyń 15 ýnıversıtetinde jáne 4 eýropalyq ýnıversıtetter – Bolgarııa, Italııa, Portýgalııa, Lıýksembýrgta júzege asyp jatyr.
ATÝ Medıa ortalyǵy
