«Alǵash ret polısııa olardy Jarokov kóshesi boıynda toqtatýǵa tyrysady. Biraq olar ony elemeı yzǵyp óte shyǵady. Odan soń jol erejesin buzýshylardy ustaý úshin Atakentke shyǵatyn jol jabylady. Alaıda bul shekteý de olardy toqtata almady. Osy arada «Toıota Kamrı» kóligi polısııa leıtenanty Maqsat Qılybaevty qaǵyp óte shyqqan. Qudaı saqtaǵanda, ol keri sheginip úlegergen. Osy kortejge tıesili «Lada Prıora» kóligin toqtatpaq bolǵan polısııa kapıtany Jandos Buǵalov ta zardap shekti. Onyń tizesine qatty zaqym kelgen, biraq ol aýrýhanaǵa barýdan bas tartqan. Kapıtandy qaqqanymen qoımaı «Lada Prıora» polısııanyń qyzmettik kóligin de soǵyp óte shyqqan. Báribir olar onyń izine túsip, Saharıev kóshesinde toı kólikteriniń úsheýiniń de jolyn japty. Kólikterdiń ishi toly «Qyz uzatý» toıynan qaıtyp kele jatqan jastar bolǵan, onyń ishinde qalyńdyq ta bar», – deıdi Almaty polısııa departamenti Ákimshilik polısııa basqarmasynyń bastyǵy Jandos Muratálıev.
«Toıota Kamrı-70» kóligin 1996 jylǵy týǵan A.Mamytjanov tizgindegen. Oǵan qatysty 2 ákimshilik hattama toltyryldy. Al «Lada Prıora» kóligin tizgindegen 1998 jylǵy E.Hamzaǵa 4 ákimshilik hattama toltyrylǵan.
ALMATY
