Qaladaǵy úılerdiń 85%-y jóndeýdi qajet etedi. Qazir onda jumys istep jatqan qurylys kompanııalarynyń sany 118-ge jetti. Aýqymdy iske 1546 qurylysshy men 86 arnaıy tehnıka tartyldy.
Vıse-mınıstr Qaıyrbek О́skenbaev bastaǵan jumys toby qazir Arys qalasynda. Apat aımaǵyndaǵy barlyq úıler baqylaýǵa alynyp, jumysqa kúndelikti monıtorıng jasalyp otyrady.
– Biz árbir turǵyn úıdi turaqty baqylaýǵa aldyq. Eger tipti jeldetkish nemese terezeniń áınegi synǵan bolsa da barlyǵyn eskerdik, jóndelýge tıis nysan retinde tirkeýge aldyq. Keıbir úılerdi buzyp, qaıta salý kerek. Qazir shyǵyn somasyn jáne qalpyna keltirý úshin qajetti qarajatty anyqtaý maqsatynda baǵalaý júrgizemiz, – dedi Qaıyrbek О́skenbaev.
Arys 17 sektorǵa bólinip, olar elimizdiń barlyq óńirleri men respýblıkalyq mańyzy bar qalalarǵa bekitip berilgen. Turǵyn úılerdi qalpyna keltirý boıynsha shyǵyndardyń bir bóligin bekitilgen jergilikti atqarýshy organ ózine alady, qalǵan bóligi respýblıkalyq bıýdjet qarajaty esebinen jabylady. Kún saıyn saǵat 19.00-de barlyq ákimdikter turǵyn úı qoryn jóndeý boıynsha atqarylǵan jumystar týraly baıandaıdy.
Sondaı-aq qalada barlyq buzylǵan ınfraqurylymdy: ınjenerlik kommýnıkasııalar men joldardy qaıta qurý jumystaryna Úkimet rezervinen qarajat bólindi.
