«Soltústik soıasy» memlekettik baǵdarlamasy respýblıkada júzege asyrylyp jatyr. Oblys ákimi Arhımed Muhambetov oblystyń ylǵaly mol soltústik aýdandary ákimderiniń aldyna 2020 jyly sebiletin soıa tuqymyn alýdy tapsyrdy.
Soıa daqylyn qara topyraqty Fedorov aýdanyndaǵy «Troıana» jaýapkershiligi shekteýli seriktestigi 2012 jyldan bastap egip keledi. Sharýashylyq jetekshisi Iýrıı Malyshko sharýashylyq basshylary aldynda óz tájirıbesimen bólisti.
«Eń aldymen soıa daqyly naryqta qymbat. Mysaly ótken jyly biz tonnasyn 140 myń teńgeden sattyq, Muny arzan berip qoıǵanymyzdy keshirek bildik, áıtpese onyń baǵasy tonnasyna 160 myń teńgeden tómen túspeıdi. Ekinshiden soıa ekken jerge egilgen kez kelgen daqyldyń ónimi joǵarylaıdy. Mysaly biz soıa alqaptaryna ekken bıdaıdyń ár gektarynan 38 sentnerden ónim aldyq» dedi Iýrıı Malyshko.
«Troıana» sharýashylyǵy soıany egis alqabynyń 10 prosentine deıin jetkizdi. Munyń syrtynda maıly, burshaq daqyldaryn da egedi. Iýrıı Mıhaılovıch áriptesterin soıa egýge, «Soltústik soıasy» baǵdarlamasyna qatysýǵa shaqyrdy.
Qostanaı
