«Biz ýnıversıtetke «Serpin» baǵdardamasy boıynsha Shymkent qalasynan kelip túsken edik. Tórt jyl oqyp, matematıka pániniń muǵalimi mamandyǵyn aldyq. Endi óz qalaýymyzben Amangeldi aýdanyna keldik. Aldymyzdan jap-jańa baspana daıyn tur eken, qatty qýandyq. Bir bólme bolǵanmen ishi keń, ystyq sý, sýyq sýy kelip tur, ortalyqtan jylytylady» deıdi Lázzat О́sken. Aıtpaqshy Lázzat pen Erbolat bul baspanaǵa tamyz aıynda jas otbasy bolyp oralady, oǵan deıin Shymkentke ata-analaryna baryp, toıyn ótkizip keledi eken.
Amangeldi aýdanynda mamandar tapshylyǵy qatty bilinedi. Aýdan boıynsha 8 pánnen 23 muǵalim jetispeıdi. Al jalpy basqa mamandyqtardy qosqanda aýdanǵa 40-tan asa maman kerek.
Jas mamandarǵa arnalǵan 8 páterli úıdi aýdan kásipkerleri jumylyp salyp berdi. Oǵan negizinen muǵalimder ornalastyrylatyn bolady. Jańa oqý jylyna deıin áli bes jas maman osy úıdiń turǵynyna aınalady.
