«Ortalyq» óńirlik qolbasshylyǵynyń tárbıe jáne áleýmettik-quqyqtyq jumystar (TjÁQJ) basqarmasynyń josparyna jáne «Rýhanı jańǵyrý» baǵdarlamasy negizinde memlekettik tildiń qoldanylý aıasyn keńeıtý, onyń mártebesi men mańyzyn keńinen nasıhattaý, ózge ult ókilderi arasynda qazaq tilin bilý deńgeıin kóterý jáne oqyp-úırenýge degen yqylasy men qyzyǵýshylyǵyn arttyrý maqsatynda ózge ult qyzmetkerleri arasynda «Memlekettik til – meniń tilim» atty irikteý baıqaý ótkizildi.
Eki kúnge sozylǵan baıqaýǵa Qazaqstan Respýblıkasy Ulttyq ulany «Ortalyq» óńirlik qolbasshylyǵyna qarasty 6 áskerı bóliminen 6 áskerı qyzmetshi qatysty. Baıqaý aıasynda qatysýshylar memlekettik tildiń mańyzdylyǵyna toqtala otyryp, birinshi olar ózderin jınalǵan kópshilikke ózi, otbasy jáne qyzmeti týraly tanystyrdy. «О́rleý» nomınasııasy boıynsha Otan, patrıotızm, otbasy, erlik taqyrybynda patrıottyq taqyrypta maqal-mátelder men naqyl sózderdi jatqa aıtyp, qazaqtyń ǵulamalary men batyrlary jaıynda sahnalyq qoıylym kórsetti. Baıandaý aınalymynda olar patrıottyq taqyrypta elimizdiń Ata Zańy, «Qazaqstan kópultty memleket», «Ulttyq ulan el aıbyndy», «Qazaqstan respýblıkasynyń rámizderi», taǵy basqa taqyryptarda foto jáne beınemen súıemeldeý arqyly baıandamalar jasady. Atalmysh baıqaýǵa qatysqandar qazaq tilinde sóz saptap, oılaryn kópshilikke jetkize bildi. Sondaı-aq olardyń boıynan memlekettik tilge degen súıispenshilik pen qurmet te baıqaldy.
Sonymen qatar baıqaýǵa Qazaqstan Respýblıkasy Ulttyq ulany tárbıe jáne áleýmettik-quqyqtyq jumystar bas basqarmasynyń aǵa ofıseri, zapastaǵy podpolkovnık Botagóz Ryspaeva, Qostanaı oblysy ákimdigi tilderdi damytý basqarmasynyń aǵa mamany Dıana Qadyrova, «Til daryn» oqý ortalyǵynyń dırektory Juldyz Erbatyrova, Qostanaı oblystyq «Qostanaı tańy» gazetiniń jýrnalısi, aqyn Nurqanat Qulabaev jáne Qostanaı oblystyq «Qostanaı» telearnasynyń redaktory – telejúrgizýshi Zarına Nurǵazınova qazylyq jasady.
Qazylar alqasy qatysýshylardyń tildi múmkindiginshe erkin meńgergendigine, til baılyǵyna, til mádenıetine, daýys mánerine, sahnada ózin ózi ustaý mádenıetine, kıim kııý úlgilerine basa mán berdi. Sonymen, qazylar alqasynyń sheshimimen úzdik dep tanylǵan 3 áskerı qyzmetshi júldeli oryndarǵa ıe boldy. Atap aıtsaq, birinshi oryndy Qaraǵandy qalasyndaǵy 5451 áskerı bóliminiń 1 jedel maqsattaǵy batalony jaýyngerlik qamtamasyz etý vzvodynyń aǵa mamany (top bastyǵy) aǵa serjant Evgenıı Berdnıkov, ekinshi oryndy Kókshetaý qalasyndaǵy 5510 áskerı bóliminiń avtobrondy tank qyzmetiniń aǵa mamany, efreıtor Elena Grechýshnıkova alsa, Petropavl qalasyndaǵy 6637 áskerı bólimi medısına pýnktiniń mamany Natalıa Isaeva úshinshi orynǵa ıe boldy. Saıys jeńimpazdary baıqaý qorytyndysy boıynsha baǵaly syılyqtarmen jáne Ulttyq ulan «Ortalyq» óńirlik qolbasshylyǵy qolbasshysynyń arnaıy dıplomdarymen marapattaldy. Baıqaýda sahnanyń sánin keltirgen, áni men bıin pash etken Qostanaı oblysy «Dostyq» úıiniń jáne «О́lketaný» murajaıynyń basshylaryna alǵysymyz sheksiz.
Oqý – ádistemelik jıynynyń jalǵasy Qostanaı oblysy ákimdiginiń «Til daryn» oqý ortalyǵynda jalǵasty. О́ńirden kelgen til mamandary – Qostanaı oblysy ákimdigi tilderdi damytý ortalyǵy tilderdi damytý bóliminiń bastyǵy Baqytkúl Súleımenov, «KazTest» júıesi boıynsha jáne Qostanaı oblysy «Til daryn» oqý ortalyǵy dırektorynyń orynbasary Gúlnar Talapova «Latyn álipbıiniń emlesi» taqyrybynda dárister ótkizdi. Ekinshi kúni óńirden kelgen til mamandary ádistemelik sabaqtar júrgizdi. Ádistemelik sabaqty ótkizý barysynda jaqsy jetistik kórsetkeni úshin 6505 áskerı bólimi TjÁQJ bólimshe bastyǵynyń aǵa kómekshisi, maıor Shynar Aıtkenova úzdik dep tanylyp, «Ortalyq» óńirlik qolbasshylyǵy qolbasshysynyń buıryǵymen «Úzdik maman» ataýyna ıe bolyp, dıplom jáne baǵaly syılyqpen marapattaldy.
Ulttyq kıesi tilinde. Til – adamdy órkenıetke jeteletin rýhanı kúsh ekenin biz eshqashan esten shyǵarmaýymyz kerek.
Muratbek QUDAIBERGENOV,
maıor, 6697 áskerı bólimi TjÁQJ bólimshe bastyǵynyń aǵa kómekshisi
