Myltyq áıteýir bir atylady

Juma, 31 mamyr 2013 2:06

Taıaýda Bas prokýratýrada Zańdy­lyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekti otyrysy bolyp, onda atys qarýlarynyń, oq-dárilerdiń jáne jarylǵash zattardyń zańsyz aınalymyna qarsy kúres jáne olarǵa tosqaýyl qoıýdyń tıimdiligin arttyrý máseleleri qaraldy.
Bas Prokýror atap ótkendeı, quqyq qorǵaý organdary basshyla­rynyń zańsyz qarý aınalymy máselesin talqylaýynyń ózektiligi, eń aldymen, qoǵamdyq qaýipsizdikti jáne quqyqtyq tártipti qamtamasyz etý qajettiligimen, sondaı-aq uıymdasqan qylmystyń ósý úrdi­sinen týyndap otyr.

Juma, 31 mamyr 2013 2:06

Taıaýda Bas prokýratýrada Zańdy­lyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekti otyrysy bolyp, onda atys qarýlarynyń, oq-dárilerdiń jáne jarylǵash zattardyń zańsyz aınalymyna qarsy kúres jáne olarǵa tosqaýyl qoıýdyń tıimdiligin arttyrý máseleleri qaraldy.
Bas Prokýror atap ótkendeı, quqyq qorǵaý organdary basshyla­rynyń zańsyz qarý aınalymy máselesin talqylaýynyń ózektiligi, eń aldymen, qoǵamdyq qaýipsizdikti jáne quqyqtyq tártipti qamtamasyz etý qajettiligimen, sondaı-aq uıymdasqan qylmystyń ósý úrdi­sinen týyndap otyr.

Qabyldanǵan sharalarǵa qara­mastan, qarý aınalymy salasyn­daǵy jaǵdaı kúrdeli kúıde qalyp tur. Atys qarýyn qoldanýmen baılanysty qylmystar sanynyń artýy alańdatýshylyq týǵyzady. Sońǵy bes jylda atys qarýyn qoldanýmen baılanysty tirkelgen 2 328 qylmystyń 93 paıyzy zańsyz aınalymda júrgen qarýmen jasalǵan.
Travmatıkalyq qarýdy qoldanyp jasalatyn qylmystardyń sany 8 esege – 2008 jylǵy 46-dan 2012 jyly 375-ke deıin ósken. Bıylǵy jyldyń basynan beri 139 osyndaı qylmys jasalǵan, bul qarý qoldanýmen baılanysty barlyq tirkelgen qylmystardyń 60 paıyzdan astamyn qurap otyr.
Osynyń barlyǵy qoǵamdyq qaýip­sizdikti arttyrýǵa, ıaǵnı trav­ma­tıkalyq qarýdy baqylaýsyz paıdalanýdy boldyrmaý úshin qarý ıelerine zańnamalyq shekteýler jónindegi bastama kóterý qajet­tiligine alyp keldi. Ishki ister mınıstrligi daıyndaǵan zań jobasy travmatıkalyq qarýdy azamatt­yq aınalymnan alyp tastap, ony qyz­mettik topqa aýystyrýdy kózdeıdi.
Talqylaý qorytyndysy boıynsha Úılestirý keńesiniń músheleri qarýdyń zańsyz taralýyna tosqaýyl qoıý, qarý aınalymyna baqylaýdy kúsheıtý, onyń tıisti esepke alynýyn jáne saqtalýyn qamtamasyz etýge baǵyttalǵan keshendi sharalar usyndy.
Osy maqsatta óńirlik ishki ister organdarynyń áskerı-tergeý bólimshelerimen ózara is-qımylyn kúsheıtý, zańsyz saqtalǵan atys qarýlar men oq-dárilerdi alý, olar­dyń satyp alý kózderin tabý, zańsyz jetkizý arnalaryn anyqtaý boıynsha birlesken jumystardyń belsendiligin arttyrý usynyldy. Travmatıkalyq qarýdy zańsyz satyp alý, satý, saqtaý, tasymaldaý jáne alyp júrý úshin qylmystyq jaýapkershilik belgileý usynyldy.
Sondaı-aq, ýákiletti organdarǵa azamattyq jáne qyzmettik qarý aınalymy salasyndaǵy sharýashylyq sýbektileriniń qyzmetine baqy­laýdy kúsheıtý, jarylǵysh zattardy saqtaý men esepke alýdyń talaptaryn qaıta qaraý, olarǵa ruqsaty bar tulǵalardyń avtomattandyrylǵan málimetter bazasyn jasaý múmkin­digin zerdeleý tapsyryldy.
Aleksandr TASBOLATOV,
«Egemen Qazaqstan».