Tabıǵı gaz tutynýǵa endi aımaqtyń shetkeri aýmaǵynyń biri – Uıǵyr aýdany turǵyndary da qol jetkizdi. Jaqynda Shonjy aýylynda aýdandy kógildir otynmen qamtamasyz etetin gaz taratý qondyrǵysynyń ashylýy ótti. Sharaǵa qatysqan oblys ákimi Amandyq Batalov elimizdiń gazdandyrýǵa qatysty Elbasy júktegen mindettiń oryndalyp jatqanyn aıtty.
- Jetisý óńirinde, onyń ishinde Taldyqorǵan aımaǵynda tabıǵı gaz tutyný buryn-sońdy bolmaǵan jaǵdaı. Biz memlekettiń qoldaýy arqasynda qazir oblystaǵy ár úıdiń kógildir otynǵa qosylýyna jumys istep jatyrmyz. Alys aýdandardan alǵashqy bolyp Qaradaly óńiri gaz jelisine qosyldy. Endigi baǵyt Kegen men Raıymbek aýdandary. Osy maqsattan aınymaı, Taldyqorǵanǵa jetken gaz jelisin Aqsý, Sarqan, Alakól aýdandaryna deıin tartýdy jalǵastyramyz. Buǵan múmkindik bar, - dedi aımaq basshysy.
Shonjy aýylyndaǵy «Sharyn» gaz taratý stansasynyń qurylysy áli tolyq aıaqtalǵan joq. Alǵashqy kezeńdi iske qosý barysynda-aq aýyldaǵy 42 abonement kógildir otynǵa bir kúnde qosylǵan, 150 úıdiń ótinishi kezekte tur. Bul óńirdegi kógildir otynǵa degen suranystyń joǵary ekenin kórsetedi. Jalpy, bir ǵana Shonjy aýyly boıynsha 5 abonement gaz jelisine qosylýǵa daıyn otyr eken.
Almaty oblysy
