«HH ǵasyrdaǵy qazaq ádebıetiniń irgeli janrlaryn qalyptastyrýǵa mol úles qosqan asa kórnekti sýretker Beıimbet Maılın 15 povest, «Azamat Azamatych» degen roman jazdy, eki romany aıaqtalmaı qaldy. Onyń syrtynda iri-ýaqty 25 pesasy, lıbretto, ssenarııleri taǵy bar.1923-1937 jyldar aralyǵynda 55 kitap shyǵaryp qaldyrǵan. Qazir oblysta Bı-aǵanyń atymen 22 kóshe, tórt mektep, bir mýzeı, bir aýyl, bir stansa bar. Beıimbet Maılınniń týǵanyna 125 jyl tolý qurmetine oraı bıylǵy 24 maýsymda Qazaqstan Prezıdenti Qasym-Jomart Toqaev Taran aýdanyna Beıimbet Maılın esimin berý týraly Jarlyqqa qol qoıdy. Bul kóptiń qalaýy bolatyn» dedi Gúljan Ermashqyzy.
Bı-aǵaǵa arnalǵan múshaıraǵa qatysý úshin talaptanǵandar qarasy barshylyq boldy. Biraq aqyndar óleńi aldymen alǵashqy irikteýden ótti.
«О́zimizdiń Bı-aǵa» atty jyr múshaırasyna 30-dan astam jumys túsken edi. Irikteýden múshaıraǵa 13 aqyn ótti, belgili sebepterge baılanysty bir aqyn kele almaı qaldy» deıdi múshaırany uıymdastyrǵan Oblystyq tilderdi damytý basqarmasynyń bólim basshysy Baqytgúl Súleımenova.
I.Omarov atyndaǵy oblystyq qazaq drama teatrynyń zalynda qostanaılyqtar múshaırany tamashalap, jyr bulaǵynan sýsyndady. Jazýshy Ǵumar Ahmetchın bastaǵan qazylar alqasy aqyndar óleńderin saralaı kele, úshinshi oryndy Nur-Sultan qalasynan kelgen Juldyzaı Ysqaqovaǵa, ekinshi oryndy aqtóbelik Gúlimaı Qýanyshevaǵa, úshinshi oryndy Rýdnyı qalasynan qatysqan Ǵalymkereı Kenjebozınge berdi. Al múshaıranyń bas júldesin Nur-Sultan qalasynan kelgen aqyn Ábilmájın Serikbaı jeńip aldy. Sonymen qatar múshaıraǵa Lısakov qalasynan Beıimbet Maılın týraly óleńin joldaǵan 84 jastaǵy Mór Tileýbaeva qarııaǵa da qurmet kórsetildi.
Qostanaı
