Prezıdent • 06 Shilde, 2019

Prezıdent qazaqstandyqtardy Elorda kúnimen quttyqtady

454 retkórsetildi

Qazaqstan Respýblıkasynyń Prezıdenti Qasym-Jomart Toqaev qazaqstandyqtardy Elorda kúnimen quttyqtady. Bul týraly Aqordanyń baspasóz qyzmeti habarlady.


Qazaqstan Respýblıkasynyń Prezıdenti  Qasym-Jomart Toqaevtyń Elorda kúnimen quttyqtaýy

Qurmetti otandastar!

Qadirli elorda turǵyndary!

Elordamyz – Nur-Sultan qalasy Qazaqstannyń jarqyn jetistikterin aıshyqtaıdy.

Tuńǵysh Prezıdentimiz Nursultan Ábishuly Nazarbaevtyń astanany kóshirý týraly biregeı sheshimi halqymyz úshin asa mańyzdy tarıhı oqıǵa boldy.

Elbasynyń erik-jigeri men teńdessiz erliginiń arqasynda Eýrazııa kindiginde iri saıası, ekonomıkalyq, mádenı jáne bilim ortalyǵy paıda boldy. Bul qadam damý, órkendeý jáne jasampazdyq jolynda Qazaqstanǵa tyń serpin berdi.

Nur-Sultan qalasy osyndaı qysqa merzim ishinde Eýrazııa tórindegi ǵajaıyp mekenge aınaldy.

Sáýleti aıryqsha ǵımarattar men elordamyzdyń zamanaýı kelbetine álem jurtshylyǵy tánti boldy.

Qalamyzda jahandyq máni zor saıası sharalar ótýde. TMD, ShYU, EAEO, EQYU, IYU sammıtteri, EKSPO-2017 kórmesi, Azııa oıyndary, Astana bitimgershilik úderisi – osynyń barlyǵy Qazaqstannyń bas qalasynyń abyroıyn arttyrdy.

Elordanyń órkendeýi – Elbasynyń jáne barsha Qazaqstan halqynyń eńbegi. Elimizdiń barlyq óńiri Nur-Sultan qalasynyń órkendeýine úles qosty. Búginde bas qalamyz barsha jurtymyzdyń yntymaq-birliginiń sımvolyna aınaldy.

Elorda – elimizdiń júregi. Memleketimizdiń jarqyn bolashaǵyna jol ashatyn taǵdyrly sheshimder osy jerde qabyldanady.

Qazaqstan Respýblıkasynyń Prezıdenti retinde qalamyzdyń boı kóterýine jáne qalyptasýyna úles qosqan elimizdiń árbir azamatyna rızashylyq bildiremin.

Barshańyzdy Elorda kúnimen quttyqtaımyn!

Nur-Sultan qalasynyń turǵyndaryna jáne barsha halqymyzǵa baq-bereke, zor densaýlyq, amandyq tileımin!



Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar