Bitimgerlik eńbegi joǵary baǵalanady

Búginde Qazaqstan osy tu­raq­tylyq pen beıbitshiliktiń arqasynda ekonomıkasy qaryshtap damyǵan, ozyq ınnovasııalarmen sýsyndaǵan áleýetti memleket retinde qalyptasty.

Eń bastysy, Qazaqstan aı­maq­taǵy, tipti halyqaralyq beldeýdegi qa­ýipsizdik pen turaqtylyqtyń tal besigine aınaldy. Máselen, Qa­zaqstan BUU Qaýipsizdik Keńesine turaqtylyq etken kezeń­de álemdik qoǵamdastyq nazaryn Aýǵanstandaǵy kúrmeýi qıyn máselelerge aýdara bildi. Aýǵanstandaǵy shynaıy ahýaldy tereńnen qozǵap, jahandyq qaýip-qaterdi túısine bilgen Nursultan Nazarbaevtyń bastamasymen ıgi ister qolǵa alyndy. Qazaqstan tarapynan da Aýǵanstan eline aýqymdy áleýmettik kómektiń kórsetilýi osynyń aıǵaǵy bolyp otyr. О́ıtkeni terrorızm, esirtki tasymaly men transshekaralyq qylmystan zardap shekken el álemdik qoǵamdastyqtyń kómeginiń arqasynda ǵana eńsesin tikteıdi. Onyń ústine atal­ǵan elden bas­taý­yn alatyn qaýip-qa­ter­diń aı­maq­­taǵy kórshiles memleketterge ta­ral­maýyna eshqandaı kepildik joq.

Qazaqstannyń Tuńǵysh Prezı­den­ti Sırııa daǵdarysyn joıýǵa baǵyt­talǵan kelis­sózderde de tarap­tarǵa araaǵaıyn­dyq qy­lyp, jaǵdaıdyń ýshyqpaýyna, má­se­leniń beıbit jolmen sheshilýine eleýli úles qosty.

Jalpy, bizge Nursultan Nazar­baev­tyń árbir usynysy, bastamasy tereń saraptaýlardan, jan-jaǵyn qamtyǵan taldaýlardan quralatyny aıqyn seziledi.

Qazaqstan Prezıdentiniń tabıǵı bitimgerlik qasıeti aımaqtaǵy kórshi­ler­diń bitispes máselelerin ońtaıly sheshýge de yqpalyn tıgizýde. Aıtalyq, bes memleket Kaspıı teńiziniń quqyqtyq mártebesine kelgende uzaq jyldar boıy kelise almady. Aqyry Nursultan Nazarbaev «Kaspıı teńiziniń konstıtýsııasy» dep baǵalaǵan qujatqa Aqtaý qalasynda qol qoıylyp, taraptar mámilege keldi. Osy kezde burynǵy shıelenisterdiń qalaı óristeıtinine álem elderi syrttaı kóz tigip otyrǵan bolatyn. Másele N.Nazarbaevtyń kúsh salýymen ońynan sheshildi.

Qazaqstannyń sońǵy otyz jyldaǵy jetistigin, órkendeýin Nursultan Nazarbaevtan bóle-jara qaraýǵa bolmaıdy. Oǵan qosa, Qazaqstan Prezıdentiniń UQShU men Eýrazııalyq ekonomıkalyq odaq ıdeıasynyń avtory jáne bas­tamashysy retindegi eńbeginiń ózi bir tóbe.

Sózimniń sońynda eńbek jolyn qarapaıym jumysshy retinde bas­tap, halyqaralyq kóshbasshy deńgeıine kóterilgen Nursultan Nazarbaevtyń joǵaryda atap kórsetilgen eńbekteri tarıh paraqtaryna altyn árippen jazylaryna senemin. О́mirdiń ashy-tushysyn kórip, eńbektiń dámin biletin adam retinde Qazaqstannyń Tuńǵysh Prezıdentiniń álemdik saıasattaǵy orny tipti erekshe bolyp qala beredi.

Nıkıta MENDKOVICh,

Eýrazııalyq sarapshylar klýbynyń jetekshisi

 Máskeý