Tuńǵysh Prezıdent – Elbasy N.Á.Nazarbaevtyń elordany aýystyrý týraly batyl sheshimi Eýrazııanyń júreginde jańa qalanyń, arý astananyń boı kóterýine jol ashty.
Qazaqstannyń jańa astanasy táýelsizdiktiń, Qazaqstan halqynyń qaıta órleýi men rýhanı kemeldenýiniń nyshanyna aınaldy.
Búgingi tańda sáni men saltanaty jarasqan Nur-Sultan shahary – álemdegi eń jas astanalardyń biri. Qysqa merzim ishinde iri halyqaralyq is-sharalar men aıtýly oqıǵalar ortalyǵyna aınalǵan ásem qalaǵa keletin týrıster men qonaqtar legi kóbeıýde.
Eńseli elordamyz tatýlyq pen kelisimniń astanasy mártebesin ıelengen. Onyń beıbitshiliksúıgish rýhynda Shyǵys pen Batystyń san ǵasyrlyq órkenıeti qabysyp, Qazaqstan halqynyń baı mádenıeti men salt-dástúrleri kórinis tapqan.
Qurmetti qazaqstandyqtar!
Aıshyqty mereke qarsańynda bizdiń shynaıy quttyqtaýymyzdy qabyl alyńyzdar!
Aıbyndy astanamyz gúldene bersin!
El irgesi aman, ár otbasynda baqyt, qut-bereke bolsyn, ómirlerińiz erteńgi kúnge degen senimdilikke toly bolsyn!
Qazaqstan halqy Assambleıasy
