Qurmetti qala turǵyndary men qonaqtary!
Sizderdi Elorda kúnimen shyn júrekten quttyqtaımyn!
Qazaqstannyń astanasy – Nur-Sultan qalasy – Táýelsizdik jyldaryndaǵy memleketimizdiń áleýmettik-ekonomıkalyq jáne saıası jetistikteriniń beınesi, elimizdiń ósip kele jatqan qýatyn jáne onyń odan ári damýynyń joǵary áleýetin kórsetedi.
Elordanyń taǵdyry Elbasy Nursultan Ábishuly Nazarbaevtyń qyzmetimen tyǵyz baılanysty. Ol elimizdiń bas qalasy aýmaǵyndaǵy barlyq sáýlet nysanyn salýǵa bastamashy boldy.
Nur-Sultan qalasy Qazaqstannyń halyqaralyq bedelin nyǵaıta túsedi jáne memleket damýynyń lokomotıvine aınaldy, onyń bolashaq ekonomıkalyq turǵydaǵy kórinisi bolyp sanalady. Bul álemniń jetekshi megapolısterimen senimdi túrde básekege túsetin qala, 21 jyl ishinde álemdik qaýymdastyqtardy damý qarqynymen jáne jyldamdyǵymen tańqaldyra otyryp, úlken serpilis jasaı aldy.
Astanamyzdyń qarqyndy damýy men órkendeýiniń basty kúshi shyǵarmashylyq jáne kásibı daǵdylarymen úlken jetistikterge jetip júrgen qalanyń turǵyndary dep bilemin.
Nur-Sultan – bizdiń maqtanyshymyz, ortaq úıimiz. Osynaý mereıli merekede denderińizge saýlyq, otbasylaryńyzǵa amandyq, ıgilik pen sáttilik tileımin!
